Македонската женска А репрезентација на извлекување во УЕФА за новото издание на Лигата на нации за противници ги доби селекциите на Летонија и Косово во рамките на групата 6 од Ц сегментот. Уефа дополнително ги утврди термините за одигрување на натпреварите од Лигата на Нации.

Во продолжението можете да го погледнете распоредот на натпреварите од групата 6 од Ц лигата во рамките на Лигата на нации.

Македонија – Косово   21.02.2025

Косово – Летонија        25.02.2025

Македонија – Летонија   04.04.2025

Косово – Македонија    08.04.2025

Летонија – Македонија   30.05.2025

Летонија – Косово         03.06.2025

Извор: ФФМ

Младата репрезентација на Македонија до 21 година (фудбалери родени 2004 и 2005 година) денеска во хотел „Парк” го имаше првиот собир во пресрет на двата контролни натпревари со соодветната селекција на Косово.

Контролните мечеви ќе бидат одиграни на тренинг центарот „Петар Милошевски”, во Скопје,  на 14 ноември со почеток во 13. часот и 17 ноември во 12. часот.

Фудбалерот од средниот ред на македонската репрезентација, Матеј Ангелов даде свое видување и коментар за новата генерација на млади фудбалери, како и за претстојните натпревари со Косово.

– За овие контролни натпревари повикани сме поголем број на фудбалери. На дуелите со Косово ќе треба да го покажеме нашиот квалитет и да ја ооправдаме довербата на селекторот. Мислам дека оваа нова генерација има квалитет и потенцијал за да оствари позитивни резултатит. Неколку фудбалери, а меѓу нив и јас имавме можност да бидеме дел и од претходната генерација, а тоа за нас претставуваше едно големо и драгоцено искуство, кое верувам дека ќе има позитивно влијание.

– Двата контролни натпревари со Косово ќе ни послужат што е можно подобро да се подготвиме и воиграме за претсојните предизвици што не очекуваат во следниот квалификациски циклус. Ние како фудбалери максимално се ставаме на располагање на селекторот и стручниот тим, подготвени сме позитивно да одговориме на тоа што ќе се побара од нас на теренот. Сакаме да дадеме се од себе на следните натпревари со Косово, за да го потврдиме нашиот квалитет.

-Од новата генерација може да се очекува голема сплотеност,натпреварувачки дух и желба за докажување. Сакаме да покажеме голема борба, желба и мотивација на секој натпревар, без разлика на противникот, тоа е единствениот начин како треба да се претставува репрезентативниот дрес.

Репрезентацијата на Македонија предводена од Драги Канатларовски денеска во 17 и 30. часот официјално ќе ги започне подготовките за контролните дуели со Косово, истакнаа од Фудбалската федерација на Македонија.

Денеска во Кичево, претседателот на ФФМ заедно со претставници на општина Кичево и градоначалникот, го означија почетокот на изградбата на новата модерна трибина на стадионот на кичевскиот стадион од Влазерими.

Како што се наведува во соопштението, трибината ќе биде со капацитет од околу 1.500 седишта, меѓународни стандарди и придружни простории, овој проект ја исполнува нашата визија за фудбалски комплекс во мојот роден град.

– Со оваа инвестиција од 1,3 милиони евра од програмата „Хет-трик“ на УЕФА, заедно со претходно поставениот помошен терен со вештачка трева, создаваме вистински спортски центар за иднината, овој проект се надеваме дека ќе му служи на спортот и на нашата заедница во град Кичево, за јавноста истакна претседателот на Фудбалската федерација на Македонија, Муамед Сејдини.