Спорт
Македонија до 19 години загуби од Германија на квалификацискиот турнир во Полска, во последното коло ќе се соочиме со Казахстан

Репрезентацијата на Македонија до 19 години во еден интересен, возбудлив и отворен натпревар беше поразена од соодветната селекција на Германија, во рамките на второто коло од квалификацискиот турнир што се одржува во Полска за пласман во елитната фаза квалификации.
Нашите млади фудбалери одигра нов добар меч, одлично и парираа во поголемиот дел од средбата на силната Германија, која е апсолутен фаворит во нашата група.
По првите 45. минута мрежите мируваа. Двете репрезентации пропуштија неколку добри можности за постигнување на погодок.
Во продолжението од квалификацискиот дуел беа постигнати сите 4 погодоци. Во 57. минута Германија го отвори разултатот. Пејчиновиќ беше стрелец на водечкиот погодок за својата селекција. Избраниците на селекторот Тони Јакимовски во 63. минута постигнуваат погодок за израмнување на резултатот против големиот фаворит. Стрелец на погодокот за Македонија беше Ѓорѓиевски. Само четири минути подоцна, Германија преку Бишоф доаѓа до нова предност. Во 75. минута Бишоф постигнува нов погодок и ги поставува конечните 3:1 за Германија на денешната средба.
Македонија: Џеков, Аризанковски, Марковски, Стојилевски, Џеков, Николовси, Зенделовски, Ѓорѓиевски, Елмас, Назифи, Данев
Селектор: Тони Јакимовски
Во вториот натпревар од нашата група 5, домаќинот, репрезентацијата на Полска издвојува победа со 3:0 над Казахстан.
Во последното коло од турнирот за пласман во елитната фаза квалификации ќе се соочиме со селекцијата на Казахстан, на 17. октомври во 15:30.
Спорт
Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација

Дејан Милошевски од Кичево, Македонија доби највисока судиска лиценца од Панамериканската Карате Федерација и практично се здоби со најголемиот историски успех за македонец кој живее во Америка.
Кога решителноста го надминува системот, се создаваат вистински херои. Тоа најдобро го покажа Дејан Милошевски, Македонец кој живее во САД, со своето постигнување на Панамериканското карате првенство кое неодамна се одржа во Монтереј, Мексико.
На најмасовното првенство досега, со учество на 563 натпреварувачи од 28 држави, за првпат беа вклучени и категории како У21 и Пара Карате. Во таква конкуренција, Милошевски влезе во историјата како првиот Македонец што ја освои највисоката судиска лиценца – „Referee A“ – од Панамериканската Карате Федерација (PKF). Ова признание е едно од најценетите во светот на карате судењето и се добива по долги години работа и стекнување неколку пониски лиценци.
Особено впечатливо е што Милошевски не само што ја доби највисоката лиценца директно, туку тоа му беше одобрено лично од претседателот на федерацијата – нешто што досега не се случило. Дополнително, на теоретските тестирања постигна 100% точност – резултат кој никој друг од 105 кандидати не успеа да го повтори. Освои и лиценца за кати, со што стана првиот Македонец со истовремена европска и панамериканска судиска лиценца.
Овој успех следи по неговото враќање на натпреварувачката сцена на USA Open 2025, по неколкугодишна пауза. Сето ова го постигна без никаква поддршка од Карате федерацијата на Македонија.
– „Се подготвував со срце и цел. Сакав да покажам кој сум и од каде доаѓам. Судев финалиња со гордост и секогаш велев: Јас сум од Македонија. Сега, после ова првенство, секој во PKF знае каде е Македонија“ за Порта.мк изјави Милошевски.
Имено неговиот успех не е само лична победа – тоа е инспирација за сите млади спортисти. Тоа е доказ дека со посветеност и вера во себе, можеш да стигнеш до врвот, дури и без поддршка од системот, додека тој вели „Никој не може да ти ја одземе светлината што сам ја создаваш со својот успех. Таа светлина ќе ги осветлува патиштата на сите што ќе дојдат по тебе.“
Честитки Чобачо!
Спорт
Новак Ѓоковиќ го победи Корентин Муте во третото коло на „Ролан Гарос“

Новак Ѓоковиќ обезбеди место во третото коло на Ролан Гарос со сигурна победа против домашниот играч Корентен Муте, совладувајќи го во три сета – 6:3, 6:2, 7:6 (7:1). Иако натпреварот почна со мали осцилации, српскиот ас брзо го презеде водството и најголем дел од мечот го имаше под контрола.
Во првиот сет, иако го загуби својот сервис рано, Ѓоковиќ веднаш возврати со рибрејк и до 2:2 играта беше израмнета. Потоа тој забрза темпо, освои четири од следните пет гема и без многу проблеми го освои сетот. Неговата прецизност, стабилната одбрана и разновидноста во ударите беа пресудни во овој дел од мечот.
Во вториот сет, Ѓоковиќ уште повеќе ја зацврсти својата игра. Направи рано брејк и брзо поведе со 5:2. Иако Муте се обиде да ја задржи борбеноста, неговите бројни грешки и одличната тактика на Новак му донесоа нов сет без голема драма.
Третиот сет беше далеку понеизвесен. Французинот, охрабрен од домашната публика, заигра поангажирано и во еден момент дури дојде до предност од 4:2. Ѓоковиќ, и покрај проблемот со левото стапало кој го натера да побара медицински тајм-аут, успеа веднаш да се врати во игра со брејк без загубен поен.
До крајот на сетот се водеше голема борба. Муте имаше моменти на инспирација и ја крена публиката со неколку спектакуларни потези, но Новак остана ментално силен и стабилен во клучните моменти. Во тајбрејкот покажа зошто е еден од најголемите – играше беспрекорно и го освои со убедливи 7:1.
Со оваа победа, Ѓоковиќ уште еднаш докажа дека знае како да се справи со притисокот, дури и кога не е на 100% физички.
Следен противник ќе му биде или Шаповалов или Мишолиќ, а според сè што покажува, неговата форма оди во нагорна линија како што турнирот се одвива.
Спорт
Да ја бодриме Македонија! Од денес на продажба тикети за мечот Македонија – Белгија закажан за петок

Од денес со почеток во 18:30 часот, започнува продажбата на билети за натпреварот помеѓу Македонија и Белгија, кој ќе се одигра на 6 јуни во 20:45 часот на Националната арена „Тодор Проески“ во Скопје, како дел од квалификациите за Светското првенство 2026.
Билетите, како што известуваат од ФФМ ќе бидат достапни по цени од 300, 400 и 500 денари, а сите фанови и поддржувачи на македонската репрезентација можат да ги набават преку интернет платформата:
Процедурата за купување е едноставна:
- Посетете ја веб-страницата https://eticket.ffm.mk/
- Изберете го натпреварот
- Одберете го вашето место
- Направете уплата
- Преземете го дигиталниот билет
Ајде за Македонија! Повик до сите љубители на фудбалот да присуствуваат со спортски дух и коректно навивање да ја поддржат нашата репрезентација во борбата за позитивен резултат против една од најсилните селекции во светот.
Напред МАКЕДОНИЈА! 🇲🇰
-
Кичево2 дена
Предмалку на „11-ти септември“ во Кичево се случила сообраќајка помеѓу две патнички моторни возила, причинета е само материјална штета
-
Кичево22 часа
(ФОТО) Кога молкот стана глас, а гласот – сила: Кичево денес гласно ја кажа приказната на жените
-
Кичево23 часа
Кичевчани со мирен собир ќе оддадат почит за Отец Партениј, за неговите 30 години посветени во монашкиот живот
-
Хороскоп2 дена
Хороскоп за сабота (31 мај)
-
Хороскоп21 час
Месечен Хороскоп (јуни 2025)
-
Спорт2 дена
Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација
-
Автомобили1 ден
Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!
-
Македонија8 часа
Бигорскиот Манастир за прв пат се огласи во јавноста по јавните собири