Култура
Минува прва недела од „Велики Пост“ – Недела на Православието
Во оваа седмица се прославува споменот на победата на Православието, односно на иконопочитувањето. Затоа ќе разгледаме две важни аспекти за почитување на иконите.
Од историски контекст, уште многу рано се јавува иконопочитувањето, а тоа го гледаме во катакомбите (подземни храмови, собиралишта кои биле гробови). Но, покрај тоа иконопочитување се појавило и иконоборството или негирањето на иконите, кое го имаме и до денес во некои конфесии (религии). Сепак, по доаѓањето на императорот Лав Исавријанец на власт почнало гонење за оние кои ги почитуваат иконите. Тоа траело од околу 720 година до доаѓањето на власт на света Теодора во 842 година, кога се прославила победата на Православието, иако и на Седмиот Вселенски собор (787 година) иконоборството било спречено, но само кратко. Дури биле ставани и патријарси кои го држеле тоа мислење и учење. А зошто било така? Затоа што овој владетел и останатите по него сметале дека иконата е противење на вторатата Божја заповед каде се вели: „Не прави идол, ниту каква било слика…“ Сепак на крајот победила Вистината и иконите се вратиле на местото каде што требало.
Теолошкиот аспект или духовниот, на иконата гледа со почитување, а тоа е така, затоа што единствена Икона, Образ е Христос. Он е пример за сите, па затоа за иконата на 7-миот Вселенски собор се вели: „честа, која се оддава на образот, преминува на првообразот, и оној што ѝ се поклонува на иконата се поклонува на ипостаста (личноста) на изобразениот на неа“. Според ова, почитувањето на иконата не е идолопоклонство, бидејќи иконопочитувањето е сознателен акт (оној што се моли сигурно не очекува помош од материјата, туку од личноста изобразена на иконата). Исто како што кадењето на луѓето во храмот не е обожување на човекот, туку оддавање чест на образот Божји, вложен во човекот, чест која восходи кон Архетипот, Бог. Ваквата теологија на иконата не ја прави неа престапување на Божјата заповед, туку нејзиното отфрлање, кое претставува непочитување на Бога и негирање на фактот на Боговоплотувањето. Или, накратко речено, бидејќи Христос се воплоти, затоа и Го иконообразуваме.
Затоа, иконата е и прозорец кон вечноста, преку неа се гледаме и себеси, а Го славиме Бога Кој дојде во светот за спасение на луѓето. Таа претставува изобразување на духовната реалност.
На крајот можеме да кажеме дека, смислата и содржината на иконата се навистина величествени. Таа претставува воплотување на православната теологија во полнота, потврда на евангелската Вест дека Бог стана Човек.
Текст: Кичевска парохија
Култура
Кичевчанецот Зоран Стефаноски го претстави својот нов соло проект наречен Fly Above
Неговиот седми музички проект „Fly Above“ штотуку е објавен на Youtube, зад себе има уште шест музички проекти наречени “The Beginning”, “Between Passion And Suffering”, “Empire Of Slaves”, “Butchered Hope”, “Wrath Of The Innocent” и “Hand Of Salvation And justice”кој може да ги преслушате на неговиот Youtube канал.
Кичевчанецот, освен што е комплетен автор, тој е и комплетен изведувач на темата, аудиото, миксот и мастерингот се на Христијан Ѓоргиевски, а сето тоа визуелно ни го претставија Александар Вренцовски и Ненад Милошески
Послушајте, споделувајте и се надеваме ќе ви се допаднe.
Култура
Честитки по повод верскиот празник „Рамазан Бајрам“ на сите припадници на исламската вероисповед
Токму денес на сите наши читатели, поддржувачи на пишаниот збор од информативен и јавен карактер – Ви го честитаме срдечно највозвишениот ден од исламскиот календар, празникот Рамазан Бајрам, посакувајќи празнична радост во сите муслимански семејства.
/Порта.мк
Култура
Денес се слави „Благовец“ празник на мајките, честит именден на Благој, Благица, Блаже..
Името на празникот Благовештението е истоименито со Евангелието.
Тие носат исто име. Евангелие е Благовестие, Благовештение. Празникот така и се нарекува на грчки јазик: Евангелизмос (ЈО Еујаггелисмовч), а на старомакедонски (црковно-словенски) јазик: Благовештение(БлаговѕГен·е). Составено е од два збора: блага + вест, радосна вест.
Свето Благовештение е Богородичен празник, односно еден од празниците посветени на Пресвете Богородица. Тие се поврзани со животот на Божјата Мајка. Таков е и овој празник. Со право некои го сметаат и за двоен празник: Господов и Богородичен. Господов, бидејќи на овој ден Господ Исус Христос се воплотил зачнал, а Богородичен, бидејќи Богородица постанала Божја мајка.
Полното име на празникот е: Благовештение на Пресвета Богородица. Се сретнува, обично во руски и црковно-словенски богослужбени книги и како Благовештение на Пресветата Владичица наша Богородица и Приснодева Марија.
Бил именуван и како: Благовештение на Марија од ангелот, Зачнување Христово, Почеток на искупувањето, Почеток на спасението, Благовештение за Христа, а во ВИИ век е усвоено името: Благовештение на Пресвета Богородица.
Благовештение го празнуваат и Источната и Западната црква.
Неговото народно именување е Благовец, Благоец, Благостене, Благовден, Половина Велигден, Блошчење, Кукувден.
Благовец празник на мајките
Благовец е празник на Божјата Мајка, а според старата црковна традиција е и празник на сите мајки Денот на мајките. Новото нецрковно време го заменуваше со празнувањето на 8 Март, па се подзаборава дека Благовештение е празникот на мајките.
На Благовец е денот на мајките, затоа што Богомајката Богородица е заштитничка на сите мајки кои зачнале и станале мајки. Тоа е ден на мајката која дала нов живот. Тогаш децата и благодарат на мајката, ја гушкаат и и даваат дарови во знак на љубов, почит и внимание.
Мајките, пак, ги благословуваат децата и тие да имаат свои рожби и радости.
Денес, бакнете ја мајка ви. На овој ден се покажува особена сострадалност и помош кон сирачињата, кон бедните и кон унесреќените.
Именден
Именден празнуваат: Благој, Блаже, Блажо, Благин, Благомил, Благомир, Благовестин, Благун, Евангел, Вангел, Блага, Благица, Благана, Блажена, Благојка, Благуња, Благодатка, Благовеста, Бонка, Вангелија, Евангелица и др.
Датум на празникот
Празникот Благовец е секогаш на 7 април (односно 25 март, по стар стил). Датумот не го менува и е од групата на постојаните празници.
Постојат две причини за поврзувањето на Благовец со овој датум: Првата е поврзаноста со Божик, а втората, со создавањето на човекот.
Уште од древноста, секогаш се празнувал на овој датум. Благовец е строго поврзан со Божик. Се празнува точно девет месеци пред Божик. Неговата поврзаност со Христовото раѓање не му дава да биде изместен, бидејќи тој е датумот на зачнувањето (7 април / 25 март с.к.), а девет месеци потоа е Раѓањето на Господа Исуса Христа (7 јануари / 25 декември с.к.).
-
Хороскоп1 ден
Хороскоп за вторник (23 април)
-
Хороскоп11 часа
Хороскоп за среда (24 април)
-
Македонија2 дена
Од ноќеска бензинот со нова покачена цена, дизелот се намалува
-
Lifestyle2 дена
Колку долго можеме да ја чуваме мократа облека во машината за перење?
-
Магазин2 дена
Netflix налути многу корисници со еден потег, но се покажа како одлична одлука
-
Магазин23 часа
iPhone 16 може да остане без физички копчиња
-
Магазин23 часа
Meta се затвора во Турција
-
Спорт17 часа
КМФ „Форца 2015“ е освојувач на Купот на Македонија во футсал