Во рамките на второто квалификациско коло за пласман на Светското првенство 2026 година, Македонија ќе го одигра вториот меч на градски, додека вчера првиот човек на ФФМ, Масар Омерагиќ одлучи и обзнани дека сите средства собрани од продажба на билетите за мечот меѓу Македонија и Велс да бидат наменети за семејствата на настраданите и повредени во големата трагедија во Кочани каде во пожар во дискотека животот го загубија 59. лица, а околу 190 се повредени.

Според информациите до кои дојдоа нашите колеги од спортските редакции, продадени се повеќе од 18,000 билети, додека како што знаеме капацитетот на стадионот е нешто повеќе од 34,000 седишта.

– Цената на каритите изнесува 300 и 400 денари, додека пак 900 денари ќе чини билетот од прва категорија, истите може да ги купите и online ТУКА

Уште еднаш преку нашиот упатуваме апел до македонските љубители на фудбалот но и сите други кои се ве можност, без разлика на временските услови – да ги наполнат трибините во вторник и со тоа директно ќе ги поддржат семејствата на настраданите, единството и сплотеноста секогаш се најважни, поготово во вакви катастрофални моменти каде буквално секој денар е важен. 🙏

Сакам од срце да им честитам на нашите фудбалери за победата, карактерот и борбеноста.

Ова е победа која ја заслужија – фудбалерите, стручниот штаб и нашите навивачи, кои уште еднаш покажаа дека се најдобрите на светот.

Во овие тешки моменти, нашите мисли се со семејствата на настраданите во големата трагедија во која животот го загубија многу млади луѓе.

Како знак на поддршка и солидарност, сакам да најавам дека приходот од влезниците за нашиот следен натпревар против Велс ќе биде дониран за повредените и семејствата на загинатите.

– Ова е време кога фудбалот покажува дека е повеќе од игра – фудбалот и репрезентацијата обединуваат и помагаат.

Да продолжиме заедно, со срце и со верба за Македонија.

– Се гледаме во вторник на Националната арена, за јавноста истакна првиот човек на ФФМ, г-дин Масар Омерагиќ, после победата во гости на нашата селекција против Лихтенштајн од 0:3.

Почетните 11. на Македонија против Лихтенштајн

#НапредМакедонија 🇲🇰
#ГордиПодСонцето ☀️
#ХрабриВоСрцето 🇲🇰