Спорт
Македонија до 21 одигра нерешено 3:3 со своите врсници од Косово на вториот контролен дуел

Младата репрезентација на Македонија до 21 година денеска на тренинг центарот „Петар Милошевски” го одигра вториот контролен меч против селекцијата на Косово.
Избраниците на селекторот Драги Канатларовски во еден возбудлив натпревар со многу погодоци и отворена игра во текот на сите 90. минута одиграа нерешено 3:3. За потсетување, првиот натпревар меѓу овие две селекции заврши со минимална победа на Македонија од 1:0.
Нашите фудбалери одлична го започнаа натпреварот, рано успеа да постигнат погодок преку Трпчевски за водство од 1:0. Пропуштивме неколку добри прилики да заминеме на полувреме со поубедлива предност.
Во продолжението од средбата, студен туш за нашата селекција. Противникот со фуриозна игра од 57 до 72. минута успеа да постигне 3 гола за убедлива предност.
Но и тоа не им беше доволно за победа, зошто во 74. и 78.минута со головите од пенал на Крстевски и Тодоровски, Македонија израмни за конечен резултат 3:3.
Македонија: Николовски, анкуловски, Стојчевски, Крстевски, Тодоровски, Рамадани, Фетаи, Георгиевски, Игњатов, Малески, Трпчевски;
Резервни фудбалери: Алчески, Анѓелковски, Незировски, Стојменов, Фета, Златков, Абази, Калкан, Петејчук, Крстевски, Мисердовски;
Селектор: Драги Канатларовски;
Спорт
Анчелоти до Нејмар: „Во денешно време е морате да бидете во добра форма“

Во интервју за ESPN, трофејниот тренер откри дека би сакал еден од најдобрите фудбалери од последната деценија да го види во жолтиот дрес.
– „Нема потреба дополнително да се зборува за Нејмар – сите знаат колку е талентиран. Но, денешниот фудбал бара максимална физичка подготвеност ако сакате да го искористите целиот потенцијал. Ако Нејмар е здрав и во форма, нема причина да не биде дел од репрезентацијата“, изјави Анчелоти за ESPN Brazil.
Тој додаде: „Му порачав дека има време да се подготви на најдобар начин за да настапи на Светското првенство и да ни помогне. Сите сакаат да го видат во најдоброто можно издание. Пред мечот со Парагвај дојде во хотелот, разговаравме и му објаснив каде го гледам на теренот. Планот е јасен – би играл како офанзивен играч за врска или напаѓач. Веќе не може да биде крило, затоа што ја нема истата брзина, но како играч за врска може да даде голем придонес.“
Со оглед на тоа што Бразил веќе има обезбедено место на следниот Светски куп, Анчелоти на претходните натпревари не го вклучи Нејмар, фокусирајќи се повеќе на помладите фудбалери.
Спорт
(ВИДЕО) Кристијано Роналдо, капитенот на португалската репрезентација и фудбалер на „Ал Наср“ официјално најдобар на сите времиња!

Кристијано Роналдо, капитенот на португалската репрезентација и член на Ал Наср, доби уште едно големо признание. На свеченоста што ја организираше Португалската лига, му беше врачена наградата за „најдобар фудбалер на сите времиња“.
Во образложението се истакнува дека Роналдо е „незаменлива фигура во спортот и идол за милиони, па дури и милијарди луѓе“, како и дека „оставил неизбришлив белег и обележал цела ера во светскиот фудбал“.
– „Неговата работна етика, борбеност и решителност во клучни моменти го прават повеќе од играч со бројки. Со индивидуалните рекорди, трофеи со тимовите и огромното медиумско влијание, тој создаде наследство што го става на врвот – како најголем на сите времиња“, беше наведено во образложението.
Поради обврски со клубот, Роналдо не присуствуваше лично на церемонијата, но ТУКА испрати видео порака:
„Сакам да им се заблагодарам на сите мои соиграчи, без кои немаше да го освојам овој значаен трофеј. Исто така, сум благодарен на сите тренери и луѓе кои ми помогнаа во текот на кариерата постојано да се усовршувам.“
Роналдо го држи рекордот за најмногу настапи и голови за национален тим. Пред само два дена, во триумфот на Португалија против Унгарија (2:3), тој го одигра својот 223-ти натпревар и го постигна 141-виот погодок за репрезентацијата.
Од своите почетоци во Андориња, преку Насионал, Спортинг Лисабон, Манчестер Јунајтед, Реал Мадрид и Јувентус, до Ал Наср, Роналдо има одиграно 1.065 натпревари и постигнато 802 гола на клупско ниво. Освоил вкупно 31 трофеј, од кои три со Португалија, и повеќе од 60 индивидуални признанија.
Единствената недостижна цел останува светската титула со националниот тим, а последната можност за тоа 40-годишниот ас ќе ја има на Светското првенство во 2026 година.
Спорт
Македонија до 21 година вчера не ја искористи шансата со играч повеќе и загуби од Италија на стадионот „Петар Милошевски“ во Битола

Македонската фудбалска репрезентација до 21 година запиша нов пораз во квалификациите за Европското првенство, овојпат на домашен терен против силната Италија. По неуспехот во Полска, избраниците на селекторот Горан Станиќ во Битола минимално загубија со 0:1, иако играа со играч повеќе повеќе од едно полувреме.
Пред околу 8.000 гледачи на стадионот „Петар Милошевски“, пресуден беше голот на Лука Марианучи во 35-тата минута. Италијанецот се снајде најдобро по мешаница во шеснаесетникот и со прецизен удар ја затресе мрежата на Василев.
Влезот на Елези и Ѓоргиевски во вториот дел донесе поголема агресија во играта на младите „црвено-жолти“. Македонија притискаше преку Хамза, Николовски и Гаштаров, создаде неколку шанси и во 55. минута побара пенал по игра со рака, но судијата остана нем.
И покрај бројната предност и огромната поддршка од трибините, нашата селекција не успеа да стигне до израмнување и остана без бодови.
📌 Резултат: Македонија – Италија 0:1 (0:1)
⚽ Стрелец: Марианучи 35’
🏟 Стадион: „Петар Милошевски“ – Битола
👥 Гледачи: околу 8.000
-
Хороскоп2 дена
Хороскоп за петок (12 септември)
-
Хороскоп17 часа
Хороскоп за сабота (13 септември)
-
Хроника1 ден
Комбе со работници паднало од експресниот пат Штип – Радовиш, неофицијално има жртви и повредени
-
Свет1 ден
Денес во Киргистан беше регистриран силен земјотрес
-
Скопје1 ден
СВР Скопје: Кривична пријава против двајца скопјани, одгледувале канабис во нивните дворови
-
Магазин1 ден
Промената што ја чекавме со години пристигна на Spotify
-
Автомобили1 ден
BMW и Qualcomm развиваат систем за помош при управување „Snapdragon Ride Pilot“
-
Lifestyle1 ден
Работи што генерацијата Z не сака да ги работи