Автомобили
Лажирање километража на автомобили – на кои возила веќе не е можно да се направи тоа

Регулативата на Европската унија од 2017 година за заштита од манипулација со километражата сè уште не е имплементирана, додека истражувањето на германскиот автомобилски клуб (ADAC) докажува дека се уште лесно може да се манипулира со километражата на автомобилот.
Сепак, два германски производители на автомобили сега тврдат дека имаат решение.
Прилагодувањето на километражата денес е рутина и се нуди од дури 50 евра. Полицијата претпоставува дека на секој трет користен автомобил продаден во Германија е поправена километражата.
Измамниците ја зголемуваат вредноста во просек за 3.000 евра по автомобил, измамувајќи ги купувачите на половни автомобили или компаниите за лизинг. Проценетата вкупна штета во Германија е околу 6 милијарди евра годишно, според магазинот ХАК.
Регулативата на ЕУ 2017/1151 формално пропишува дека километражата во автомобил мора систематски да се одржува. Законот се применува за новите модели на возила од септември 2017 година, а од септември 2018 година за сите нови автомобили.
Сепак, сè уште недостасува детална листа за тоа како треба да изгледа оваа заштита и кое неутрално тело треба да ја провери. Резултатот од сето ова – изневерувањето продолжува, но не на сите автомобили.
Кога ги прелистуваа релевантните страници за користени автомобили, експертите на ADAC забележаа дека ова повеќе не важи за Audi A3 (од 2020 година) и VW Golf 8 (од крајот на 2019 година).
Овие модели се подобро заштитени од измами со километражата отколку многу конкуренти. Причината се новите компјутерски чипови со HSM (Hardware Secure Module) кој се користи за заштита на километражата.
Volkswagen најавува и нови мерки за спречување на отчитување на километражата.
Автомобили
Американските анализи покажуваат дека автоматските менувачи доминираат на нивниот автомобилски пазар

Темата за иднината на рачните менувачи ја допревме и порано, но анализата на најновите податоци од европските пазари, а особено од САД, јасно укажува дека тие полека исчезнуваат од автомобилската сцена.
Трендовите покажуваат дека автоматските менувачи веќе се наметнуваат како доминантен избор, оставајќи го класичниот рачен менувач на маргините. Воведувањето на SUV сегментот, а потоа и ширењето на електричните возила, само го забрза овој процес. Она што започна во САД уште кон крајот на 90-тите, а глобално во првата деценија од 21 век, денес изгледа како неповратна трансформација.
Американскиот пазар, со своите автопатишта и традиција за возила со големи димензии, одамна е предводник во користењето на автоматски менувачи. Првиот масовно достапен автоматски менувач, развиен од „Џенерал Моторс“ уште во 1939 година, ја трасираше патеката. Дека промената е драматична, говорат бројките: во средината на 90-тите години речиси 28% од новите возила сè уште имале рачен менувач, додека денес тој удел се сведе на едвај 0,8%.
Европа долго време одолеваше. Во 2001 година, дури 91% од сите автомобили регистрирани на петте најголеми пазари (Германија, Франција, Велика Британија, Италија и Шпанија) користеа рачен менувач. Дури и кај премиум и луксузните марки, автоматиката тогаш беше ретка и скапа опција. Но, со текот на времето, развојот на технологијата ги намали трошоците, а урбанизацијата и сè погустите сообраќајни метежи го направија автоматскиот менувач попрактично решение.
Не е изненадување што автошколите во најголемите земји на ЕУ сè почесто обучуваат возачи директно на возила со автоматски менувач. Денес, само симболичен дел од часовите е резервиран за рачна контрола.
Податоците го потврдуваат тоа: во 2023 година само 29% од новите автомобили во овие пет европски пазари имале рачен менувач. Кај премиум возилата доминацијата на автоматиката е речиси апсолутна – од 31% во 2001 година, уделот пораснал на 97% во 2024. И кај масовните брендови се забележува радикален пресврт – од едвај 5% во 2001 година на 63% минатата година.
Извор: motor1.com
Автомобили
Volkswagen ја гради иднината на производството со вештачка интелигенција и AWS

Групацијата Volkswagen ја гледа иднината на автомобилската индустрија во вештачката интелигенција и облак технологиите. Компанијата веќе имплементираше AWS cloud решенија во 13 производствени погони на своите брендови Volkswagen, Audi и Volkswagen комерцијални возила, со што постигна значителни заштеди и зголемена ефикасност.
• Благодарение на високата достапност и скалабилност на AWS технологијата, Volkswagen успешно ги премести критичните системи во облакот, намалувајќи го ризикот од застој на производствените линии.
• Стандардизацијата на овие процеси веќе носи заштеди од двоцифрени милиони евра.
Вештачка интелигенција за подобро производство
Моментално, компанијата користи над 1.200 апликации за вештачка интелигенција. Меѓу нив е и системот KI4UPS, кој овозможува брза детекција на потенцијални електронски проблеми на производствените линии. Со помош на Amazon SageMaker, Volkswagen обучува AI модели кои ја подобруваат контролата на квалитетот.
Оптимизација на потрошувачката и одржливост
Значителен напредок е постигнат и во областа на енергетската ефикасност. Во фабриката во Познањ, Полска, вештачката интелигенција ја оптимизира потрошувачката на електрична енергија. Резултатот е намалување на трошоците за енергија за 12 проценти и значително намалување на емисиите на CO₂.
Volkswagen со оваа стратегија ја поставува основата за модерно, ефикасно и поодржливо производство, користејќи ги најновите иновации во облак технологии и вештачка интелигенција.
Извор: Index
Автомобили
Nissan GT-R се пензионира по 18 години – крај на една ера

По цели 18 години производство, Nissan официјално го означи крајот на легендарниот R35 GT-R, откако последниот примерок за јапонскиот пазар излезе од производствената линија во фабриката во Точиги.
• Последниот произведен автомобил е премиум изданието T-Spec во препознатливата боја Midnight Purple, специјално наменето за јапонските клиенти.
• Од своето деби во 2007 година, произведени се приближно 48.000 примероци од овој култен спортски автомобил.
◢◤ありがとう、R35 GT-R ◢◤
世界中のファンとともに駆け抜けたGT-Rが生産終了。
GT-Rは日産の象徴であり、私たちの情熱そのもの。
この伝説は終わりではなく、次なる進化への始まりです。みなさんのGT-Rとの思い出を、 #GTR でぜひ教えてください。#NissanGTR pic.twitter.com/I1ozg4fK35
— 日産自動車株式会社 (@NissanJP) August 27, 2025
Наследство на R35 GT-R
„По 18 извонредни години, R35 GT-R остави неизбришлив белег во автомобилската историја. Неговото наследство е доказ за страста на нашиот тим и лојалноста на клиентите низ целиот свет“, изјави Иван Еспиноза, претседател и извршен директор на Nissan. Тој додаде дека ова не е „конечно збогување“ со GT-R, бидејќи компанијата има цел еден ден повторно да го врати ова име.
• R35 GT-R постави нови стандарди како врвен Grand Tourer, спојувајќи удобност, префинетост и екстремни перформанси.
• Моќноста на моторот низ годините се зголеми од 480 КС на 570 КС, додека верзиите NISMO достигнуваа до 600 КС.
Officially the last R35 GT-R leaving production pic.twitter.com/ieY47FmlQf
— Qrisys (@Qrisys) August 26, 2025
Уникатност и иднина
Една од најголемите карактеристики на GT-R е што секој од произведените 48.000 мотори бил рачно составен од тим од само девет мајстори, познати како „Такуми“, во фабриката во Јокохама.
Иако Nissan сè уште нема објавено конкретен план за наследник, компанијата останува посветена на името GT-R, со визија еден ден да го врати за новата генерација љубители на спортски автомобили.
Извор: Index
-
Кичево23 часа
(ФОТО) Во близина на с.Зајас кичевско, тешко товарно возило излетало од коловоз
-
Хороскоп2 дена
Хороскоп за сабота (30 август)
-
Хороскоп19 часа
Хороскоп за недела (31 август)
-
Временска прогноза18 часа
Попоски предмалку истакна важни информации околу временската состојба
-
Скопје21 час
Полициски службеници спречија ширење на пожар на СЦ Борис Трајковски, евакуирана публиката, девет полициски службеници завршија на токсикологија
-
Спорт1 ден
Германија ја запиша третата последователна победа на Европското првенство, совладувајќи ја убедливо Литванија
-
Автомобили6 часа
Американските анализи покажуваат дека автоматските менувачи доминираат на нивниот автомобилски пазар
-
Мобилни уреди5 часа
„WhatsApp“ одстранил сериозен безбедносен пропуст за „iPhone“ уредите