Македонија
Љупче Спироски од Кичево избран за нов началник на „РЦ Запад“, истакнат професионалец во својата работа

Денес со наредба од Министерството за внатрешни работи, началник на Регионален центар Запад со седиште во Охрид е поставен Љупче Спироски од Кичево.
Регионалниот центар Запад опфаќа работа на гранично управување и контрола вклучувајќи гранична линија од 220 км со Република Албанија.
Во центарот се вклучени повеќе полициски станици, гранични премини со Република Албанија меѓу кои и езерската Полиција и Аеродром Охрид.
– Кичевчанецот Љупче Спироски е роден во 1986 година има завршено Факултет за Безбедност во Скопје. Вработен во МВР во 2014 година како приправник, а подоцна неговиот работен ангажман го поминува во Одделот за Недозволена трговија со дрога и оружје во ОВР Кичево.
Според прикажаното, станува збор за професионалец со исклучителни резултати во делот на недозволената трговија со дрога и оружје.
– Г-дин Спироски во својата работна дејност учествува на повеќе семинари од областа на полициското работење со кој се стекнува со разни сертификати меѓу кој и сертификат издаден од DEA/USA – америкаска агенција за борба против дрога.
Ја користиме оваа прилика да упатиме честитка, за успешна работа со врвни резултати!
Македонија
Честитка по повод верскиот празник „Рамазан Бајрам“ на сите припадници на исламската вероисповед

Токму денес на сите наши читатели, поддржувачи на пишаниот збор од информативен и јавен карактер – Ви го честитаме срдечно највозвишениот ден од исламскиот календар, празникот Рамазан Бајрам, посакувајќи празнична радост во сите муслимански семејства.
/Порта.мк
Македонија
Кривична пријава против полициски службеник од Свети Николе, упатувал закани на командир на полициска станица

Одделот за внатрешна контрола, криминалистички истраги и професионални стандарди при Министерството за внатрешни работи, до надлежното Основно јавно обвинителство Свети Николе, поднесе кривична пријава против Г.Т. од Свети Николе поради постоење основи на сомнение за сторено кривично дело „загрозување на сигурноста“ по член 144 став 4 од Кривичниот законик.
На 25.02.2025 во службена просторија во ОВР Свети Николе, пријавениот Г.Т., полициски службеник во Полициската станица Свети Николе, во присуство на други полициски службеници, агресивно се однесувал и се заканувал на К.М. – командир на Полициската станица Свети Николе. Имено, на наведениот датум, полициски службеници од Одделот за внатрешна контрола, криминалистички истраги и професионални стандарди, преку командирот К.М., како негов претпоставен, преземале мерки во врска со претставка од граѓани против Г.Т. за непрофесионално и недолично постапување при изготвување на записници за констатирани прекршоци од областа на сообраќајот.
Откако дошол во канцеларијата на командирот, пријавениот го обвинил него дека е иницијатор на претставката и почнал да му се заканува.
Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност и ќе изрече задолжителна мерка пријавениот да биде суспендиран од работното место до завршување на дисциплинската постапка, информира МВР за јавноста.
Македонија
Расчистено кривично дело изнуда во Прилеп, поднесена кривична пријава против три лица и определен им е притвор

На 26.03.2025 во 20.40 часот во Прилеп, полициски службеници од ОВР Прилеп го лишиле од слобода Р.Р.(53) од Прилеп поради постоење основи на сомнение за сторено кривично дело по член 258 од Кривичниот законик. Претходно, истиот ден во 08.00 часот во ОВР Прилеп, 54 – годишен сопственик на угостителски објект во Прилеп пријавил дека со физички напад и закани, С.Р. и А.Т., двајцата од Прилеп, му изнудиле пари кои ги земал приведениот Р.Р., татко на С.Р..
Имено, на 20.03.2025, С.Р. и А.Т. дошле во неговиот угостителски објект, физички го нападнале и со закана барале од него месечно да им дава 400 евра за да му го обезбедуваат објектот. Најпрвин ги одбил, но после тоа, тие уште неколку пати доаѓале во објектот, му се заканувале и му барале пари, при што С.Р. му рекол дека парите ќе ги зема неговиот татко Р.Р.. На 24.03.2025 тој се договорил со Р.Р. дека ќе му ги даде парите на 26.03.2025, а откако ги зел парите, Р.Р. бил лишен од слобода и приведен во полициска станица.
После тоа, со судска наредба, полициски службеници од ОВР Прилеп извршиле претреси во домовите на тројцата, при што биле пронајдени и одземени предмети за кои постои сомнение дека потекнуваат од кривични дела.
Од страна на судија на претходна постапка на Р.Р. му била определена мерка притвор од 30 дена и бил спроведен во казнено – поправна установа за издржување на мерката.
Исто така, мерка притвор од 30 дена во отсуство била одредена и на С.Р. и А.Т, информира МВР за јавноста.
-
Хороскоп2 дена
Хороскоп за сабота (29 март)
-
Хороскоп21 час
Хороскоп за недела (30 март)
-
Кичево1 ден
(ФОТО) Кичевската пиљара „Бамби“ денес слави прв роденден, верните потрошувачи ги дочекаа со изненадувања и попусти!
-
Временска прогноза1 ден
Викендов невреме проследено со дожд и грмежи – ова се последните информации
-
Lifestyle1 ден
Брз трик за одмрзнување месо: Подготвено за само 5 минути!
-
Lifestyle1 ден
Топ 10 намирници за појадок: Овесната каша и јајцата ќе ве држат сити до ручек
-
Спорт2 дена
Фудбалерките на Македонија до 19 на почеток од април ќе отпатуваат на квалификациски турнир во Хрватска
-
Lifestyle1 ден
Зелениот чај или кафето: Зошто треба да го смените утринскиот пијалок?