Денеска (16.08.2022) полициски службеници од СВР Скопје ја лишија од слобода С.С. од Скопје, набрзо по добиена пријава околу 11.30 часот дека одземала бебе од Ѓ.М., која, спореед пријавеното, бебето го оставила пред маркет во Градски трговски центар во Скопје. Детето и С.С. се пронајдени на територија на Ѓорче Петров и С.С. е приведена во полициска станица.

Веднаш по добиената пријава преземени се соодветни мерки и активности од страна на полициски службеници и известен е јавен обвинител. Извршен е разговор со сопругот на пријавителката, како и со возачот на такси возилото со кое С.С. заминала кон Ѓорче Петров. Против С.С. ќе биде поднесена кривична пријава до надлежното обвинителство и таа по брза постапка ќе биде изнесена пред надлежен судија.

Извор: МВР

Министерството за внатрешни работи во текот на вчерашниот ден (31.07.2022) продолжи со засилените акциски контроли во областа на сообраќајот.

На територија на град Скопје изречени се вкупно 136 мерки, меѓу кои за возење повеќе од дозволената брзина 65 санкции, 16 мерки за прекршоци што ги прават возачите на мотоцикли, 14 санкции за возење без возачка дозвола.

Изречени се седум мерки за нерегистрирани возила, шест санкции за возење под дејство на алкохол, пет мерки за возач почетник, три санкции за технички неисправни возила во јавниот превоз…

Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, известуваат од СВР Скопје

Во моментов нашата екипа присуствува на Меморијалниот годишен настан во чест на прерано починатата, почитувана Марија Михајловска, која за жал ја загуби најважната битка пред шест години.

Организацијата ја предводат блиски пријатели веќе втора година по ред и гламурозен организираат настан во нејзина чест. 🎶

Како што истакнуваат Марија беше љубител на моторите, музиката, пишаниот збор. Беше вистински пријател кој никогаш не изостави да придонесе за општина Ѓорче.

Агендата ја започнаа со утринкса крводарителска акција во Дом на Културата – Ѓорче Петров, потоа мото дефиле од ул. Борис Сарафов (Ѓорче Петров) – бул. Партизански Одреди – ул. Даме Груев – ул. Димитрије Чуповски – ул. Митрополит Теодосиј Гологанов – Парк Ѓорче Петров 🏍️

Додека за музичката програма веќе се грижат:

🎤 Life Wire
🎤 Beni Shaqiri
🎤 Jovche Pandev & Friends
🎤 Stojne Nikolova & Dynamic Band

Средствата собрани од продажба на пијалаците се наменети за донација за малата Ника Стојановска, која има дијагноза – Таласемија и ѝ е потребно пресадување на матични клетки во Турција. 🆘

Помагатели на овој настан се:

Општина Ѓорче Петров
Некст принт
Бистра Вода
Кафе Рузвелт
ProCam Production

ВИДЕО од пристигнувањето на моторџиите кои буквално го свртија цело Скопје во чест на Марија, предводени од нашите пријатели Љупчо Цветановски, Ленин Јовановски и останатите членови од мото клубовите.