Селекторот на македонската А репрезентација, Благоја Милевски го соопшти списокот на повикани фудбалери од домашниот шампионат дополнет со тројца интернационалци, за контролниот натпревар против Саудиска Арабија на 22. октомври во Абу Даби.

На списокот на Милевски се наоѓаат следните фудбалери:

Голмани: Кристијан НАУМОВСКИ (Шкупи), Костадин ЗАХОВ (Шкендија), Игор АЛЕКСОВСКИ (Работнички)

Одбрана: Дарко ВЕЛКОВСКИ (Ал Етифаг, Саудиска Арабија), Егзон БЕЈТУЛАИ (Шкендија), Марио МЛАДЕНОВСКИ (Шкупи), Кристијан ТОШЕВСКИ (Тирана, Албанија), Бојан ИЛИЕВСКИ (Македонија Ѓ.П.), Зија МЕРЏАНИ (Струга Трим Љум), Владица БРДАРОВСКИ (Шкупи)

Среден ред: Иван НИКОЛОВ (Брегалница), Адем АЛИ (Шкупи), Ферхан ХАСАНИ (Шкендија), Бунјамин ШАБАНИ (Струга Трим Љум), Бојан ДИМОСКИ (Академија Пандев)

Напад: Бесарт ИБРАИМИ (Струга Трим Љум), Влатко СТОЈАНОВСКИ (Шкендија), Љупче ДОРИЕВ (Шкендија), Кристијан ТРАПАНОВСКИ (Шкупи), Методија МАКСИМОВ (Работнички), Мартин СТОЈАНОВ (Септември Софија, Бугарија)

Благоја Милевски – селектор на македонската А репрезентација:

– „Ни претстои силен контролен натпревар против Саудиска Арабија, репрезентација која е во фаза на последни подготовки за Светското првенство. Ова ќе биде одлична можност за повиканите фудбалери на терен да се соочат со квалитетен противник, а ние како стручен штаб, реално да го видиме потенцијалот и квалитетот на фудбалерите кои сметаме дека се во најдобра форма во моментот во нашата лига. 

Нашата намера беше да ги повикаме и Мартин Мирчевски (ТСЦ, Србија), Марко Симоновски (Дрита, Косово), Сефер Емини (Сондерјиске, Данска), Томче Гроздановски (Злате Моравце, Словачка) и голманот Беким Реџепи (Партизани Тирана, Албанија), но дел од нив не добија дозвола од своите клубови бидејќи натпреварот ќе се одигра надвор од ФИФА термин за пријателски мечеви, а некои се опоравуваат од повреда. Со нас ќе биде Дарко Велковски на кого му требаат натпревари за да влезе во права натпреварувачка форма, а шанса ќе добијат и Мартин Стојанов и Кристијан Тошевски. Се надеваме дека сите повикани фудаблери ќе одиграат максимално сериозно и ќе остават позитивен впечаток“. 

Подготовките за контролниот натпревар против Саудиска Арабија ќе започнат на 17. октомври. На тренинг центарот „Петар Милошевски“ ќе се одработат два тренинзи пред заминувањето за Абу Даби на 18. октомври.

Што се однесува до младата репрезентација на Македонија до 15 години, таа ќе одигра два контролни натпревари против соодветната селекција на Србија.

Пријателските средби против Србија ќе бидат одиграни на тренинг центарот „Петар Милошевски” во Скопје.

Првиот контролен дуел е закажан на 11. октомври со почеток од 14. часот. Втората пресметка ќе се одигра на 13. октомври во 11. часот.

Селекторот на репрезентацијата на Македонија до 15 години, Раде Каранфилоски се одлучи да ги повика следните фубалери:

Голмани: Антониј Трајковски (ССК), Павел Грбевски (Вардар)

Одбрана: Ристе Стоилов (Академија Пандев), Матео Кесиќ (Вардар), Елис Жута (Јанг Тим), Стефан Стаматоски (Еврофудбал), Албан Рочи (Јанг Тим), Енвер Фејзуловски (Пелистер), Алекс Започек (Ексцелсиор, Холандија), Мартин Џангаровски (Македонија Ѓ.П.)

Среден ред: Давид Ангелевски (Талент), Лорент Жаку (Јанг Тим), Александар Грашевски (Њу Старс), Матео Каранфилоски (Работнички), Илија Митановски (Вардар), Стефан Бујароски (Еврофудбал), Душан Бојовиќ Заев (Вардар), Бленди Ганиу (Шкупи)

Напад: Иво Марковски (Драчево), Александар Нехтенин (Брегалница), Стефан Бранковски (Триглав, Словенија)