Спорт
Македонската репрезентација поразена на домашен терен во две различни полувремиња, нѐ чека тешко гостување на „Олд Трафорд“

Македонската А репрезентација вчера го доживеа првиот пораз во квалификациите за Европското првенство. Украина со голем пресврт славеше во Скопје со 3-2.
Ние одигравме две сосема различни полувремиња, беспрекорно прво и лошо второ кое придонесе на крајот да останеме без бодови. Доминиравме во првите 45 минути, период во кој постигнавме два гола преку Барди од пенал и Елмас кој на велемајсторски начин го матираше Трубин.
Се беше добро за нас до првиот гол на противникот преку Забарњи во 62 минута. Од тој момент почнавме да паѓаме и веќе во 67 беше 2-2 со голот на Конопља.
Во 73. минута останавме без Муслиу кој доби втор жолт картон, предност која избрнаиците на Ребров ја искористија и тоа во 83. минута преку Циганов со удар со глава.
Нашата селекција сега ја очекува тешко гостување кај Англија на „Олд Трафорд“. Англичаните ја победија Малта со 4-0.
Квалификации за ЕВРО 2024 – група Ц
МАКЕДОНИЈА – УКРАИНА 2:3 (2:0)
Национална Арена “Тодор Проески“ во Скопје. Гледачи: 18.000. Судија: Лукас Фандрих (Швајцарија). Стрелци: Барди (п) 30., Елмас 39. (МАК), Забарни 62., Конопља 68., Циганков 83. (УКР). Ж. Картони: С. Ристовски, Муслиу (МАК), Довбик (УКР). Ц. Картони: Муслиу 72. (МАК).
МАКЕДОНИЈА: Димитриевски, С. Ристовски, Муслиу, Зајков, Ашковски (65.Брдаровски, 90.Дор.Бабунски), Алиоски, Барди, Адеми (65. Атанасов), Елмас, Несторовски (65. М. Ристовски) Трајковски.
УКРАИНА: Трубин, Тимчик (46. Конопља), Забарни, Матвијенко, Миколенко, Циганков (92. Зубков, Степаненко, Судаков, Мудрик (90. Сидорчук), Довбик (46. Ванат), Јармоленко (66. Малиновски).
Спорт
ФФМ со реакција: Закажаното Собрание на ОФС Охрид не е според Статутот на сојузот

Фудбалската федерација на Македонија праќа информација дека закажаното Собрание за 19.02.2025 година на ОФС Охрид не е закажано во согласност со Статутот на ОФС Охрид во кој е утврден рок од 30 дена од денот на закажување до денот на одржување на Собранието.
Имено, Управниот одбор на ОФС Охрид на седница одржана на 27.01.2025 година го закажува своето Собрание за 19.02.2025 година.
Како што велат во интегралното соопштение на Фудбалската федерација, одлуката на Управниот одбор на ФФМ донесена на 27.12.2024 година не е променета, а тоа значи дека Фудбалската федерација на Македонија нема да има претставник на Собрание кое е закажано спротивно на одредбите од Статутот на Општинскиот фудбалски сојуз – Охрид.
Извор: ФФМ
Спорт
Судијата погрешил за поновениот пенал на мечот Вардар – Шкендија, одлучи ФФМ судиската организација и комисија

Судиската организација и комисија на Фудбалската федерација на Македонија излезе со соопштение по добиениот писмен допис од страна на ФК Шкендија, и како што наведуваат во текстот истиот гласи вака:
– Пред да го добиеме истиот ние како судиска организација и како комисија за делегирање на судии, а во координација со официјалните лица на натпреварите направивме анализа на одиграните натпревари, а посебен фокус е ставен кон дуелот Вардар – Шкендија (1:2).
Ние како надлежни тела на ФФМ, како судиска организација сме, исто така, сериозно загрижени за Ваквиот однос од Ваша страна. Фудбалот е спорт во кој треба стручните лица да ги решаваат спорните моменти, а не тоа да се прави со тенденциозни и намерни критики без притоа да се остави на надлежните органи да се справат со анализа на натпреварите.
Со овој допис, а по консултација со официјалните лица на споменатиот натпревар се донесени следните заклучоци.
Во прилог целосниот текст погледнете го на официјалниот натпис ТУКА
Спорт
Женската репрезентација на Македонија в петок ја дочекува селекцијата на Косово во Лигата на Нации, Андонова поради повреда без ангажман на овој меч

Македонската женска „А“ репрезентација на Македонија на 21-ти февруари на домашен терен, со почеток од 14:00 часот ја дочекува селекцијата на Косово во рамките на стартот на новото издание на Лигата на Нации.
Нашата женска селекција се наоѓа во групата 6 од сегментот „Ц“ заедно со селекциите на Косово и Летонија. Селекторот на Македонија, Александар Андов за претстојната пресметка со Косово се одлучи да ги повика следните фудбалери:
ГОЛМАНИ:
Берна Кабакчи Карсон Њумен, САД
Викторија Панчурува Тиверија Брера
Кристина Павлоска Топ Гол
ОДБРАНА:
Ана Милчевска Ланчхути, Грузија
Ане Бошевска Тиверија Брера
Павлинка Николовска Тиверија Брера
Елена Панеска Олимпија, Словенија
Бојана Петкова Полонија Срода, Полска
Сара Коларовска Скопје 2014
Викторија Недева Тиверија Брера
Александра Јовановска Љуботен
СРЕДЕН РЕД:
Хава Мустафа Љуботен
Александра Марковска Љуботен
Симона Ребека Меијер Макаби Кишронод Хадера, Израел
Ленче Андрееска Уние Кадин , Турција
Икмете Лимани Швеинфурт 05, Германија
НАПАД:
Јилза Максути Уние Кадин, Турција
Гентијана Рочи Купс, Финска
Лора Сулејмани ГПСО 92, Франција
Јована Павловска Легија, Полска
Марјана Нацева Борусија Дортмунд, Германија
Билјана Панева Тиверија Брера
Поради повреда, нашата најдобра фудбалерка Наташа Андонова нема да биде во можност да му се стави на располагање на селекторот Александар Андов за дуелот против Косово.
Инаку нашите фудбалерки денеска на тренинг центарот „Петар Милошевски” во Скопје официјално ги започнаа подготовките за претстојните предизвици од новиот циклус на „Лига на нации”, известија од Фудбалската Федерација на Македонија.
-
Хороскоп2 дена
Хороскоп за петок (21 февруари)
-
Хороскоп19 часа
Хороскоп за сабота (22 февруари)
-
Култура2 дена
Три децении монашко служење и духовно татковство на Епископ Партениј, Игумен Бигорски
-
Македонија20 часа
Кај Демир Капија – Смоквица до крај на месец мај ќе има измена на сообраќај, односно целосно затворање на „Тунел Т2“
-
Македонија3 часа
Во водите на охридско езеро минувачи забележале неексплодирана бомба
-
Магазин1 ден
Како да ја зачувате батеријата на телефонот: Четири клучни совети
-
Lifestyle1 ден
Храна која е ултра-обработена, но не е лоша за вашето здравје
-
Автомобили1 ден
Dacia подготвува електричен автомобил поевтин од новото Twingo