Спорт
Младата македонска фудбалска репрезентација ќе игра два контролни меча против Малта

Младата репрезентација на Македонија до 17 години на 15 и 17 февруари во Скопје ќе одигра два контролни меча против соодветната селекција на Малта. Натпреварите ќе бидат одиграни на тренинг центарот „Петар Милошевски”.
Првиот натпревар помеѓу овие две селекции кој е на програмата на 15. февруари ќе биде одигран во 14. часот, а вториот дуел ќе се игра во 11. часот.
Селекторот на Македонија до 17 години, Тони Јакимовски за овие натпревари се одлучи да ги повика следните фудбалери:
Голмани: Давид Стојановиќ (Македонија Ѓ.П.), Диел Доко (Њу Старс);
Одбрана: Симеон Здравковски (Вардар), Андреј Аризанкоски (Победа), Марко Стојилевски (Вардар), Даниел Марковски (Хелсинборг, Шведска), Матеј Јаневски (Работнички), Хадис Таири (Велешта);
Среден ред: Амир Нухија (Шкендија), Адријан Зенделовски (Малме, Шведска), Ѓорѓе Џеков (Академија Пандев), Мухамед Елмас (Работнички), Мартин Ѓорѓиевски (Академија Пандев), Сулејман Умерфарук (Шкупи), Дестан Адили (Работнички), Кире Стојанов (Академија Пандев), Теодор Николовски (Работнички);
Напад: Александар Богдановски (Работнички), Зани Назифи (Шкендија), Никола Величковски (Вардар)
Тони Јакимовски, селектор на младата репрезентација на Македонија до 17 години.
– После одиграните квалификации, ова е добар тајминг за двата контролни натпревари против Малта. Имаме време и простор за да ја подобриме нашата игра. На овие натпревари се повикани четворица нови фудбалери кои поседуваат квалитет и ќе им дадеме можност тоа да го покажат и на терен. Нема опуштање, иако се работи за контролни мечеви, ќе пристапиме максимално ангажирано и одлучно за предизвикот што ни следи. Оваа група на фудбалери има потенцијал и квалитет. Сигурен сум дека во иднина со максимална посветеност и желба ќе можеме само да ја подобруваме нашата игра, а со тоа и да оствариме позитивни резултати.
Спорт
Мбапе итно хоспитализиран, клубот ја соопшти причината зошто „голгетерот“ не беше во план против Ал Хилал

Реал Мадрид во моментов се наоѓа во САД каде што учествува на Светското клупско првенство. На првиот натпревар против Ал Хилал, кој заврши 1:1, Килијан Мбапе не настапи.
Клубот објави дека причината за неговото отсуство се здравствени проблеми.
Kylian Mbappé has been diagnosed with acute gastroenteritis and has been hospitalized for various tests and treatment, Real Madrid announced. pic.twitter.com/Eq4wGwU988
— ESPN FC (@ESPNFC) June 19, 2025
– „Нашиот фудбалер Килијан Мбапе има акутен гастроентеритис и е хоспитализиран за дополнителни прегледи и терапија“, стои во официјалното соопштение на Реал Мадрид.
Откако пристигна во САД, Мбапе учествуваше само на два тренинга и не беше дел од поголемиот дел од активностите на тимот. Следниот натпревар на Реал е закажан за недела навечер против Пачука, но останува неизвесно дали францускиот напаѓач ќе биде спремен да настапи.
Спорт
Меѓународната скијачка федерација „FIS“ воведува нов систем за санкционирање, ќе се користат жолти и црвени картони како во фудбалот

Меѓународната скијачка федерација „FIS“ од следната сезона воведува нов систем на санкционирање во скијачките скокови и нордиските дисциплини, користејќи жолти и црвени картони, слично како во фудбалот. Оваа промена има за цел построга контрола и казнување на неправилностите со опремата.
Според новите правила, натпреварувач кој ќе користи недозволена опрема ќе добие жолт картон. Ако го повтори прекршокот, следува црвен картон, што значи суспензија од следното натпреварување и загуба на квотата за националниот тим.
Одлуката беше донесена по бројни контроверзии за време на Светското првенство во Трондхајм 2025. Директорот на натпреварите во „FIS“, Сандро Пертиле, истакна дека последните месеци биле многу предизвикувачки и дека новите мерки се чекор кон подобра контрола и регуларност во спортот.
Покрај картичките, ќе се воведат и построги проверки на опремата – како 3Д мерења на телото за време на натпревари, детална инспекција на оделата, обувките и ракавиците, како и постојан надзор на стартот. Идентификациските чипови ќе се користат само по официјално одобрување на опремата.
Имплементацијата на новиот систем ја предводи Јирген Винклер, во соработка со техничкиот експерт Матијас Хафеле, кој ќе организира обуки за националните федерации.
Со овие промени, „FIS“ има за цел да обезбеди поголема транспарентност и фер-плеј, и планира дополнително да го развива системот за контрола на опремата во иднина.
Извор: fis-ski.com
Спорт
Македонија до 14 години ќе одигра два контролни натпревари против Албанија, кичевчаните Матески и Димоски ќе бидат на списокот на селекторот Станковски

Македонската фудбалска репрезентација до 14 години во јуни ќе одигра два пријателски натпревари против врсниците од Албанија. Првиот меч ќе се одигра на 17 јуни во албанскиот град Корча, на стадионот на ФК Скендербег, со почеток во 17 часот.
Вториот дуел е закажан за 19 јуни и ќе се одигра во Охрид, на стадионот „Билјанини Извори“, со почеток во 11 часот. Селекторот на македонската репрезентација, Горан Станковски, ги објави фудбалерите кои ќе настапат на овие два контролни натпревари против Албанија, истакнаа од ФФМ.
За претстојните натпревари во составот се земени нашите деца од Кичево, кој матичен клуб е „ФК Кичево“, тоа се Борис Матески и Павел Димоски, им посакуваме среќа и успех!
Ова се момчињата кои се најдоа на располагање на селекторот Станковски:
ГОЛМАНИ:
Марио Стојановски – Кул Здравје
Огнен Божиновски – Кул Здравје
Јован Даноски – ФФМ Академија
ОДБРАНА:
Дин Рожајац – ФФМ Академија
Калин Аврамоски – ФФМ Академија
Ариан Исаку – Шкендија
Андреја Блажев – ФФМ Академија
Филип Богоевски – ФФМ Академија
Ејман Емини – ФФМ Академија
Давид Рамадан – Фер Плеј
Хамза Зибери – Парк
СРЕДЕН РЕД:
Давор Танески – ФФМ Академија
Павел Димоски – ФФМ Академија
Дин Баталоски – Пелистер
Борјан Костовски – ФФМ Академија
Давид Петрески – Фер Плеј Охрид
Доротеј Христов – Парк
Васко Трајков – ФФМ Академија
Стефан Стојаноски – ФФМ Академија
НАПАД:
Виган Таири – ФФМ Академија
Драган Петков – Валандово
Борис Матески – Кичево
Јован Јанчевски – ФФМ Академија
Нено Бафтијар – Бутел
Дијар Алиу – Шкупи
-
Хороскоп2 дена
Хороскоп за понеделник (23 јуни)
-
Македонија1 ден
Ново поскапување на сите горива од ноќеска, ова е новата цена за литар
-
Хороскоп20 часа
Хороскоп за вторник (24 јуни)
-
Временска прогноза2 дена
Попоски: Од денес па натаму висок УВ индекс и температури до 40°C
-
Магазин7 часа
Летен десерт со само две состојки – готов за 5 минути!
-
Магазин7 часа
Најбрз домашен сладолед со само една состојка
-
Автомобили7 часа
Toyota го претстави првиот електрифициран Land Cruiser во Европа