Почитувани кичевчани, чест и задоволство ни е да ве информираме дека и оваа година продолжува традицијата по повод именденот на нашата Православна црква „Св.Апостоли Петар и Павле“, со тоа што по 9-ти пат ќе се одржи мирна мото-парада односно „мото дефиле“ низ кичевските улици.

Настанот ќе се реализира во среда 12.07.23 со почеток од 19:00 часот со тргнување од препознатливото старо-добро место „Кај Јарболот“ во непосредна близина на Железничката станица, а завршната рута е предвидена пред самиот храм.

• На крај кој сака нормално, предвидено е заедничко кафе-дружење и фотографија на летната тераса од Хотел „Кичево“ каде домаќините ќе го резервираат паркинг просторот како и место во самиот локал за сите гости.

Повторно кичевчани ќе имаат прилика да го проследат продефилирањето на разновидните мотоцикли низ нашиот град, како симбол и најава за големиот празник во чест на нашата православна црква!

Потврдете го вашето присуство на официјалниот facebook настан ТУКА

Вечна традиција, бидете дел!

Во прилог ланската мото-парада, лето господово 2022 г.