Спорт
Милевска ги истакна следните фудбалерки во македонската репрезентација на „У17“ за квалификацискиот турнир во Унгарија

Македонската женска репрезентација до 17 години од 1. до 9. ноември во унгарски Телки ќе одигра три квалификациски натпревари во групата Б3 за пласман во Лига А од квалификациите за пласман на Европско првенство до 17 години.
Селекцијата предводена од Катерина Милевска првиот меч ќе го одигра на 2. ноември против Литванија, на 5. ноември се соочуваме со Андора, а квалификациите ги затвораме против домаќинот Унгарија на 8. ноември.
Како што известува Фудбалската федерација на Македонија, на списокот на селекторката Катерина Милевска се селедните фудбалерки:
ГОЛМАНИ: Теа САПУНЏИЕВ (Истатов), Евгенија ВЕЉАНОВСКА (Скопје);
ОДБРАНА: Арба МЕРКО (АС Јунајтед), Мила ПЕНЕВА (Скопје), Андреа КОЛОВСКА (Љуботен), Андреа АЛЕКСОВСКА (Скопје), Александра РИСТЕВСКА (Топ Гол), Канита ЕМИНИ (Истатов), Ема НАНОВСКА (Истатов);
СРЕДЕН РЕД: Лина ЛУКАНОВА (АС Јунајтед), Јована КАРАЛИОСКА (Топ Гол), Теона ГАЛАБОВСКА (Тиверија), Елена МАЦЕВСКА (АС Јунајтед), Блехана АЛИЕВСКА (Топ Гол), Ана Марија ЦВЕТКОСКА (Лангус);
НАПАД: Калина ПОПОЕСКИ (Милутинац), Ева ВЕЛИЧКОВСКА (Љуботен), Меланија ГРОЗДАНОВА (Истатов), Настасја НАКОВА (Љуботен), Розита ПЕЦЕВА (Тиверија)
Спорт
Македонскиот „дијамант“ повторно пред вратите на Наполи? Тоа би било посебен момент за клубот и неговите фанови

Торино продолжува со обидите да го доведе Елиф Елмас назад во своите редови, но трансферот се соочува со сериозни пречки. РБ Лајпциг, актуелниот клуб на македонскиот репрезентативец, не е подготвен да дозволи уште една позајмица, што ги комплицира плановите на италијанскиот клуб.
Елмас минатата сезона ја заврши како позајмен играч во Торино, каде што во 13 натпревари постигна четири гола и остави одличен впечаток. Иако самиот фудбалер е заинтересиран да остане во клубот, германскиот тим смета дека може да добие поповолна понуда од друг клуб, што ги отежнува шансите на Торино.
– Во меѓувреме, изненадувачки се појави Наполи како потенцијална дестинација за Елмас. Клубот, каде што тој настапуваше од 2019 до почетокот на 2024 година, повторно го разгледува неговото враќање, особено поради неговата разноврсност и способност да постигнува и асистира од средниот ред. Навивачите сè уште го паметат со симпатии, што би го олеснило неговото адаптирање.
Наполи веќе се интересираше за него во јануари, но тогаш немаше слободни места во тимот. Сега, со Антонио Конте на чело и потребата од играч со квалитетите на Елмас, неговото враќање би било посебен момент и за клубот и за фановите, пренесува gazetaexpress.com
Спорт
Рома најблиску до Санчо, крилниот напаѓач на „црвените ѓаволи“

Џејдон Санчо, крилниот напаѓач на Манчестер Јунајтед, би можел наскоро да ја продолжи кариерата во Рома. Италијанскиот клуб започна конкретна офанзива за неговиот потпис, откако пропаднаа разговорите што англискиот репрезентативец ги водеше со Јувентус и Наполи. Според таборот и јавноста, како опција беше и враќање во Борусија Дортмунд, но понудата од Германците не беше доволно конкретна.
Сега Рома е најблиску до ангажманот на Санчо. Манчестер Јунајтед е подготвен да го испрати на позајмица, но со клаузула за задолжителен откуп следното лето. Англискиот клуб бара 20 милиони фунти (околу 23 милиони евра), сума што Рома би ја платила по завршувањето на сезоната, заедно со преземање на поголемиот дел од неговата плата.
Новото тренерско име на клупата на Рома, Џан Пјеро Гасперини, верува дека може да го врати Санчо на вистинскиот пат и да го извлече неговиот потенцијал, кој досега ретко доаѓал до израз.
Покрај Санчо, Рома работи и на трансферот на Леон Бејли од Астон Вила – уште едно крило кое би ја зголемило конкуренцијата во офанзивниот дел на тимот. За потсетување, ова лето клубот веќе го засили и младиот напаѓач Еван Фергусон, кој пристигна на позајмица од Брајтон, пренесува sportske.net
Спорт
Младиот штопер Џовани Леони доби дозвола да отпатува за Ливерпул

Во средата навечер беше постигнат договор, според кој Ливерпул ќе ѝ плати на Парма 26 милиони фунти плус бонуси за 18-годишниот Џовани Леони. Играчот доби дозвола да отпатува во Ливерпул во четврток, каде што ќе ги договори личните услови и ќе ги изврши задолжителните медицински прегледи.
Планот е Леони веднаш да се приклучи на првиот тим, без намера за негова позајмица – барем засега, според првичните информации. Ливерпул активно бара нов централен дефанзивец, со оглед на тоа што Ибрахима Конате влегува во последната година од својот договор.
Леони се приклучи на Парма минатото лето, кога пристигна од Сампдорија за 4,8 милиони евра. Во Серија А има 17 настапи и еден постигнат гол за Парма.
-
Кичево20 часа
За прв пат во Македонија и Кичево, од манастирската фарма на „Богородица Пречиста,“ свежо, органско кравјо млеко и сирење
-
Кичево15 часа
На „Стража“ предмалку се случила сообраќајка помеѓу мотор и автомобил
-
Хороскоп1 ден
Хороскоп за петок (15 август)
-
Хороскоп11 часа
Хороскоп за сабота (16 август)
-
Македонија1 ден
Кај возач на возило, сопственост на ЈЗУ „Здравствен дом“ – Берово, била пронајдена дрога, возачот бил лишен од слобода
-
Временска прогноза1 ден
Метео мапата за викендов укажува промена на времето, нестабилност, проследена со дожд и засилен ветер?
-
Македонија2 дена
МВР поднесе пријава за лицето кое влечеше куче со возило
-
Култура24 часа
Денес се празнува „Откривањето и преносот на моштите на Светиот првомаченик и архиѓакон Стефан“, еден од четирите празници посветени на овој светец.