На 29 и 30.09.2025 година, во просториите на СВР Охрид беше реализирана обука за работа со инструмент за мерење на јачина на звук фонометар, многузначаен уред, кој има голема примена во полициското работење.

Примената на фонометарот е важна и со негова помош ја контролираме бучавата, здравствената состојба на граѓаните, животната средина, а мерните податоци од звукот се користат како доказ во прекршочна постапка за нарушување на јавниот ред и мир.

ФОТО: Центар за обука МВР

Фонометарот е алатка, која субјективната перцепција на звукот ја претвара во прецизни бројки изразени во децибели, за Порта.мк истакна портпаролот на СВР Охрид, г-дин Стефан Димоски

Од утре, 2 октомври, почнува грејната сезона 2025/2026 за потрошувачите приклучени на системите за централно греење во градот Скопје со кои управува АД ЕСМ.
Грејната сезона официјално започнува на 15 октомври, но согласно регулативата може да почне и порано, односно од 1 октомври, доколку прогнозата за средна надворешна температура за наредниот ден е еднаква или помала од 12˚С.

Според податоците од Управата за хидрометеоролошки работи, за 2 октомври е прогнозирана средна надворешна температура од 10˚С со што се исполнети условите за производство, испорака и снабдување со топлинска енергија, согласно одлуката на Регулаторната комисија за енергетика и водни услуги на РСМ.
Исто така, сè до 15 октомври, на веб-страницата на ЕСМ Снабдување секојдневно ќе се објавува информација дали се исполнети условите за испорака на топлинска енергија за наредниот ден.

Навременото снабдување со топлинска енергија е клучно за комфорот на нашите потрошувачи. Затоа повторно апелираме до сите корисници да ги завршат потребните поправки на своите внатрешни грејни инсталации бидејќи редовното одржување е нивна обврска и заедниците на сопственици да обезбедат непречен пристап на службените лица до топлинските потстаници и редовно електрично напојување во топлинската станица, односно платени сметки за електрична енергија и функционална електрична инсталација. Завршените интервенции треба да се пријават во Центарот за грижа на потрошувачи.

Сите потрошувачи можат да проверат дали нивниот објект е на списокот на затворени објекти без услови за испорака на топлина, кој е достапен на линкот „Затворени објекти – ЕСМ

Снабдување“, на официјалната веб страница на ЕСМ – Снабдување со топлинска енергија.

За информации, пријави на дефекти или известувања за завршени интервенции, потрошувачите можат да се јават во Центарот за грижа на потрошувачи на телефонските броеви 02 3076 200 и 075 400 100. За потрошувачите на ЕСМ Енергетика 02 3104816 и 02 3104872, предмалку истакнаа од АД ЕСМ на социјалните мрежи.

На 2 и на 3 октовмври (четврток и петок) територијата на Република Македонија ќе биде зафатена од голем влажен и многу поладен воздушен бран кој доаѓа од истокот и од североистокот на Европскиот Континент. Токму ова ќе услови да имаме обилни врнежи од дожд , засилен ветер од северен правец и исклучително ладно време за самиот почеток на месец октомври. Температурите ќе бидат потпросечни дури и за околу 15 степени, што е премногу и е огромна негативна температурна аномалија.

Поради продорот на овој многу поладен бран на повисоките и на планинските места врнежите од дожд ќе преминат во врнежи од снег со што ќе се формира првата снежна покривка за оваа сезона. На планините локално ќе се формира снежна покривка која ќе биде посериозна (над 30 сантиметри снег).

– Не се исклучува можноста овој многу поладен и влажен бран да го донесе првиот снег за оваа сезона и на помала надморска височина (под 1000 метри) со што појава на снег има услови да има и во дел од повисоките градови особено во западните и во северните предели од Македонија. Тоа значи дека превој „Стража“ кој е на нмв. од 1200м да не биде чудно и да изненади снег.

Температурите во овие два дена ќе бидат исклучително ниски и ќе се искачуваат во интервалот само од 3 до 11 степени. На планинските места очекувам и негативни температури и појава на мраз, извести Славчо Попоски. Неговото директно вклучување може да го проследите ТУКА