Кичево
(ФОТО) На влез во Кичево предмалку се случила тешка сообраќајка, има повредени
Пред неколку минути тешка сообраќајна несреќа се случила на регионалниот пат Кичево-Охрид, во непосредна близина на нас. Горица.
Несреќата се случила помеѓу пмв. Шевролет Калос со скопски регистарски ознаки и тмв. превозно комби Мерцедес со кумановски регистарски ознаки.
Од она што може да се констатира, причинета е материјална штета, додека екипи на Медицинска помош од Кичево брзо и професионално интервенирале на терен, пренесени се учесниците во сообраќајката во Медицинскиот Центар – Кичево на укажување лекарска помош.

Моментално ОВР Кичево врши увид и сообраќајот се одвива наизменично по една коловозна лента, на терен е излезен и Јавен Обвинител.
За здравјето на учесниците, немаме официјални информации.
– Граѓаните кои живеат во близина за Порта.мк истакнаа дека станува збор за силна детонација, односно ударот силно одекнал во близина на местото.
* Инаку за случајност, екипа на Медицински центар Струга се враќала на работа од интервенција поаѓајќи преку Кичево, така што на местото на настанот дополнително пружила помош, што е за секоја почит и за овие здравствени работници.
Повеќе очекуваме во дневниот билтен за медиуми од СВР Охрид, во текот на утрешниот ден.
* Апел за големо внимание и придржување на поставената патна сигнализација и почитување на истата, напомена оваа делница за време на викенд и во лето е многу фрекфентна.
****
Инфо од СВР Охрид добиено денес 03.11 кое гласи:
На 02.11.2024 година во 14.40 часот во Полициската станица Кичево било пријавено дека на магистралниот пат А2, Кичево-Охрид, се случила сообраќајна несреќа помеѓу патничко возило „Шевролет калос“ со скопски регистарски ознаки, управувано од В.С.(53) од Скопје и товарно возило марка „Мерцедес“ со кумановски регистарски ознаки, управувано од М.А.(29) од село Лојане, кумановско, во сопственост на Б.А. Во несреќата со тешки телесни повреди се здобиле возачот на товарното возило М.А. и двајца сопатници од патничкото возило – З.С.(63) и Р.П.(55) двајцата од Скопје, додека пак со телесни повреди се здобила В.С. која го управувала патничкото возило и сопатничка од товарното возило Н.А.(26) од село Липково, кумановско, констатирани во Медицинскиот центар во Кичево. Извршен бил увид од јавен обвинител и увидна екипа од ОВР Кичево.
Кичево
(ФОТО) Вчера во Кичево во преполна сала и одличен амбиент се одржа првиот хуманитарен концерт на „Македонски Завет“ и „Патриотско Друштво“
Во рамки на вчерашниот ден Патриотско Здружение „Македонски Завет“ од Кичево и Патриотското Друштво во НУЦК „Кочо Рацин“ – Кичево организираа хуманитарен концерт наречен „Чување на традицијата и негување на Културното наследство“, во соработка со „Црвен Крст“, Кичево
Концертот беше збогатен со многу музика, оро и родољубиви песни, а настапуваа културно-уметничките друштва од Кичево и естрадните уменици, додека бендот кој беше задолжен за комплетната програма беше група „ЕТНУМ“.
Да ги позравиме уште еднаш учесниците: КУД Бисер Кичево, КУД Нико Пусоски Кичево, КУД Младост Кичево, КУД Кочо Рацин Кичево, Христијан Трајаноски, Дарко Стојаноски, Методија Столески, Софија Пуровска, Анастасиа Митровска, Мирослав Мирчески, Михајло Данилоски, Лука Лазарески, Христијан Тришоски
Да потсетиме, средствата од концертот, ќе бидат донирани на социјални и ранливи семејства во соработка со „Црвен Крст“ Кичево, во предновогодишниот период. Мотото и целта на овој проект беше реализација на Патриотско Здружение „Македонски Завет“ – Кичево е да помогне на тие на кои сме им најпотребни и да им ги удостоиме новогодишните и Божикни празници, со хумана донација. Патриотски е да бидеме хумани.
Благодарни што сме дел од овој хуман настан, ние и понатаму ќе продолжиме да даваме максимална поддршка за хуманитарните настани било каде во државата, па и Кичево.
Преку нашиот објектив, Ви го пренесуваме настанот во целост:
Кичево
Кичевски „ЈКП Комуналец“ ги засука ракавите за почисто и поубаво Кичево во пресрет на новогодишните празници
Според она што граѓаните на град Кичево можат да го видат, повеќе од евидентно е дека „ЈКП Комуналец“ – Кичево ја стартува една од најглавните мисии за почисто и поубаво Кичево. Имено, деновиве сме сведоци на една обемна еколошка експанзија низ кичевските улици, речни корита, булевари и френкфентни сообраќајници, каде вработените спроведуваат еко-акција речиси секој ден, во зависност од временските услови, се разбира.
– Да, токму така, се работи на терен, но еве ја користам оваа прилика, да ги охрабриме сите граѓаните да ја поддржат нашата мисија и заеднички да придонесеме за почисто и поубаво Кичево, затоа што тоа ни оди во прилог на сите граѓани без разлика на нашиот етникум, сите сме граѓани на овој град. Во соработка со Општина Кичево и градоначалникот Д-р Александар Јовановски сме во активна комуникација и максимална соработка во служба на граѓаните. Кичевчани во иднина ќе бидат сведоци на одлични вести со по чиста и по здрава средина за живеење, на кратко за Порта.мк истакна новиот директор на установата, г-дин Бојан Стојкоски
Кичево
ОВР Кичево поднесе кривична за лице од скопско, најдена банкарска картичка употребил за купување на производи
ОВР Кичево поднесе кривична пријава против Ќ.И. (47) од скопското село Палиград, поради постоење основи на сомнение за сторено кривично дело „оштетување и неовластено навлегување во компјутерски систем“.
Тој, на 09.10.2025 со намера да се стекне со противправна имотна корист, неовластено ја искористил изгубената платежна картичка на лице од Кичево и во два наврати, во продажни објекти во Кичево, извршил наплата.
По преземени мерки, тој е пронајден и приведен во полициска станица, соопшти портпаролот на СВР Охрид, Стефан Димоски.
-
Кичево2 часа(ФОТО) Вчера во Кичево во преполна сала и одличен амбиент се одржа првиот хуманитарен концерт на „Македонски Завет“ и „Патриотско Друштво“
-
Хороскоп2 денаХороскоп за сабота (29 ноември)
-
Хороскоп18 часаХороскоп за недела (30 ноември)
-
Спорт1 ден(ФОТО) „ФК Напредок“ и официјално со победа го заврши есенскиот дел од натпреварите против екипата на „ФК Ренова“ на гостински терен
-
Свет2 денаРуските власти предупредуваат дека целосно ќе ја блокираат апликацијата за пораки „WhatsApp“
-
Македонија1 денСпречен канал на илегално внесување на ловечка муниција на Граничен премин Стар Дојран, лишени од слобода три лица
-
Здравје и убавина1 ден„Солта“ го подобрува вкусот на храната, но истовремено има силно влијание врз организмот ако ја користиме прекумерно
-
Спорт24 часаМакедонската женска фудбалска репрезентација до 19 години со втора победа на турнирот за ЕП





















































































































