Спорт
Милевски: „Лига на нации дава одлична можност за пласман на Светско првенство, но патот до таму е навистина тежок, деби повик доби Трапановски од Данди Јунајтед“
Селекторот на македонската фудбалска репрезентација Благоја Милевски го објави списокот на фудбалери за натпреварите од почетокот на Лигата на нациите против Фарски Острови (7. Септември) и Ерменија (10. Септември). Деби повик во најдобрата селекција доби Кристијан Трапановски од шкотски Данди Јунајтед. Поради повреда на списокот не се најде голманот Дејан Илиев.
Благоја Милевски – селектор на македонската А репрезентација
– „На списокот со повикани фудбалери нема поголеми измени од оние кои ги завршија квалификациите за ЕП. Фудбалерите на кои сметаме покажаа дека имаат потенцијал да се тука и понатаму. Жал ми е што Дарко Велковски е без клуб и нема да биде во комбинација за настап на двата меча. Дени Илиев исто така нема да биде во составот поради повреда. Дебитант е Кристијан Трапановски кој со настапите за Данди Јунајтед заслужи да биде дел од тимот. Ги следев неговите игри и пред да направи трансфер во Шкотска, разговаравме и беше свесен за одредени недостатоци во играта. Познавајќи го каков карактер е, на добар пат е да се наметне и во репрезентацијата. Неколку фудбалери од младата селекција се потенцијални за повик во А тимот. По крајот на нивните квалификации за ЕП, неколкумина од нив би требало да се приклучат во нашата репрезентација„.
– „Фарски Острови се незгоден противник, агресивен и дисциплиниран противник. Се игра на вештачка трева и ќе мора да се навикнеме и на тој момент. Мора да сме на максимумот на можностите, сите ставени во функција на тимот, но со респект кон секој противник во групата. Фарски Острови не се наивни, условите ќе бидат тешки и мора да се потрудиме максимално“.
– „Оваа Лига на нации, дава можност за пласман на Светско првенство, но патот до таму е навистина тежок. Не очекуваат противници кои се незгодни, физички одлично подготвени,играат дисциплинирано и со доста динамика.Мирен сум дека пред септемврискиот циклус, речиси сите ги минаа подготовките и се максимално спремни, за разлика од јунскиот прозорец кој секогаш ни бил проблематичен“.
– „Не ме загрижуваат лошите резултати на последните пријателски натпревари. Свесно ги одбравме ривалите за контролните мечеви. Како селектор не бркам рејтинг преку Сан Марино и Андора, битно ми е играчите да напредуваат преку квалитетни тестови со силни ривали. Иако ги загубивме двата натпревари против Чешка и Хрватска имаше позитивни, како и негативни работи. Не сум задоволен од натпреварите во јуни, за разлика од тие во март за кои немав што да замерам, освен за реализацијата“.
Првиот натпревар против Фарски Острови се игра на 7 септемвриод 15:00 часот, а вториот дуел е закажан на 10 септември од 20:45 часот против Ерменија во Скопје, истакна ФФМ.
Спорт
Младата репрезентација на Македонија до 15 години со триумф го отвори УЕФА турнирот во Молдавија, додека женската репрезентација второ место на турнир во Италија
Младата репрезентација на Македонија до 15 години славеше победа над селекцијата на Ерменија во рамките на првиот натпревар од Уефа развојниот турнир кој се одржува во Молдавија. Нашата селекција сосема заслужено се радуваше на триумф откако одигра добар натпревар и создаде многу можности за погодок.
Првата посериозна можност, Македонија ја имаше уште во 10. минута, Крстевски се најде очи во очи со противничкиот голман, но не успеа да реализира за предност на нашите фудбалери. Во 24. минута, противникот постигна афтогол за предност на Македонија од 1:0. До крајот на првите 45. минути имавме можност да ја зголемите предноста, неискористувајќи неколку добри шанси за погодок.
Во продолжението, во 62. минута, Ерменија доаѓа до израмнување на резултатот. Во 81. минута, Алими пропушта нова добра можност за Македонија. Сепак во 86. минута, Павлов од белата точка постигнува погодок за предност и сосема заслужена победа на Македонија со 2:1.
Додека пак младата женска репрезентација на Македонија до 17 години забележа две победи и еден пораз на меѓународниот турнир што се одржа во Италија во периодот од 11 до 15 септември. Во рамките на првото коло од турнирот, нашите млади фудбалерки во еден интересен и возбудлив натпревар забележаа победа со минимални 3:2.
Во вториот натпревар, против селекцијата на Албанија, Македонија одигра одличен натпревар и успеа да издвојува нова победа со 6:4. Во последниот меч против домаќинот Италија, забележавме убедлив пораз со 3:0.
Репрезентацијата предводена од Катерина Милеска на крајот го освои второто место на меѓународниот турнир во Италија, известуваат од Фудбалската федерација на Македонија
Спорт
Ѓоковиќ: „Моментално ми се важни грен слемовите и репрезентацијата, Торино не е приоритет“
Ѓоковиќ денеска го совлада Јанис Ксилас со 6:0, 6:1 и со тоа на Србија и ја донесе втората победа против Грција во дуелот за пласман во Светската група на Дејвис купот.
Инаку Новак денеска го совлада Јанис Ксилас со 6:0, 6:1 и со тоа на Србија и ја донесе втората победа против Грција во дуелот за пласман во Светската група на Дејвис купот.
– Луѓето можеби очекуваа подолг натпревар, не знаев што да очекувам од противникот. Одиграв добар натпревар, тој го заслужи тој еден натпревар. Многупати сум кажал колку ми значи играњето за репрезентацијата, драго ми е што сме во најсилниот состав. Не ни е лесно што не сме во Светската група, се надеваме дека следната година повторно ќе играме во групната фаза. Поминаа седум години од мојот последен настап за Дејвис куп тимот во Србија, тоа беше тука во Пионир – изјави Ѓоковиќ на прес-конференцијата.
Српскиот тенисер се наврати на минатогодишниот Дејвис куп, кога српската репрезентација беше поразена од Италија во полуфиналето и рече дека ја презема одговорноста.
– Загубив од Синер иако имав три меч топки. Мора да ги поправиме нашите двојки, ние сме една од послабите тимови таму. Ризично е да се потпрете само на сингл. Среќен сум кога гледам млади тенисери кои сакаат да напредуваат и да играат за Србија – изјави Ноле.
Тој рече дека особено го мотивира играњето за репрезентацијата.
– Ваквите работи ме мотивираат и инспирираат да продолжам, последните неколку години правам селекција на турнири на кои ќе играм. Играњето за репрезентацијата е нешто што ме тера, уживам во моментов, мило ми е што можам да придонесам за тимот со победи – изјави Ѓоковиќ.
Српскиот тенисер изјави дека не му е цел да игра на завршниот турнир во Торино и дека не го интересира позицијата на АТП листата.
– Ќе играм егзибициски турнир во Бугарија со Димитов, па Шангај. Нема да настапам на турнирот во Белград. Порано размислував неколку месеци однапред, сега веќе не е така. Во моментов ми е важно да играм Грен слем за репрезентацијата. Ми треба добар физички, психички и емоционален одмор, за да размислам генерално како сакам да продолжам, колку и каде – изјави Новак.
Дуелот меѓу Србија и Грција продолжува утре од 13 часот со двомеч меѓу Ѓоковиќ и Хамад Меѓедовиќ против Петрос Циципас и Деметрис Азоидес.
Селекторот на српската репрезентација Виктор Троицки изјави дека му е драго што Ноле решил да се приклучи на тимот.
– Гледате колку му значи на Новак да игра пред публика во Србија, тој одговори на поканата иако Грција дојде ослабена. Тој дојде овде по тешка сезона, направи нереални работи, се надевам дека ќе победиме со него. Кога тој е со нас тогаш можеме да играме против секого. Голема енергија и тим, можеме да постигнеме добар резултат со ваков тим – изјави Троицки.
Извор: Zurnal.rs
Спорт
Македонската аматерска репрезентација учествува на УЕФА Купот на региони
Македонската аматерска репрезентација учествува на турнирот “УЕФА Купот на региони” што се одржува во Стара Позова, Србија. Овој репрезентативен тим го предводи селекторот Жанко Савов, кој на овој турнир отпатува со 18 фудбалери.
Македонија првиот натпревар го одигра против Војводина, додека во вториот се соочува со Западна Словачка, кој е закажан за 16 септември од 12:00. Последниот натпревар со Тим Рханбаррол од Велс го играме на 19 септември 16:00.
Македонија: Ангел Кочев, Антонио Столески, Никола Сарески, Давид Спасов, Кристијан Јордановски, Кристијан Крклински, Христијан Митревски, Муарем Мислими, Хебиб Саити, Христијан Бејков, Дамјан Ангеловски, Кирил Неделков, Ники Зумроски, Влатко Стојановски, Стефан Богојески Јовица Радевски, Давид Дебреслиоски.
Извор: ФФМ
-
Хороскоп2 дена
Хороскоп за недела (15 септември)
-
Хороскоп15 часа
Хороскоп за понеделник (16 септември)
-
Кичево20 часа
Кичевското планинарско друштво „Ендорфин“ со марш во чест на првото училиште по македонски јазик во с.Подвис
-
Македонија60 минути
Од ноќеска солидно намалување на цените на сите нафтени деривати
-
Автомобили1 ден
Fiat е принуден да го прекине производството на моделот 500e
-
Магазин1 ден
Најновите модели на iPhone 16 се полнат побрзо преку кабел
-
Спорт2 дена
Ѓоковиќ: „Моментално ми се важни грен слемовите и репрезентацијата, Торино не е приоритет“
-
Магазин1 ден
Нов модел со вештачка интелигенција може да размислува како луѓе