Спорт
Младата репрезентација на Македонија до 14 години во фудбал ја победи Малта, додека Македонија до 16, изгуби од Србија

Младата репрезентацијата на Македонија до 14 години го одигра првиот од двата контролни натпревари против соодветната селекција на Малта. На тренинг центарот „Петар Милошевски”, избраниците на селекторот Драган Начевски сосема заслужено издвојуваа победа со 1:0.
Нашите млади фудбалери беа подобри од Малта во текот на целиот натпревар, креираа опасни прилики пред голот на противникот, победата на крајот можеше да биде и поубедлива. Ердин Мамути во 73. минута го постигна победничкиот гол за нашата млада репрезентација.
Македонија и Малта ќе одиграат уште еден контролен натпревар на 11. мај со почеток во 14. часот
Македонија: Коста Стојановски, Антонио Атанасов, Михаил Митревски, Бленди Љацка, Мартин Џангаровски, Матеја Масев, Фадил Исламовиќ, Горјан Петковски, Јаков Стојковски, Андреј Цветковски, Херолинд Селими;
Селектор: Драган Начевски
Младата репрезентација на Македонија до 16 години исто така играше, но беше поразена од соодветната селекција на Србија во рамките на натпреварот од меѓународниот контролен турнир „Миљан Миљаниќ”, што се одржува во Стара Пазова.
На денешенит меч, избраниците на селекторот Дашмир Беари беа поразени со 2:0 од домаќинот Србија, која воедно е и најголем фаворит на овој турнир.
Максим Кличковиќ во 19. минути го постигна водечкиот погодок Србија. Конечните 2:0 ги постави Урош Ѓоргевиќ.
Македонија: Игор Ристов, Горазд Ристовски, Лука Атанасовки, Емир Саботиќ, Здравко Перески, Хисар Али, Стефан Младеновски, Каменчо Андоновски, Павел Трајковски, Адмир Љатифи, Давид Ивановски;
Спорт
Прв семинар на „ФФМ“ во Македонија за „ВАР“ обука и сертификација на судии под водство на „ФИФА“ инструктор

Фудбалската федерација на Македонија (ФФМ) за првпат организираше официјален ВАР семинар, што претставува важен чекор кон воведување на ВАР технологијата во македонскиот фудбал. Обуката беше предводена од познатиот ВАР инструктор Далибор Ѓурѓевиќ, кој има големо меѓународно искуство како ВАР судија и менаџер во неколку земји, меѓу кои Кипар, Русија, Саудиска Арабија и Белорусија.
Семинарот официјално го отвори претседателот на ФФМ, Масар Омерагиќ. Тој истакна дека еден од главните приоритети на федерацијата е развојот на професионален и квалитетен домашен фудбал. Омерагиќ порача дека исполнувањето на дадените ветувања е веќе на дело и очекува високо ниво на професионализам од сите вклучени во процесот.
Повеќе ќе прочитате на нивниот официјален линк од ФФМ, ТУКА
Извор: ФФМ
Спорт
Нејмар потпиша нов договор, сепак останува дома

Нејмар сепак реши да остане во Сантос уште шест месеци. Повиците од европските клубови ги остави зад себе, а љубовта кон клубот каде што започна неговата кариера повторно го поврза со Сантос, 12 години по неговото заминување.
Некаде во минатото се сметаше за наследник на Роналдо и Меси, но серијата повреди ја спречија таа приказна. И покрај сè, Нејмар останува еден од најдобрите фудбалери на оваа деценија, иако многумина ќе се запрашаат дали целосно ги исполни големите очекувања. Тој е единствениот фудбалер во 21. век кој се најде меѓу првите 10 за Златната топка додека играл во бразилска лига – и сега се врати таму каде што сè започна, барем до крајот на оваа година.
Откако го напушти ПСЖ во 2023 и замина во Ал Хилал, неговото време таму беше скратено поради сериозни повреди – настапи само трипати. Сега, во Сантос, повторно се чини дека ја враќа љубовта кон играта, но и понатаму се соочува со предизвици околу формата и физичката подготвеност.
Сепак, тој има амбиција да го засили својот настап и да остане здрав, со цел да игра за Бразил на Светското првенство следната година. До тогаш, неговото патување продолжува во Сантос – барем до Нова Година.
Спорт
Бенфика приреди вистинска сензација, Баерн беше поразен, но со втората позиција продолжува понатаму

Бенфика приреди вистинска сензација на Светското клупско првенство, совладувајќи го Баерн Минхен со минимални 1-0 во Шарлот и обезбедувајќи го првото место во групата Ц.
Заедно со нив, и германскиот тим се пласираше во следната фаза, додека Бока Јуниорс и Оукленд го завршија своето учество во оваа група. Стрелецот на победничкиот гол за португалскиот клуб беше Андреас Сјелдеруп, кој погоди по одлична контранападна акција во 13-тата минута.
Во меѓувреме, натпреварот меѓу Бока и Оукленд во Нешвил заврши нерешено 1:1, но беше прекинат во 54-тата минута поради предупредување за можна бура.
-
Хороскоп1 ден
Хороскоп за среда (24 јуни)
-
Кичево5 часа
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен
-
Магазин1 ден
Најбрз домашен сладолед со само една состојка
-
Хороскоп36 минути
Хороскоп за четврток (26 јуни)
-
Магазин1 ден
Летен десерт со само две состојки – готов за 5 минути!
-
Lifestyle12 часа
Дали навистина треба да се плашиме од семките од лубеница? Еве што се случува кога ќе ги проголтате
-
Спорт23 часа
Бенфика приреди вистинска сензација, Баерн беше поразен, но со втората позиција продолжува понатаму
-
Автомобили2 дена
Toyota го претстави првиот електрифициран Land Cruiser во Европа