Следете не

Македонија

МВР: Санкционирани 70 возачи на товарни моторни возила, 37 поради техничка неисправност, 19 поради прекршоци на возачи

Објавено пред

на

Во текот на вчерашниот ден (21.09.2022) Министерството за внатрешни работи спроведе зајакната акциска контрола на територијата на Република Македонија за санкционирање на возачи кои не ги почитуваат сообраќајните правила и прописи при управување на товарни моторни возила.

Контролирани се 563 возила при што преземени се 70 мерки по констатираните прекршоци.

Од нив изречени се 37 санкции за технички неисправни возила, 21 санкција по однос на товар и 19 мерки по констатирани прекршоци во однос на возачи.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија

Низа нерегуларности во инспекциската контрола во Кичево и останатите градови

Објавено пред

на

Во четвртокот на 22.09.2022, полициски службеници од Одделот за криминалистичка полиција при МВР – Сектор за економски криминал и корупција, во координација со Државниот пазарен инспекторат и Управата за јавни приходи извршија контроли во повеќе правни лица на подрачјето на Скопје, Тетово, Гостивар и Кичево, кои се занимаваат со откуп, изработка и продажба на златен накит.

При контролата беа одземени повеќе од 10 килограми нежигосани предмети (злато и златен накит) односно констатирано е непочитување на обврските кои произлегуваат од Законот за регистрирање на готовински плаќања, како и кривични дела определени во Кривичниот законик.

При контрола на осум златарници во Скопје беа пронајдени и одземени околу 661 грам нежигосано злато, во  Тетово при контрола на 11 златарници беа пронајдени и одземени  7.399 грама нежигосано злато, во Гостивар при контрола на седум златарници беа пронајдени и одземени 1.690 грама, а во Кичево при контрола на три златарници беа пронајдени и одземени 269 грама нежигосано злато.

Од страна на Државниот пазарен инспекторат и Управата за јавни приходи беа констатирани и други неправилности кои се соодветно санкционирани. По целосно документирање на случаите против сопствениците и правните лица ќе бидат поднесени соодветни пријави.

Извор: МВР

Прочитај повеќе...

Македонија

Санкции за пешаци кои преминуваат надвор од обележан пешачки премин

Објавено пред

на

На 14.09.2022 во периодот од 10.00 до 15.00 часот на подрачјето на СВР Охрид, спроведени се контроли за санкционирање на прекршоци што ги прават пешаците во сообраќајот.

Притоа, полициските службеници затекнале и санкционирале 36 пешаци кои небезбедно и надвор од обележан пешачки премин преминувале коловоз (Охрид-15, Струга-08, Кичево-12, Дебар-01).

/МВР

Прочитај повеќе...

Македонија

Високата претставничка на ОБСЕ брифирана за состојбата на новинарите во Македонија

Објавено пред

на

Во рамки на официјалната посета на Високата претставничка на ОБСЕ за слобода на медиумите г-ѓа Тереза Рибеиро се одржа средба со претставници на новинарските и медиумските организации. На работната средба од претставниците на Здружението на новинари на Македонија (ЗНМ), Самостојниот синдикат на новинари и медиумски работници (ССНМ) и Македонскиот институт на медиуми (МИМ) беше укажано дека иако атмосферата во медиумскиот сектор е генерално подобрена сепак и после шест години отсуствуваат суштински медиумски реформи.

Овие реформи подразбираат важни измена на законите за обезбедување на поголема независност на работата на медиумите, загарантирана безбедност на новинарите и подобрување на судската пракса во насока на гарантирање на правата на медиумските работници. Освен ова, беше истакнато дека посебен проблем претставува блокирањето во Собранието на позитивните измени на Кривичниот закон со кои се овозможува поголема безбедност од притисоци и закани кон новинарите кои веќе 14 месеци не се гласаат од страна на пратениците. Дополнителен проблем кој беше истакнат се однесуваше на неизборот на членовите на управните органи во МРТ и Агенцијата за медиуми, избор кој веќе две години не се спроведува, иако мандатот на сегашните членови е изминат а со тоа се доведува во прашање и легитимноста на одлуките во јавниот радиодифузер и медиумскиот регулатор.

Директорот на ЗНМ, Драган Секуловски укажа на зголемениот број на случаи на клевета кон новинари и дека моментално се водат 52 тужби кон новинари споредбено со ланската година кога имаше 20 случаи и ова потенцијално може да ја поттикне самоцензурата кај новинарите. Освен ова, тој истакна: „Желбата на централната и локалната власт да ги вратат јавните кампањи со цел да се рекламираат во приватните медиуми е сериозен ризик кој дополнително може да ја влоши независноста на медиумите. Доколку владата, но и општините, искрено сакаат да го помогнат медиумскиот сектор тоа исклучиво може да биде преку создавање на Фонд за слободни медиуми кој ќе даде можност на транспарентен начин и со јасни критериуми да се поддржат новинарски иницијативи на теми со кои ќе се промовира јавниот интерес а не партискиот„.

Директорката на МИМ Билјана Петковска на состанокот истакна дека: ,,Минатата година започна  процесот за воведување на медиумската писменост во основното образование, што се спроведува во соработка со МОН и со Бирото за развој на образованието, и тоа е еден од најпозитивните  чекори што беа преземени изминатиот период во оваа сфера. За жал,  не постои политичка волја кај партиите за спроведување на системските реформи во медиумската сфера,  што ги бараме со години, бидејќи нашите политичари се уште гледаат на медиумите и  на новинарството како на алатки за освојување и одржување на власта, отколку на  инструменти за демократска , економска и образовна еманципација на граѓаните“.

Претседателот на ССНМ Павле Беловски сподели дека ССНМ е постојано присутен во сите случувања во медиусмката сфера. ,,Нашите активности се опширни и сеопфатни. Ги следиме сите законски измени со фокус на слободата на изразување и работничките права. Даваме предлози и учестувaме во работни групи, секогаш здружени со партнерските организации. Синдикатот бележи раст и развој но, сакам да нотирам дека сеуште и по повеќе од една децнија постоење се соочуваме со едни исти проблеми. Долг е списокот на проблеми но решенијата со кои можат да се надминат се едноставни. Синдикатот како единствена опција за надминување на лошата состојба на вработените ја гледа во потпишувањето на колективни договори. – потенцираше Беловски

Г-ѓа Тереса Рибеиро во рамки на својата посета на Македонија ќе оствари средби на теми поврзани со независноста на медиумите и правата на новинарите и со Претседателот на македонското собрание на претставници на Владата како и на Министерството за информатичко општество и администрација, јавниот сервис и медиумскиот регулатор.

Таа, како претставник на ОБСЕ за слобода на медиумите има функција на темелно разгледување и предупредување во однос на постоечки ризици за нарушување и непочитување на слободата на медиумите, но и на слободата на изразување во сите земји членки на ОБСЕ.

Извор: ЗНМ

Прочитај повеќе...

Facebook

Последни објави

Хороскоп7 часа

Хороскоп за понеделник (26 септември)

ОВЕН Денес бидете внимателни да не се најдете себеси во некои контраверзни ситуации. Доколку проблемите ви изгледаат како да ќе...

Спорт9 часа

Ѓоковиќ играше повреден, за медиумите изјави дека се надева на поголема подготвеност во Торино

Најдобриот српски тенисер Новак Ѓоковиќ призна дека веќе неколку дена има проблеми со повреда на зглобот на десната рака, пренесуваат...

Спорт10 часа

Барди: „Имаме нови играчи кои во своите клубови даваат голови, нашето време доаѓа, утре одиме на победа пред нашата публика!“

Македонија одигра добро во Тбилиси, но загуби. Капитенот Енис Барди вели дека сепак резултатот е најважен и верува дека сега...

Спорт13 часа

Сите на стадион утре и заеднички со срце да ја бодриме Македонија против Бугарија

Фудбалската федерација на Македонија ги повикува навивачите кои ќе ја бодрат македонската А репрезентација на утрешниот натпревар против Бугарија на...

Временска прогноза13 часа

Попоски најавува пороен дожд, еве кога може да се очекува

Денес времето ќе биде стабилно, суво и сончево со мала до умерена локална облачност. Ќе дува слаб до умерен ветер...

На денешен ден1 ден

25 септември – На денешен ден

1345 година – После три години неуспешни обиди, српскиот император Дусан го освои Сер, кој ги водеше патиштата што доведоа...

Хороскоп1 ден

Хороскоп за недела (25 септември)

ОВЕН Иако не сакате да чувствувате притисок од другите луѓе додека работите, денес Овенот може да го стори токму тоа...

Скопје2 дена

Во Скопје утре посебен сообраќаен режим во следниве реони поради „ИТ трка“

Министерството за внатрешни работи ја информира јавноста дека на 25.09.2022 (недела), со почеток во 09.00 часот, во организација на Здружението...

Култура2 дена

(ФОТО) IQ UP! – Кичево официјално започна со работа, дечињата со нетрпение го очекуваат следниот час преку првата македонска едукативна франшиза

IQ UP! (www.iqup.mk) е прва македонска едукативна франшиза за деца од 5 до 12 години. Компанијата IQ UP! е дел од...

Скопје2 дена

Нов случај со измама за наводно случена сообраќајка, старица оштетена со 7260 евра

На 23.09.2022 во 11.05 часот во СВР Скопје, 69-годишна жена од Скопје пријавила дека на 22.09.2022 била измамена од едно...

НАЈЧИТАНИ