Временска прогноза
Најава за снежени врнежи следната недела

Како што веќе кажавме, утре ќе имаме променливо облачно и релативно суво време, додека од петок и тоа под влијание на влажен воздушен бран ќе има повремени врнежи од дожд.
Поинтензивни врнежи ќе има особено во западните предели, додека на повисоките планини врнежите ќе бидат од снег.
Од петок исто така ќе дува и умерен до засилен ветер од јужен и од југоисточен правец. Температурите ќе се искачуваат во интервалот од 8 до 13 степени, додека за време на викендот, и тоа поради јужното воздушно струење истите ќе бидат повисоки и ќе се искачуваат во интервалот од 12 до 17 степени.
И во Скопскиот регион утре ќе се задржи променливо облачно и релативно суво време, додека од петок па за време на викендот ќе има услови за повремени врнежи од дожд. Од петок исто така ќе дува и умерен, повремено засилен ветер од јужен и од југоисточен правец. Максималните температури ќе се искачуваат во интервалот од 10 до 14 степени.
РАНА НЕОФИЦИЈАЛНА НАЈАВА: Наскоро конечно планинските места, како и скијачките центри би можеле да добијат значителни врнежи од СНЕГ, и тоа на самиот крај од овој, и почетокот на следниот месец, поточно кажано следната седмица. Има можност снежната граница да се спушти и на помала надморска височина. СОСТОЈБАТА ПОНАТАМУ ПОСТОЈАНО ЌЕ СЕ СЛЕДИ И ГРАЃАНИТЕ НАВРЕМЕНО ЌЕ БИДАТ ИНФОРМИРАНИ ЗА СЕКОЈА НОВО – НАСТАНАТА СОСТОЈБА.
/Славчо Попоски
Временска прогноза
Од денес повторно се враќа периодот на суво и стабилно време со пролетни температури…

Од денес па натаму повторно продолжува периодот на стабилно, суво и претежно сончево време со пролетни температури кој насекаде ќе надминуваат 15 степени, додека во најтоплите централни и југоисточни предели истите ќе се искачат до 23 степени.
Временска прогноза
Продор на влажен воздушен бран од запад утре ќе донесе поинтензивни врнежи од дожд во Македонија!

До крајот на денов времето во Македонија ќе се задржи стабилно, суво и сончево со мала до умерена локална облачност. Температурите остануваат ПРОЛЕТНИ и на повеќе места ќе надминуваат 15 степени, додека во најтоплите централни и југоисточни предели истите ќе се искачат и до околу, па и малку над 20 степени.
Под влијание на влажен воздушен бран од запад, утре ќе имаме претежно облачно време со повремени врнежи од дожд. Врнежите ПОИНТЕНЗИВНИ ќе бидат попладнето и вечерта кога локално ќе наврнат над 20 л/м2 воден талог. Врнежи од снег попладнето и вечерта ќе има само на највисоките планински предели (над 1800 м.н.в).
Во Скопје и околината исто така утре ќе има повремени врнежи од дожд, особено попладнето и вечерта.
Потоа од среда па натаму ќе продолжи периодот на стабилно, суво, сончево и ПРОЛЕТНО ТОПЛО време, кога температурите ќе се искачуваат до 23 степени.
Автор: Славчо Попоски
Временска прогноза
Периодот сè повеќе сонце со исклучок на овие денови..

Во Македонија продолжува периодот на стабилно, суво и претежно сончево време. Ќе биде и ЗНАЧИТЕЛНО ПОТОПЛО преку ден и тоа поради продорот на ТОПЛА воздушна маса од југ.
Преку ден максималните дневни температури на воздухот ќе се искачуваат во интервалот од 14 до 20 степени, а во најтоплите централни и југоисточни предели температурата ќе се искачи до околу 22 степени.
Преодно зголемување на облачноста ќе има во вторник попладне и во текот на ноќта кон среда и на повеќе места ќе има повремени врнежи од дожд. Потоа повторно следува претежно стабилно и суво време.
Во Скопје и околината ќе имаме слично време.
Пишува Славчо Попоски.
-
Кичево13 часа
Тешка сообраќајка предмалку била случена на излез од град Кичево према Македонски Брод
-
Хороскоп1 ден
Хороскоп за вторник (21 март)
-
Кичево2 дена
Вчера во Кичево настанал пожар во зграда, каде за среќа нема повредени, интервенирала ТППЕ
-
Кичево10 часа
(ФОТО) Дечињата од кичевското ООУ Др „Владимир Полежиноски“ со цветни бомби ја најавија пролетта
-
Хороскоп5 часа
Хороскоп за среда (22 март)
-
Македонија2 дена
Од ноќеска нова намалена цена на горивата, кај авто-плинот сè уште нема промени..
-
Спорт1 ден
(ВИДЕО) Сејдини и Масев ги пречекаа Адеми и Ристовски, кои од вечерва се приклучуваат на А тимот за првиот предизвик в четврток
-
Временска прогноза1 ден
Продор на влажен воздушен бран од запад утре ќе донесе поинтензивни врнежи од дожд во Македонија!