Кичево
Манастир Пресвета Богородица Пречиста – Kичевска Коњаница и оваа година учествува на „Илинденски марш 2022 година“

Како и претходните години, така и оваа година „Манастир Пресвета Богородица Пречиста Кичевска Коњаница“, зема учество во Илинденскиот Марш. Коњаницата веќе 8 години го опфаќа Кичевско – Демир Хисарскиот регион и тоа: Манастирско Доленци, Србјани, Кичево, Другово, Пополжани, Видрани, Брждани, Свињишта, Козица, Прострање, Велмевци, Илинска планина, Смилево, Слепче, Демир Хисар, Журче, Острилци, Крушево.
Самиот Кичевско – Демир Хисарски реон е и еден од најреволуционерните реон во Илинденскиот период, каде се и првите никулци на Македонската Револуционерна Организација со револуционерната посветеност на Ѓакон Јосиф, од Пречистанскиот Манастир – Кичево и на даскалите во селските училишта кои ја подигале свеста кај младите за ропството кое го трпи Македонија.
Оттука е, ѝ идеата за формирање на Кичевската Коњаница во 2015 година. Претходно возобновена од Кичевската Пешадија, која членувала во манифестации за чествување на Илинден уште пред осамостојувањето на Македонија. Кичевската Коњаница годинава по осми пат учествува на Илинденскиот Марш, кој трае од 31 до 2 Август (Илинден) во Крушево.
Иако именувана како Кичевска Коњаница, во неа членуваат членови од: Демир Хисар, Охрид (Дебрца), Битола, Вевчани, Скопје, Крушево, Гостивар, Ресен и Кичево. Сето тоа укажува на амбиентот во коњаницата, односно на братската врска помеѓу членовите.
„Манастир Пресвета Богородица Пречиста Кичевска Коњаница“, својот пат братски го дели со „Мавровско-Горнореканската Коњаница“, со која од 2016 година, па така секоја наредна, заедно учествуваат во марш-рутата кон Крушево.
Двете Коњаници од 27 до 31 Јули ќе поминат приближно 200 километри јавајќи на коњи. Ќе поминат предели кои се достапни само пеш или на коњ и ќе видат недопрена природа, која чиниш, секоја година чека на нив…
АГЕНДА НA МАНАСТИР ПРЕСВЕТА БОГОРОДИЦА ПРЕЧИСТА КИЧЕВСКА КОЊАНИЦА
27 Јули (Среда)
07:00 Света Божествена Литургија во Манастир Пресвета Богородица Пречиста
09:30 Полагање на Света Заклетва во дворот на Манастир Пресвета Богородица Пречиста
14:00 Здружување со Мавровско-Горнореканската Коњаница каде двете коњаници ќе продефилираат низ Булевар „Ослободување“ во Кичево, од каде ќе се упатат кон црквата
„Св. Апостоли Петар и Павле“, за благослов од Свештениците на Кичевската Парохија.
17:30 По благословот во градскиот храм во Кичево. Коњаниците преку селата Другово, Пополжани, Видрани, Брждани, Свињишта, пристигнува во селото Козица.
20:30 Пристигнување во село Козица, каде ќе биде организиран пречек на комитите со жива музика и прекрасен амбиент.
28 Јули (Четврток)
07:00 Вториот ден од маршот. Коњаниците го започнуваат, тргнувајќи од селото Козица, преку Белички Рид, кон село Белица.
08:30 Пристигнување во село Белица, во црквата „Свети Ѓорѓија“.
10:30 Тргнување од село Белица, преку селото Прострање, комитите се упатуваат кон селото Велмевци, каде ќе се поклонат пред вечното почивалиште на јунаците: Јордан Пиперката, Кузман Тодороски, Милош Тодороски, Ѓорѓи Бошкоски.
20:00 Пристигнување на манастир „Свети Илија“, на падините на Илинска планина.
29 Јули (Петок)
07:00 Утрото на 29ти, коњаниците од манастир „Свети Илија“, на падините на Илинска планина, преку прекрасните предели на Илинска планина, се упатуваат кон село Смилево
20:00 Пристигнување во манастир „Свети Петар и Павле“ во село Смилево, каде ќе биде организиран пречек на комитите со жива музика и прекрасен амбиент.
30 Јули (Сабота)
07:00 Коњаниците утрото на 30ти, од манастирот “Свети Петар и Павле“, ќе се упатат кон селото Слепче, а оттука ќе го продолжат патот кон крајната дестинација во саботата.
10:30 Пристигнување на манастир Свети Јован Претеча во село Слепче, оттука коњаниците се упатуваат кон градот Демир Хисар, каде ќе продефилираат низ градот
13:00 Пристигнување во градот Демир Хисар и пречек во општина Демир Хисар. Оттука коњаниците својот пат ќе го продолжат кон село Журче, каде и вечерта ќе преноќат
20:30 Пристигнување во село Журче, каде ќе биде организиран пречек на комитите со жива музика и прекрасен амбиент.
31 Јули (Недела)
09:00 Последниот ден од марш-рутата е на 31 Јули, каде тргнувајќи од село Журче, коњаниците се упатуваат кон градот Крушево каде ќе се задржат до Илинден, односно до 2ри Август. Кога и завршува овогодинешниот „Илинденски Марш 2022 година“, но претходно посетувајќи го селото Острилци
11:30 Пристигнување во село Острилци
16:30 Пристигнување во градот Крушево
17:00 Приклучување на дефилето во градот Крушево, со сите коњаници кои учествуваат во
„Илинденски Марш 2022 година“.
1 и 2 Август (Илинден)
Сите коњаници учествуваат на манифестацијата „Илинденски Марш“, до 2ри Август, Илинден. Кога се упатуваат кон Мечкин Камен и каде е генералната прослава за чествување на Илинденското Востание.
ЗА МНОГУ ГОДИНИ ИЛИНДЕН!
Кичево
(ВИДЕО) Погледнете како „везат“ нашите момчиња од „ФК Кичево“, на престижниот меѓународен турнир „Eurosport Cup“, против своите врснити од „CSKA“

Нашите млади таленти со ново искуство, неодамна на меѓународниот турнир „Eurosport Cup“ во Куманово забележаа успешно учество со генерацијата 2014/15, каде покажаа карактер, тимски дух и огромен напредок! Одигравме одлични натпревари исполнети со борбеност, желба и квалитетна игра.
Голема чест и задоволство е да се претставува нашата академија на ваков силен турнир. Продолжуваме со уште повеќе работа, ентузијазам и посветеност!
Во продолжение ТУКА ви ги претставуваме најдобрите моменти, благодарение на „Talnets“, „M-Net“, „CSKA“
Кичево
Отворена сметка за донации за доизградба на Храмот „Св.Петар и Павле“ во кичевското село Србјани, да дадеме свој придонес

Храмот „Св. Петар и Павле“ во с.Србјани кичевско мора да го добие вистинскиот сјај. Имено, во оваа прилика преку нашиот медиум упатуваме апел и се приклучуваме во хуманитарната акција и Ве повикуваме сите оние кои сакаат и можат да придонесат еден од најстарите храмови во Македонија да се возобнови и доизгради истото можат да го направат преку донација.
Изграден пред 530 години е од голема историска и културолошка важност за Македонија и градот Кичево.
Донациите можат да се уплатат наменски на МПЦ-ОА Дебарско-Кичевска Епархија, жиро сметка: 200002846337340, Стопанска Банка АД-Скопје, цел на дознака: Донација за црква „Св.Петар и Павле“ во село Србјани – Кичево.
Контакт за информации повеќе: Бобан Илиески (претставник на ЦО на Храм „Св.Петар и Павле“) тел бр. 078/212-771
Да бидеме хумани, ова место да заживее, како што доликува и да стане вистинско духовно светилиште кое ќе биде посетено од многу гости.
Кичево
В сабота на градскиот плоштад во Кичево – „Хуманитарен Базар“ на здружението на родители на деца со посебни потреби, ќе се продаваат артикли, ракотворби и храна

Здружение на родители на деца со посебни потреби „НАДЕЖ Кичево“ организира „Хуманитарен Базар“ во сабота, 11.10.2025 год, на градскиот плоштад во Кичево, на платото кај Музејот.
Бидете дел, купете продукт или храна по избор со тоа директно хуманитарно ќе помогнете, онаму каде е најпотребно.
Фејсбук објава: ТУКА
-
Спорт1 ден
За прв пат, во ист ден тројца кичевски судии ќе судат меѓународни натпревари во Австрија и Фарски Острови
-
Хороскоп2 дена
Хороскоп за петок (17 октомври)
-
Хороскоп16 часа
Хороскоп за сабота (18 октомври)
-
Македонија1 ден
Нов случај со измама за наводно случена сообраќајка, каде побарана била изнуда од висока сума на пари за итна операција
-
Временска прогноза1 ден
Дожд на секаде во Македонија, локално ќе наврнат над 20 л/м²
-
Македонија1 ден
МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“