Почитувани кичевчани, чест и задоволство ни е да ве информираме дека и оваа година продолжува традицијата по повод именденот на нашата Православна црква „Св.Апостоли Петар и Павле“, со тоа што по 10-ти јубилеен пат, односно 10 години по ред – ќе се одржи мирна мото-парада или мото дефиле“ низ кичевските улици.

Sv.Petar_i_Pavle-porta

Настанот ќе се реализира во петок 12.07.24 со почеток од 19:00 часот од „Полигон“ во непосредна близина на Железничката станица, а завршната рута е предвидена пред самиот храм.

Потврдете го вашето присуство на официјалниот facebook настан ТУКА

Вечна традиција, бидете дел!

Во прилог ланската мото-парада, лето господово 2023г.

На 04.07.2024 година од 17.00 до 23.00 часот, при извршени сообраќајни контроли на подрачјето на Струга и Кичево, полициските службеници затекнале 34 возачи кои управувале моторни возила со брзина поголема од дозволената (Струга-12, Кичево-22).

Истиот ден 04.07.2024 година во 12.00 часот на магистралниот пат Гостивар-Кичево, на планинскиот превој „Стража“, патничко возило „опел корса“, со скопски регистарски ознаки, што го управувала С.Г.(38) од Охрид, удрило во пешакот Б.П.(22) од Скопје. Во несреќата пешакот се здобил со тешки телесни повреди, констатирани во Општата болница во Гостивар. Увид на местото на несреќата извршија полициски екипи.

Со цел зголемена сообраќајна безбедност, апелираме до возачите совесно и внимателно да ги управуваат своите моторни возила и да не ја надминуваат дозволената брзина спрема условите и состојбите на патот, за медиумите и Порта.мк известува портпаролот на СВР Охрид, Стефан Димоски.

Во месецот кога се празнуваат светите првоврховни Апостоли Петар и Павле, а и Соборот на светите Апостоли, чествувајќи го хорот на овие толку важни свети мажи, коишто Го запознаа Бога, станаа Негови ученици и поверуваа во Него толку, така што беа повикани да го продолжат Неговото спасително дело на земјата, и поради особената радост како слава и главен празник на нашиот град, Здружението „Митрополит Козма Пречистански“ ги повикува сите млади (до 18години) да ги достават своите ликовни и поетски творби во соборниот храм на градот Кичево „Свети Петар и Павле“.

ТЕМА на Ликовен конкурс е: „Светите Дванаесет Апостоли во. Православната уметност“.

ТЕМА пак на поетскиот конкурс е: „Ликот и делото на светите Дванаесет Апостоли“.

Цртежите и поемите треба да бидат оригинални, плод на трудот и знаењето на најмладите. Секој ученик кој сака да учествува, може да испрати само еден индивидуален авторски ликовен и поетски труд (со име, презиме и возраст). Стиловите се отворени, важно е да е само во склад со темата.

Рокот за доставување на уметничките и поетски дела е најдоцна до 10.07.2024г.

Најубавите поеми ќе бидат прочитани за време на Духовната Академија, веднаш после светата Литургија во дворот на храмот „Свети Петар и Павле“ 09:30ч, а најубавите цртежи ќе бидат изложени на Ликовната Изложба на градскиот Плоштад во Кичево, пред Домот за Култура „Кочо Рацин“, на 13.07.2024г. Сабота, 10:30ч. веднаш после светата Литургија и свечената Духовна Академија, и каде мноштво народ ќе има можност да ги види, а сите творби ќе бидат објавени на официјалната страна на Хорот „Митрополит Козма Пречистански“.

Здружението „Митрополит Козма Пречистански“ ги охрабрува најмладите да учествуваат на ликовниот конкурс, да ја покажат својата креативност преку визуелизација на своите уметнички дарови од Бога и преку тоа подобро да се запознаат со ликовите и делото на светите Апостоли.