Спорт
Македонија до 21 година одигра нерешено со Украина во 5 коло од квалификациите за пласман на Европското првенство
Репрезентацијата на Македонија до 21 година одигра без победник против Украина во натпревар од 5 коло од квалификациите за пласман на Европското првенство што ќе се одржи во Романија и Грузија 2023 година.
На тренинг центарот „Петар Милошевски” нашите фудбалери во еден возбудлив и неизвесен натпревар одигра нерешено 1:1 против незгодната Украина.
Натпреварот започна со доста тврда и тактичка борба на теренот без опасни ситуации пред двата гола. Како што поминуваше времето, селекцијата на Украина успеа да ја наметне својата игра, доминираше во поседот на топка и создаваше можности за гол. Најопасниот играч во редовите на Украина, Мудрик vo 28. минута од натпреварот ја имаше најголемата можност, доби одличен пас во простор од Крискив, биеше со левата нога, а неговиот удар заврши во пречката. Во 42. минута Украина поведе со 1:0. По одлично изведениот корнер на Мудрик, Сирота на најдобар можен начин го искористи невниманието во нашата одбрана и успеа да погоди за предност на гостите.

Во продолжението, Македонија одигра многу подобро и поагресивно. Тоа резултираше со погодок во мрежата на Украина. Во 58. минута, одличниот Томче Гроздановски успеа да пресече една топка на противникот, излезе еден на еден со противничкиот голман и успеа да погоди за израмнување на 1:1 и голема радост на нашиот тим. Воедно, тоа беше и конечниот резултат на денешниот меч. До крајот, Македонија преку Флорент Рамадани имаше уште една солидна можност за постигнување погодок.
Нашата селекција со овој нерешен исход има освоено вкупно 6 бодови, останува на третата позиција. Украина за прв пат одигра нерешено во овие квалификации.
Квалификации за пласман на ЕП
Македонија – Украина 1:1 (0:1)
(Сирота 1:0 42′; Томче Гроздановски 1:1 58′)
Македонија: Давид Денковски (г), Адриан Хајдари, Јован Манев, Марио Младеновски, Филип Антовски (Арби Воша), Адем Али (Димитар Тодоровски), Енис Фазлагиќ (к), Блертон Шеји, Томче Гроздановски (Флорент Рамадани), Амел Рустемовски (Лука Станковски), Марко Ѓорѓиевски (Марио Илиевски);
Резерви: Марко Алчевски (г), Александар Ѓурковски, Арби Воша, Марио Илијевски, Димитар Тодоровски, Стефан Наумчески, Лука Станковски, Методи Максимов, Флорент Рамадани;
Селектор: Драги Канатларовски;
Украина: Анатолии Трубин (г), Костиантин Виачаренко, Олексии Сич, Богдан Вјаник, Георги Судаков, Олександр Назаренко, Арсении Батахов, Дмитро Крискив, Микхаило Мудрик, Артем Бондаренко (к), Олександр Сирота;
Резерви: Кирил Весиун (г), Антон Бол, Иван Желизко, Микола Микаиленко, Микола Кукаревиќ, Олен Осчеретко, Владислав Валат, Володимир Бразко, Данил Алефиренко;
Селектор: Руслан Ротан;
Во групата Х, покрај натпреварот на Македонија со Украина, вечер во 20:45 лидерот на табелата и топ фаворитот Франција во Гренобл ја пречекува селекцијата на Ерменија.
Спорт
Во просториите на ФФМ работен состанок одржа комисијата за избор на нов селектор на фудбалската репрезентација, изборот ќе се знае до 25 декември
Комисијата за избор на нов селектор на македонската А-репрезентација, во состав на Масар Омерагиќ претседател на ФФМ, Горан Пандев директор на Национални репрезентации, Николче Новески раководител на скаутинг-службата на ФФМ, Агим Ибраими член на Управниот одбор на ФФМ и Марјан Стојковски потпретседател на ФФМ (присутен online), денеска одржа работен состанок.
На средбата разгледана била актуелната состојба во националниот тим, потребите за претстојниот квалификациски циклус и профилот на тренер кој е неопходен за унапредување на конкурентноста и организацијата на најдобрата македонска селекција.
Членовите на Комисијата според ФФМ дебатираа на конструктивна дискусија заснована врз стручни параметри, систем на работа, долгорочна стратегија, модел на развој на играчите и стремеж кон резултатска стабилност. Во процесот на избор посебен акцент бил истакнат на потребата од тренер кој добро ги познава домашните фудбалски токови, го разбира потенцијалот на македонските фудбалери и може да внесе јасна тактичка визија и дисциплина во репрезентацијата.
Комисијата ќе го достави својот предлог македонски стратег кој, според направените анализи, ги исполнува утврдените критериуми. Конечната одлука ќе ја донесе Управниот одбор на ФФМ, најдоцна до 25 декември.
Фудбалската федерација на Македонија останува посветена на професионален и транспарентен процес, со цел изборот на новиот селектор да обезбеди квалитетна и стабилна работа на македонската А-репрезентација.
Извор: ФФМ
Спорт
ФФМ: Центарот за едукација објавува конкурс за лица кои ќе се стекнат со тренерски лиценци
Центарот за едукација при Фудбалската федерација на Македонија (ФФМ) објавува конкурс за прием на нови кандидати за тренерски лиценци. Конкурсот опфаќа различни категории на лиценци, согласно стандардите и програмите на УЕФА и ФФМ.
Центарот за едукација ја информира јавноста дека пријавувањето е отворено за следните тренерски програми: УЕФА А курс, УЕФА Б курс, УЕФА Б курс за голмани и УЕФА Ц курс.
Сите заинтересирани можат да поднесат пријава во предвидениот рок, во согласност со критериумите и упатствата објавени од Центарот за едукација на ФФМ. Подетални информации за условите, потребната документација и начинот на аплицирање се достапни во приложените документи.
Повеќе информации ќе најдете на официјалната страница од ФФМ, ТУКА
Извор: ФФМ
Спорт
Ако не победат „Кралевите“ против Сити, клубот ќе го менува Алонсо, по незадоволството од поразот против Селта Виго?
Реал Мадрид по поразот од Селта Виго со 0:2 на домашен терен во „Примера дивизион“ минатата недела, при што беа доделени и два црвени картони, по тој пораз, Барселона остана на лидерската позиција со четири бода предност, а ситуацијата на клупата на Реал се комплицира, со најава дека тренерот Алонсо може да биде отпуштен уште оваа недела.
Според информации од Шпанија, во понеделник беше свикан итен состанок во Мадрид за да се разгледа моменталната ситуација со Алонсо и неговиот тим. Како што пренесува „Марка“, натпреварот против Манчестер Сити во Лигата на шампионите ќе биде одлучувачки за иднината на тренерот.
Во случај на пораз, Алонсо ќе биде отпуштен, но ако Реал извојува победа, неговиот мандат ќе продолжи.
🚨🚨 BREAKING: If Real Madrid lose against Man City, Xabi Alonso will be FIRED.
Decision made. @marca pic.twitter.com/jJ5onRSuW3
— Madrid Zone (@theMadridZone) December 8, 2025
Реал Мадрид ќе игра против Сити на домашен терен в среда во 21 часот, а голем интерес ќе предизвика тоа како ќе реагираат играчите и дали ќе успеат да бидат мотивирани и покрај нарушената атмосфера во соблекувалната оваа сезона.
– Инаку, Алонсо го презеде тимот ова лето, а најголемо внимание привлече поради неговиот напнат однос со Винисиус Жуниор. Управувањето со Реал и контрола на соблекувалната не е лесна задача, а чини се дека тоа е најголемиот предизвик за Алонсо, кој, и покрај напорите, не успеа да постигне одлични резултати.
Во јавноста веќе се споменуваат имињата на Зинедин Зидан и Јорген Клоп како потенцијални наследници на Алонсо, но повеќе детали ќе се знаат ако се случи промена на тренерската позиција.
-
Хороскоп2 денаХороскоп за четврток (11 декември)
-
Кичево4 часаФинишираат подготовките за овогодинешниот Хуманитарен „Божиќен Базар“ во Кичево, период на многу забава, радост и среќа
-
Хороскоп15 часаХороскоп за петок (12 декември)
-
Временска прогноза1 денСнег нема ни на повидок, продолжува периодот под влијание на Антициклон во Македонија
-
Македонија1 денПриведен навивач од Словачка, на 10 други не им беше дозволен влез во државата поради агресивно и недолично однесување во авион за време на лет и по слетувањето
-
Магазин1 денГрешка што многумина ја прават: Лошите навики при полнење ја уништуваат батеријата на телефонот
-
Lifestyle1 денБез оцет, без сода бикарбона: Оваа евтина состојка навистина го отпушува мијалникот
-
Автомобили1 денКако безбедно да возите во магла: Најважните правила и грешки што мора да ги избегнувате
