Спорт
Младата женска репрезентација на Македонија до 17 години учествува на УЕФА квалификациски турнир во Лусабон, Португалија..

Младата женска репрезентација на Македонија до 17 години во периодот од 22 до 29 март во Лисабон, Португалија ќе учествува на Уефа квалификациски турнир (Лига А).
Нашата млада репрезентација за противници ги доби Германија, домаќинот Португалија и Унгарија.
Во рамките на групата 3 од втората рунда квалификации, избраничките на Катерина Милеска во првото коло играат со фаворитот Германија (23 март). Три дена подоцна силите ќе ги одмериме со Португалија. Во последното коло, кое е на програмата на 29. март, играме против Унгарија.
Селекторот на младата женска селекција на Македонија до 17 години, Катерина Милеска се одлучи да ги повика следните фудбалерки:
Голмани: Ведрана Комненова, Мери Васева;
Одбрана: Слаѓана Ѓорѓиева, Ива Јованоска, Мина Коваческа, Елена Љондевска, Михаела Марковска, Мила Панева, Катерина Петкова;
Среден ред: Теона Галабовска, Ива Јосифова, Рона Рустеми, Никица Трендова, Васка Василева, Ева Величкова;
Напад: Ана Борзоска, Мелиса Милица Димитриски, Анастасиа Илиевска, Настасја Накова, Јована Павловска;
Спорт
Албанија и Латвија одиграа без победник во натпревар од квалификациите за СП

Албанија и Латвија одиграа нерешено 1:1 во Рига во натпревар од квалификациите за Светското првенство, во истата група каде што игра и Србија. За Албанија ова беше четврти натпревар во циклусот – досега имаат една победа против Андора и две нерешени, вклучително и оваа со Србија.
По разочарувачкиот резултат во Рига, нивните шанси за пласман се значително намалени. Латвија повторно покажа дека е тврд противник за Албанија – ова беше нивен шести меѓусебен дуел и сите завршиле без победник.
– Натпреварот беше исполнет со драматични моменти, особено пред голот на Летонците. Тие имаа шанса да поведат во 21-та минута од пенал, но голманот на Албанија, Стракоша, го одбрани ударот на Јанис Икауниекс. Набргу потоа, домаќините си постигнаа автогол преку Черномордијс, кој несреќно ја смести топката во сопствената мрежа додека се обидуваше да го спречи Манај.
Сепак, Черномордијс се реваншираше во судиското продолжение на првото полувреме, кога погоди со глава по центаршут и го совлада Стракоша, поставувајќи го конечниот резултат.
Во второто полувреме, Албанците беа поактивни и доминираа во обидите да постигнат победнички гол, но не успеаја да ја пробијат латвиската одбрана, и покрај неколкуте опасни ситуации пред нивниот гол. Натпреварот заврши без победник.
Спорт
Манчестер Јунајтед нема да смета на некој фудбалери, еве кои имиња нема да бидат дел од следната сезона

Манчестер Јунајтед објави дека тројца фудбалери – данецот Кристијан Ериксен, швеѓанецот Виктор Линделоф и поранешниот репрезентативец на Северна Ирска, Џони Еванс – ќе го напуштат клубот на 30 јуни, кога им истекуваат договорите. Клубот соопшти дека тие нема да бидат дел од плановите за следната сезона.
– Џони Еванс, кој има 37 години, првпат играше за Јунајтед од 2006 до 2015 година, а повторно се приклучи на тимот во 2023 година. Ериксен, на возраст од 33 години, дојде во клубот во 2022 година, додека Линделоф, кој има 30 години, е дел од Манчестер Јунајтед од 2017 година.
Да потсетиме, Јунајтед неодамна, на 21 мај, го загуби финалето на Лигата на Европа против Тотенхем со минимален резултат од 1:0. Освен тоа, тимот ја заврши Премиер лигата на разочарувачко 15-то место, што претставува нивна најслаба сезона во лигата уште од испаѓањето во 1973/1974 година
Извор: manutd.com
Спорт
Трајковски ја запечати судбината на Казахстан и донесе голема победа на Македонија. Во септември на градски го дочекуваме Лихтенштајн кој на гости го победивме 0:3

Репрезентацијата на Македонија ја забележа својата втора победа во квалификациите за Светското првенство 2026, совладувајќи го Казахстан со 0:1 во четвртото коло. Со оваа победа, македонската репрезентација се искачи на првото место во „групата Ј“, со еден бод повеќе од Велс, кој има одиграно еден натпревар помалку.
– Првото полувреме мина во изедначена борба, но нашите успеаја да го искористат својот момент. Во 33-тата минута, по една несигурна одбрана на Казахстан, топката дојде до Александар Трајковски, кој со прецизен волеј го постигна единствениот гол на натпреварот. Ова беше негов 23-ти погодок во дресот на националниот тим.
Во вториот дел, Казахстан беше поактивен и создаде неколку одлични шанси, но не успеа да постигне израмнувачки гол.
Во шестото коло, на 7-ми септември Македонија ќе игра на домашен терен против Лихтенштајн. Претходно помеѓу овие две селекции се одигра натпревар во гости каде нашите момци го добија со 0:3, стрелци на головите беа Трајковски, Муслиу и Миовски, додека во петтото коло нашата репрезентација е слободна.
Првопласираната репрезентација оди директно на Мундијалот, додека второпласираната ќе игра бараж за место на светската смотра.
Резултати од група Ј:
Казахстан – Македонија 0:1
Белгија – Велс (се игра од 20:45)
-
Кичево1 ден
Жива е Македонија! Кичевските полуматуранти од ОУ „Кузман Јосифоски-Питу“ со оро ги развиорија македонските знамиња!
-
Хороскоп2 дена
Хороскоп за вторник (10 јуни)
-
Хороскоп17 часа
Хороскоп за среда (11 јуни)
-
Скопје1 ден
МВР: Млада охриѓанка вработена во скопско казино пронајдена без знаци на живот
-
Спорт2 дена
Трајковски ја запечати судбината на Казахстан и донесе голема победа на Македонија. Во септември на градски го дочекуваме Лихтенштајн кој на гости го победивме 0:3
-
Временска прогноза1 ден
Денес во Македонија продор на свежина од север, ова се метео информациите
-
Спорт2 дена
Манчестер Јунајтед нема да смета на некој фудбалери, еве кои имиња нема да бидат дел од следната сезона
-
Технологија2 дена
„nVIDIA“ со скок во приходите – гејмингот сè уште има важна улога