Македонската футсал репрезентација со 2:1 славеше над селекцијата на Црна Гора во рамките на првиот контролен меч одигран помеѓу овие две селекции во малата сала во „Јане Сандански“.

Сите погодоци беа постигнати во второто полувреме. По првиот дел мрежите мируваа, и двете репрезентации пропуштија солидни прилики за постигнување погодок.

Во продолжението, нашите фудбалери во 25. минута го отворија резултатот, а две минути подоцна резултатот беше зголемен, благодарение на автоголот на противникот.

Црна Гора до крајот на контролната пресметка успеа да го намали резултатот и да ги постави конечните 2:1.

Вториот контролен натпревар овие две репрезентации ќе го одиграат денеска, на исто место со почеток во 16. часот, известуваат од ФФМ.

Селекторот на македонската фудбалска репрезентација, Благоја Милевски, го објави списокот на фудбалери за последните средби од Лигата на нации против Летонија (14 ноември) и Фарски острови (17 ноември), кои ги играме на домашен терен.

Повикани се двајца дебитанти, голманот Марко Алчевски од Хапоел Ерусалим и дефанзивецот Бехар Фета од Домжале, а повик доби и напаѓачот Сефер Емини од Сондерјиске. Од октомврискиот циклус недостасуваат Иљазовски, Илиевски и повредениот Костадинов.

Благоја Милевски – селектор на македонската А репрезентација:  „Во ова издание секој бод и секој гол е важен. Секој натпревар го почнуваме со цел да победиме и да ги намалиме грешките кои што се неизоставен дел од секој дуел. Победа е императив на мечот со Летонија, но очекувам многу потежок натпревар од тој во Рига“.

– „Им посакувам добредојде на двајцата дебитанти кои заедно со Стојчевски и Илиевски, кој не е сега со нас, се приклучени од последната генерација на младата репрезентација до 21 година. Се надевам дека во иднина ќе се наметнат и ќе бидат важен дел од тимот кој се гради.Поминавме многу тежок период со минутажата на нашите играчи во клубовиге. Имаме проблеми со повредени играчи и нема да сметаме на Тихомир Костадинов, а под знак прашалник се Муслиу и Трапановски. Свесни за важноста на овие два натпревар и главна цел ни е да останеме на првата позиција“, за јавноста истакна Фудбалската федерација на Македонија.

Младата репрезентација на Македонија до 21 година (фудбалери родени 2004 и 2005 година) во ноември ќе одигра два контролни натпревари против соодветната селекција на Косово.

Натпреварите ќе бидат одиграни на тренинг центарот „Петар Милошевски”, во Скопје. Првиот натпревар ќе биде одигран на 14. ноември со почеток во 13. часот. На 17. ноември на програмата е втората контролна пресметка во 12. часот.

Селекторот на репрезентацијата на Македонија до 21 година, за претстојните контролни натпревари се одлучи да ги повика следните фудбалери;

ГОЛМАНИ:

Љупче Џеков   Силекс

Васко Василев   Гостивар

Стефан Јовановски   Славија Прага, Чешка

ОДБРАНА:

Даниел Маркоски   Хелсинборг, Шведска

Борјан Поповски   Беласица

Анес Мелиќи   Шкендија

Давид Даилоски   Венло, Холандија

Малик Хамзиќ   Гостивар

Ѓорѓе Џеков   Силекс

Нуман Ајетовиќ   Шкупи

Ардиан Османи   Цирих, Швајцарија

Џеладин Амедоски   Сион, Швајцарија

Бенан Хамидовиќ   Магдебург, Германија

СРЕДЕН РЕД:

Матеј Ангелов   Черкаси, Украина

Адриан Зенделоски   Олимпик

Теодор Николовски   Работнички

Шенол Демировски   Удинезе, Италија

Мартин Ѓорѓиевски   А.П. Брера

Рајан Бабери   Стандарт, Белгија

Леон Тасов   Мунстер, Германија

Шабан Зенку   Струга Трим Љум

Димитар Данев   Работнички

Донарт Ибраими   Воска

Бесар Гуџуфи   Шкупи

Беким Камбери   Струга Трим Љум

НАПАД:

Никола Величковски   Септември, Бугарија

Матеј Момчиловски   Оријент, Хрватска

Михаил Талевски   Пелистер