Спорт
Младата футсал репрезентација на Македонија до 19 години на квалификациски турнир во Гибралтар
 
																								
												
												
											Младата футсал репрезентација на Македонија до 19 години на 2. и 3. ноември ќе учествува на квалификацискиот турнир во Гибралтар за пласман во Елитна фаза квалификации за ЕП.
Репрезентацијата предводена од селекторот Зоран Лекиќ ќе одигра два натпревари против Црна Гора и домаќинот Гибралтар.
Првиот меч го играме на 2. ноември со Црна Гора во 17:00 часот, ден подоцна ќе се спротивставиме на домаќинот Гибралтар од 19:00 часот.
Зоран Лекиќ ги повика следните играчи:
Никола Анчевски (Железарец), Иса Фера (Шкупи), Бојан Неделковски (Шкупи), Антонио Јанев (Велес), Христијан Митев (Овче Поле), Душко Пауновиќ (Клими), Стефан Грујевски (Клими), Мартин Цветковски (Железарец), Суфијан Чајани (Железарец), Давид Велјаноски (Шкупи), Давид Блажевски (Велес), Стефан Петрушевски (Железарец), Арбен Асани (Арбен Бајрами);
Зоран Лекиќ, селектор на младата футсал репрезентација на Македонија до 19 години.
-Ќе се обидеме да поминеме во следната фаза од квалификациите, ќе биде многу тешко, но спортски е да се надеваме. Проблем претставува фактот што претходно немаме одиграно ниту еден пријателски натпревар. Ова е прв наш собир. За разлика од во репрезентацијата на Црна Гора кои веќе имаат десетина контролни меча. Но, како што реков, спортски е да се надеваме, без предавање. Мора да веруваме во себе и тимот ако сакаме да оствариме позитивен резултат.
Спорт
Јувентус сигурен против Торино, Влаховиќ го отвори резултатот уште во петтата минута од натпреварот
 
														Јувентус славеше со 3-1 против Удинезе на свој терен во Торино, во рамките на деветтото коло од италијанската Серија А. Домашниот тим го отвори резултатот уште во петтата минута преку Душан Влаховиќ, кој беше прецизен од белата точка. Во второто полувреме, Федерико Гати зголеми на 2-0 во 67-та минута, а Кенан Јилдаз ја запечати победата со гол во шестата минута од судиското продолжение.
Почесниот гол за гостите го постигна Николо Заниоло во првата минута од дополнителното време. Во следното коло, Јувентус ќе гостува кај Кремонезе, додека Удинезе на домашен терен ќе ја пречека Аталанта.
Рома ја совлада Парма со 2-1
Рома исто така запиша победа на свој терен, совладувајќи ја Парма со 2-1. Марио Ермосо го отвори резултатот во 63-тата минута, а Артем Довбик во 81-та ја потврди победата. Единствениот гол за Парма го постигна Алесандро Чикарти во 86-тата минута.
Комо убедлив против Верона
Во исто време, Комо беше подобар од Верона со 3-1 на домашен терен.
Спорт
Високи признанија за работата на ФФМ, Омерагиќ и Јандреоски именувани на високи меѓународни позиции во „ФИФА“
 
														Претседателот на Фудбалската федерација на Македонија, Масар Омерагиќ, доби нова меѓународна функција, тој е назначен за член на Олимпискиот фудбалски комитет при ФИФА.
Овој комитет, кој функционира под надлежност на Советот на ФИФА, има задача да го следи и поттикнува развојот на фудбалот како олимписка дисциплина, како и да ја унапредува соработката со Меѓународниот олимписки комитет во сите прашања поврзани со турнирите во рамки на Олимписките игри.
На чело на Комитетот е Самир Шауд од Бразил, а негов заменик е Мустафа Раџи од Либерија. Меѓу членовите се наоѓаат повеќе истакнати фудбалски претставници од различни делови на светот како Кохзо Ташима од Јапонија (делегат на Советот на ФИФА), Чармејн Крукс од Канада, Хрисостомос Гкагкатсис од Грција, Шеик Ахмад Јусеф Ал Сабах од Кувајт, Бранко Радујко од Србија, Хелга Хелгадотир од Исланд и други.
Покрај Омерагиќ, и генералниот секретар на ФФМ, Леонид Јандреоски, доби важно меѓународно признание, тој е избран за член на Комисијата за медиуми и комуникации на ФИФА.
Оваа комисија има задача да ја дефинира и унапредува медиумската и комуникациската стратегија на ФИФА, со фокус на дигиталните платформи и јавната комуникација. На нејзино чело е Јасин Идрис Диало од Брег на Слоновата Коска, а заменик-претседател е Армен Меликбекјан од Ерменија.
Во составот на Комисијата се и Фатма Ал Нуими (Катар), Ајишат Фалоде (Нигерија), Ноел Муни (Велс), Хелена Пиреш (Португалија), Аманда Вандерворд (САД) и Тони Ванг (Тајван).
Именувањето на Омерагиќ и Јандреоски претставува големо признание за Фудбалската федерација на Македонија и потврда за растечкиот углед на македонскиот фудбал во меѓународната фудбалска заедница, истакна Фудбалската федерација на својот е-медиум.
Спорт
ФК Напредок со победа и едноминутно молчење оддаде почит кон легендата Зоран Ѓорѓиоски-Мрско
 
														Пред денешниот првенствен натпревар помеѓу ФК. Напредок – ФК. Дрита со едно минутно молчење клубовите и управата му оддадоа почит на легендата на ФК.Напредок, Зоран Ѓорѓиоски-Мрско. Доајен на кичевскиот фудбал кој остави небришлива трага за која сите ние кои сме биле некогаш дел од ФК Напредок сме ги почувствувале.
Што се однесува до играта, повторно нашите фудбалери на домашен терен манифестираа важна победа со високи 4:0.
Стрелци на головите беа: М.Зафироски, Осман Исмаили реализираше 2 пати, Ж.Симјаноски сите постигнати во второ полувреме.
И денеска преку нашиот медиум, управата на ФК Напредок упатува голема благодарност до публиката која во секоја утакмица е се побројна и дава голема поддршка на нашите кичевски фудбалери.
Напред НАПРЕДОК!
- 
																	   Кичево1 ден Кичево1 ден„Џојсон Сeјфти Системс“ – Кичево заедно со „ОВР Кичево“ во кичевските училишта реализираа едукативна кампања на тема „Безбедноста на учениците во сообраќајот“ 
- 
																	   Хороскоп1 ден Хороскоп1 денХороскоп за петок (31 октомври) 
- 
																	   Кичево1 ден Кичево1 денЈанев денес беше во посета на ОВР Кичево, заедно со раководствата на „РЦ Запад“ и регионалниот сектор за внатрешни работи Охрид 
- 
																	   Временска прогноза15 часа Временска прогноза15 часаПопоски: Ни претстои потопла зима, но со повеќе снег од лани 
- 
																	   Кичево15 часа Кичево15 часаПоради градежни активности на автопат Охрид-Кичево кај Подмоље ќе се врши пренасочување на сообраќај до среда 
- 
																	   Lifestyle2 дена Lifestyle2 денаСовршена кајгана за неколку минути: Тајната состојка што прави чуда 
- 
																	   Магазин2 дена Магазин2 денаYouTube воведува револуционерна AI функција – старите видеа сега изгледаат како нови 
- 
																	   На денешен ден2 дена На денешен ден2 денаСветот „На денешен ден“ – 30 октомври 

 
								 
 
 
 
									 
																	 
									 
																	 
									 
																	 
									 
																	 
									 
																	 
 
 
														 
																											 
														 
																											 
														 
																											 
														