АМСМ предмалку соопшти дека е нормализиран сообраќајот, односно забраната за движење на ТТВ на патниот правец Гостивар – Стража се укинува.

АМСМ предмалку објави дека од 06:55 часот, на патниот правец Гостивар – Стража и обратно има забрана за ТТВ.

СОСТОЈБА: Сообраќајот на државните патишта се одвива непречено во зимски услови, по влажни коловози.

Намалена видливост до 50м. поради појава на магла има на планинскиот премин Плетвар.

Обновено: АМСМ предмалку соопшти дека е нормализиран сообраќајот, односно забраната за движење на ТТВ на патниот правец Гостивар – Стража се укинува.

На 13.12.2024 во 10.00 часот во СВР Охрид, 53 – годишна жена од Охрид пријавила дека била измамена од едно лице за сума од 300.000 денари. Според пријавеното, лицето ѝ се јавило пред две недели и ја известило дека поради зголемување на вредноста на биткоинот, нејзината уплата од 250 евра пораснала и во нејзиниот електронски паричник сега имала 16.500 долари. Исто така, според пријавеното, лицето од побарало од неа да спушти една мобилна апликација и да има пари на нејзината трансакциска сметка доколку сака да ги подигне парите.

Како што е пријавено, таа ја спуштила апликацијата и подигнала кредит од финансиско друштво, а по некое време откако отишла во банка била известена дека парите биле префрлени на сметка на друго лице, по што сфатила дека била измамена.

Се преземаат мерки за расчистување на случајот, за Порта.мк известува портпаролот на СВР Охрид, Стефан Димоски