Спорт
Младата репрезентација на Португалија до 18 години беше по успешна од Македонија

Младата репрезентација на Македонија беше поразена од домаќинот Португалија во второто коло од силниот меѓународен турнир за фудбалери до 18 години.
Избраниците на селекторот Неџат Шабани одиграа добро прво полувреме против фаворитот, успеаа и да постигнат гол. Португалија поведе со 1:0 во 15. минута преку Мерелеш. Македонија успеа брзо да одговори на водството на противникот. Гуџуфи успеа мајсторски да го погоди во 20. минута за израмнување на 1:1.
Во продолжението од мечот целосна контрола на играта и доминација на Португалија. Во 76. минута противникот успеа да го скрши нашиот отпор и преку Хусто да поведе со 2:1. На 3:1 зголеми Набијан во 86. минута. Воедно тоа беше и конечниот резултат на денешната средба.
Во првото коло, Македонија одигра нерешено, без голови против Словачка.
Спорт
(ВИДЕО) Аргентинецот Мастантуоно ги заврши медицинските тестови во Мадрид, наскоро се очекува официјално претставување во кралскиот клуб

Франко Мастантуоно успешно ги заврши медицинските тестови во Мадрид, а неговиот трансфер во еден од најголемите светски клубови – Реал Мадрид – наскоро ќе стане официјален. Овој млад и перспективен аргентински фудбалер потпиша шестгодишен договор со „кралскиот клуб“, откако само една сезона блескаше во дресот на Ривер Плата.
Со своите настапи, Мастантуоно покажа дека има потенцијал за големи достигнувања – неговата игра остави силен впечаток уште на самиот почеток на кариерата.
Franco Mastantuono has completed medical tests as new Real Madrid player as part of the plans.
Formal contract until June 2031 due to be officially signed next as @CLMerlo reports.
Mastantuono will play Club World Cup with River Plate… and then join Real from August. pic.twitter.com/L5mqBHOIYO
— Fabrizio Romano (@FabrizioRomano) June 11, 2025
Благодарение на неговите одлични настапи, тој веќе доби шанса да игра за аргентинската репрезентација, за која неодамна дебитираше. Реал Мадрид не се двоумеше да плати 45 милиони евра за да го донесе во својот тим.
Иако потпиша со шпанскиот гигант, Мастантуоно најпрво ќе настапи за Ривер Плата на Светското клупско првенство, по што ќе се приклучи на Реал. Договорот е валиден до 2031 година.
Погледнете за каков профил на фудбалер станува збор:
Спорт
Албанија и Латвија одиграа без победник во натпревар од квалификациите за СП

Албанија и Латвија одиграа нерешено 1:1 во Рига во натпревар од квалификациите за Светското првенство, во истата група каде што игра и Србија. За Албанија ова беше четврти натпревар во циклусот – досега имаат една победа против Андора и две нерешени, вклучително и оваа со Србија.
По разочарувачкиот резултат во Рига, нивните шанси за пласман се значително намалени. Латвија повторно покажа дека е тврд противник за Албанија – ова беше нивен шести меѓусебен дуел и сите завршиле без победник.
– Натпреварот беше исполнет со драматични моменти, особено пред голот на Летонците. Тие имаа шанса да поведат во 21-та минута од пенал, но голманот на Албанија, Стракоша, го одбрани ударот на Јанис Икауниекс. Набргу потоа, домаќините си постигнаа автогол преку Черномордијс, кој несреќно ја смести топката во сопствената мрежа додека се обидуваше да го спречи Манај.
Сепак, Черномордијс се реваншираше во судиското продолжение на првото полувреме, кога погоди со глава по центаршут и го совлада Стракоша, поставувајќи го конечниот резултат.
Во второто полувреме, Албанците беа поактивни и доминираа во обидите да постигнат победнички гол, но не успеаја да ја пробијат латвиската одбрана, и покрај неколкуте опасни ситуации пред нивниот гол. Натпреварот заврши без победник.
Спорт
Манчестер Јунајтед нема да смета на некој фудбалери, еве кои имиња нема да бидат дел од следната сезона

Манчестер Јунајтед објави дека тројца фудбалери – данецот Кристијан Ериксен, швеѓанецот Виктор Линделоф и поранешниот репрезентативец на Северна Ирска, Џони Еванс – ќе го напуштат клубот на 30 јуни, кога им истекуваат договорите. Клубот соопшти дека тие нема да бидат дел од плановите за следната сезона.
– Џони Еванс, кој има 37 години, првпат играше за Јунајтед од 2006 до 2015 година, а повторно се приклучи на тимот во 2023 година. Ериксен, на возраст од 33 години, дојде во клубот во 2022 година, додека Линделоф, кој има 30 години, е дел од Манчестер Јунајтед од 2017 година.
Да потсетиме, Јунајтед неодамна, на 21 мај, го загуби финалето на Лигата на Европа против Тотенхем со минимален резултат од 1:0. Освен тоа, тимот ја заврши Премиер лигата на разочарувачко 15-то место, што претставува нивна најслаба сезона во лигата уште од испаѓањето во 1973/1974 година
Извор: manutd.com
-
Кичево2 дена
Жива е Македонија! Кичевските полуматуранти од ОУ „Кузман Јосифоски-Питу“ со оро ги развиорија македонските знамиња!
-
Хороскоп1 ден
Хороскоп за среда (11 јуни)
-
Скопје1 ден
МВР: Млада охриѓанка вработена во скопско казино пронајдена без знаци на живот
-
Временска прогноза2 дена
Денес во Македонија продор на свежина од север, ова се метео информациите
-
Хороскоп2 часа
Хороскоп за четврток (12 јуни)
-
Спорт1 ден
Албанија и Латвија одиграа без победник во натпревар од квалификациите за СП
-
Автомобили1 ден
(ВИДЕО) „Audi“ месецов ќе го претстави новиот модел на „Q3“
-
Македонија14 часа
Возач од струшко возел пијан со 2,61 промил алкохол во крвта