Lifestyle
На запад од Европа никогаш немало помалку снег од сега, експертите се сериозно загрижени

Загриженоста за сушата расте во Западна Европа бидејќи мерењата на снежните наноси низ Алпите покажуваат само дел од нормалната акумулација за овој период од годината, а врнежите во земји како Италија и Франција се исто така многу ниски во февруари.
Франција, Швајцарија, Италија и делови од Австрија забележаа многу помалку снег од просекот, изјави метеорологот Клаус Хаслингер од GeoSphere Austria, државната метеоролошка служба.
Во Италија, непрофитната еколошка организација Легамбиенте предупредува дека во последните месеци на италијанските Алпи паднал 53 отсто помалку снег од долгорочниот просек.
Проблемот не е само недостатокот на снег, туку и отсуството на дожд.
Во сливот на реката По, која се движи низ северна Италија, врнежите се за 61 отсто помали од историскиот просек, покажуваат податоците.
Во Франција, по неколку последователни недели без дожд, се стравува од второ последователно суво лето и ограничување на водата.
Системите со висок притисок над западна Европа ги туркаат дождовните фронтови, што доведува до слаби врнежи.
Ова не е првпат вакви временски услови да предизвикаат години со екстремно слаби врнежи, истакна Хаслингер.
Пред шеесет години, рече тој, имаше период на суво време кое траеше неколку години поради специфичната распределба на температурите на копно и на море.
Потоа нивото на Дунав падна на рекордно ниво, изјави метеорологот.
Хаслингер рече дека постојат докази дека глобалното затоплување ги фаворизира таквите температурни обрасци, што ги прави условите за суша почести во годините што доаѓаат.
„Ако пролетното време е слично на 2022 година, сушата ќе стане уште полоша“, предупреди Јозеф Ајцингер, земјоделски метеоролог на Универзитетот за природни ресурси и животни науки во Виена.
Станува јасно дека реките ќе носат многу помалку топена вода од планините оваа година, што е исто така клучно за обновување на подземните води, рече тој.
Во Франција, според податоците од националниот систем за следење на водите, од 422 набљудувани подземни води, 125 се веќе на многу ниско ниво, 120 на ниско ниво, а 97 на умерено ниско ниво.
Светски познатите венецијански канали исто така пресушија, многу гондоли лежат во калта, а помалите канали веќе не можат да се пловат.
За време на осеката неодамна беше измерен нивото на водата од минус 65 сантиметри.
Цела северна Италија страда. Според весникот La Repubblica, по еден месец без дожд во италијанската „долина на храна“ во регионот Емилија-Ромањи, постои ризик од 40 отсто пад на националното производство на храна.
Lifestyle
Кој пијалок е поштетен за здравјето: пивото или газираните сокови?

Во потрагата по освежување, многумина често посегнуваат по пиво или газирани сокови, без да размислат за нивното долгорочно влијание врз здравјето. Иако повремената консумација не е опасна, честото и прекумерното пиење може да има сериозни последици.
Газирани сокови – шеќерна стапица
-
Содржат големи количини шеќер, конзерванси и вештачки засладувачи.
-
Зголемуваат ризик од:
-
дебелина
-
дијабетес тип 2
-
срцеви заболувања
-
-
Негативно влијаат на забите, предизвикувајќи кариес и оштетување на глеѓта.
Пиво – алкохол кој не е безопасен
-
Содржи алкохол, кој може да предизвика:
-
проблеми со црниот дроб
-
зголемен ризик од кардиоваскуларни заболувања
-
развој на зависност
-
-
Иако има помал процент на алкохол од жестоките пијалоци, често се консумира во поголеми количини, што дополнително го оптоварува телото.
Умереноста е клучот
-
Повремената консумација на пиво или газирани пијалоци генерално не е проблем.
-
За долгорочно здравје, се препорачува:
-
умерено пиење
-
замена со поздрави опции: вода, минерална вода, природни сокови без шеќер.
-
Извор: RadioSA
Lifestyle
Дали заспивате со мобилен телефон? Ова може сериозно да му наштети на вашето здравје

Научните истражувања откриваат нешто загрижувачко: вештачката светлина навечер може да го наруши биолошкиот часовник и да го зголеми ризикот од дијабетес тип 2, артериска хипертензија и дебелина.
Сè повеќе луѓе стануваат зависни од своите паметни телефони – тие се како продолжена рака. Но токму користењето телефон пред спиење е најголемиот проблем.
Зошто е опасна сината светлина?
Докторите предупредуваат: изложеноста на сината светлина од екранот пред спиење може да предизвика:
-
нарушување на хормонот мелатонин
-
намалување на времетраењето на сонот
-
појава на нарушувања на спиењето
Иако сината светлина директно не предизвикува дијабетес, експертите објаснуваат дека може да биде значаен ризик фактор за развој на болеста.
Што велат експертите?
Горана Мирошевиќ, раководител на Институтот за ендокринологија, дијабетес и метаболички заболувања, посочува дека дијабетесот тип 2 може да настане од повеќе фактори: наследност, возраст, хормонални нарушувања кај жени, прекумерна телесна маса и седентарен начин на живот.
Таа додава дека сината светлина влијае на намалување на мелатонинот и на лош квалитет на спиењето, што индиректно го зголемува ризикот.
Што покажуваат студиите?
Минатата година во списанието „Лансет“ беше објавена студија со 85.000 учесници, која траела дури девет години. Анализирани биле повеќе од 13 милиони часови податоци преку светлосни сензори. Резултатите потврдија: луѓето кои ноќе биле повеќе изложени на вештачка светлина имале зголемен ризик од дијабетес.
Последици и други болести
Според Зринка Мах од Хрватското друштво за хронични болести, изложеноста на вештачка светлина ноќе е директно поврзана со појава на хронични незаразни болести.
Недостатокот на сон не носи само дијабетес и дебелина, туку и:
-
депресија
-
малигни заболувања
-
намалено лачење на хормони
Истражувањата потврдуваат едно: колку е поголемо изложувањето на светлина ноќе, толку е поголем ризикот по здравјето.
Извор: tportal
Lifestyle
Појадувајте здраво во канцеларија: брз рецепт за 5 минути

Долг ден во канцеларија секогаш бара паметен и хранлив почеток. Ако утрото ви е хаотично, а сепак сакате да останете верни на здравите навики, овој рецепт е вистински спас – готов е за само пет минути. Идеален е за сите кои трчаат по време, но сакаат енергија за целиот ден.
Состојки за здрав канцелариски појадок
• 3 лажици житни култури
• 1 лажица путер од бадеми – кремаст и хранлив
• 1 лажица мед (по желба, за сладок шмек)
• ½ ситно сечкано киви
• ½ ситно сечкано јаболко
За финалниот „допир“ одозгора:
• 3 лажици јогурт од бадеми – мек и кремаст
• Листови од зелено јаболко за свежина и крцкавост
• Неколку ф’стаци за луксузен шмек и текстура
• Сушени бобинки (боровинки или суво грозје) за совршена рамнотежа
Како да го подготвите?
• Измешајте ги сите состојки во сад.
• Додајте го јогуртот, јаболковите листови, ф’стаците и сушеното овошје како топинг.
• Уживајте веднаш или спакувајте го и понесете го во канцеларија.
Заклучок
Со само пет минути и малку добра волја, вашиот ден може да започне на највкусниот и најздрав начин. Без изговори за прескокнување појадок – овој рецепт е лесен, енергетски и идеален за секое утро.
Извор: B92
-
Кичево2 дена
Поради одржување на атлетска трка во Кичево, во недела следните улици и делови на градот ќе бидат затворени за сообраќај
-
Хороскоп1 ден
Хороскоп за сабота (6 септември)
-
Македонија1 ден
Од една до друга патарина на патен правец Гостивар-Тетово, ќе се изведуваат градежни работи со времетраење од две седмици
-
Автомобили2 дена
Десетте најпродавани автомобили во Европа во 2025 година
-
Магазин2 дена
Тајната на вистинскиот италијански болоњезе сос
-
Хороскоп36 минути
Хороскоп за недела (7 септември)