Временска прогноза
Најнови детали за временската прогноза до крај на денот и викендот пред нас..

Под влијание на влажна и нестабилна воздушна маса од северозапад денес времето ќе биде променливо облачно и нестабилно со локална појава на пороен дожд, грмежи и засилен ветер. Локално ќе има услови атмосферските процеси да бидат ПОИНТЕНЗИВНИ и застапени во форма на НЕВРЕМЕ, проследено со обилен пороен дожд за кратко време, силен ветер, електрични празнења и со појава на град. Максималните температури ќе се искачуваат во интервалот од 28 до 36 степени.
И во Скопскиот регион ќе биде променливо облачно и нестабилно со локална појава на пороен дожд, грмежи, засилен ветер и услови за локална појава на град. Максималната температура ќе се искачи до околу 30 степени.
И утре времето ќе се задржи променливо облачно со повремен локален дожд. Локално ќе биде нестабилно со пороен дожд, грмежи, засилен ветер и услови за локална појава на КРАТКОТРАЈНО НЕВРЕМЕ. Особено во западните предели ќе дува умерен, повремено засилен ветер од западен и од југозападен правец. Максималните температури ќе бидат нешто пониски и ќе се искачуваат во интервалот од 25 до 33 степени. Во Скопје температурата ќе се искачи до околу 28 степени.
ПРЕДУПРЕДУВАЊЕ: Во случај на појава на електрични празнења, да не се претстојува на отворен простор и под осамени дрвја. Исто така во случај на појава на силен ветер граѓаните своите автомобили да ги држат подалеку од дрвјата, со цел да не дојде до непосакувана штета.
Потоа во петок, па за време на викендот ќе имаме претежно стабилно, суво и сончево време со умерена локална облачност. Локално сепак не се исклучува можноста за појава на краткотраен дожд и ретки грмежи. Ќе дува слаб до умерен ветер од јужен и од југозападен правец и истиот повремено ќе засилува на интензитет. Температурите ќе се искачуваат во интервалот од 28 до 36 степени, а УВ ИНДЕКСОТ ќе има ВИСОКА вредност (коефициент 7).
Во Скопје и околината од петок, па за време на викендот ќе имаме претежно стабилно и суво време со максимални температури кој ќе се искачуваат во интервалот од 30 до 32 степени.
Хост: Славчо Попоски (Метеоаларм)
Временска прогноза
Попоски предмалку истакна важни информации околу временската состојба

Во текот на оваа ноќ територијата на Република Македонија ќе биде зафатена од уште една голема влажна и нестабилна воздушна маса од запад која ќе услови поројни врнежи од дожд, грмежи и засилен ветер во зоната на нестабилност. Локално ќе наврне позначително количество на воден талог за кратко време (нови над 20 литри дожд на метар квадратен).
Локално пак повторно ќе има појава на невреме проследено со обилен пороен дожд кој може да усалови локални поројни поплавувања, силен ветер, електрични празнења и со појава на град.
И во Скопје и околината оваа ноќ ќе има нови врнежи, грмежи, засилен ветер и услови за појава на невреме.
Температурите ќе бележат понатамошно опаѓање и ќе бидат пониски дури и за повеќе од 10 степени во споредба од оние температури кои ги имавме до денес напладне, предмалку истакна Славчо Попоски
Временска прогноза
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…

Под влијание на влажна и на нестабилна воздушна маса која е поврзана со циклонска активност со центар над Џеновскиот залив, утре (сабота 30 август) како и во текот на ноќта кон недела (31 август) времето во Македонија ќе биде променливо и нестабилно на повеќе места со пороен дожд, грмежи и со засилен ветер. Локално ќе има услови и за појава на невреме, проследено со силен ветер и со услови за појава на град.
И во Скопје и околината во погоре споменатиот период времето ќе биде променливо и нестабилно со повремен пороен дожд, грмежи, засилен ветер и со услови за појава на невреме во делови од котлината. Утре (сабота 30 август) повремено ќе дува засилен ветер од јужен и од југозападен правец, додека во текот на ноќта кон недела (31 август) и особено во Повардарието ќе дува засилен ветер од северен правец.
Што се однесува до температурите, тие во недела (31 август) ќе бидат во опаѓање и максималните дневни температури во недела ќе се искачуваат во интервалот од 24 до 31 степен, што значи дека во недела (31 август) ќе бидеме под влијание на посвежа воздушна маса од север, пишува Славчо Попоски
Временска прогноза
Прекрасна вест, топлото време продолжува, додека на утро останува да биде посвежо

Под влијание на стабилна, сува и топла воздушна маса од југ, односно од Африка, од денес (среда 27 август) до петок (29 август) времето во Република Македонија ќе биде сончево и значително потопло преку ден со мала до умерена локална облачност. Ќе дува слаб до умерен ветер претежно од јужен правец.
Што се однесува до температурите, тие во најголем дел од Македонија ќе надминуваат 30 степени, а во Повардарието како и во југоисточните предели температурите локално ќе надминуваат и 35 степени. Во Скопје и околината исто така во погоре споменатиот период температурата ќе се искачува до околу или пак ќе надминува 35 степени, а времето ќе биде сончево со мала до умерена локална облачност и со слаб до умерен ветер претежно од јужен правец.
Наутро пак останува релативно свежо времето со минимални температури кои ќе се спуштаат во интервалот од 7 до 17 степени. Во Скопје и околината наутро температурата ќе се спушта во интервалот помеѓу 12 и 14 степени.
Да напоменам дека разликата помеѓу минималните утрински и максималните дневни температруи на воздухот во следните неколку денови ќе биде огромна (и за повеќе од 20 степени ќе биде разликата деновиве помеѓу истите). Токму поради ова, особено метеопатите ќе ја почувстуваат позначително оваа огромна разлика на температурите, тоа значи дека кај истите се можни поголеми здравствени проблеми.
Промена на времето проследна со развој на нестабилност, локален пороен дожд, грмежи, ветер и пад на температурите ќе имаме за време на викендот (сабота и недела 30/31 август) кога ќе има услови и за локална појава на невреме. Детална метео анализа околу оваа промена на времето следува во следните мои метео објави, утрово истакна метеорологот Славчо Попоски
-
Кичево9 часа
(ФОТО) Во близина на с.Зајас кичевско, тешко товарно возило излетало од коловоз
-
Хороскоп1 ден
Хороскоп за сабота (30 август)
-
Кичево2 дена
Сечесниот празник на Успението на Пресвета Богородица се прослави со сеноќно бдение во нејзиниот кичевски величествен храм
-
Временска прогноза2 дена
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…
-
Хороскоп4 часа
Хороскоп за недела (31 август)
-
Lifestyle2 дена
Дали заспивате со мобилен телефон? Ова може сериозно да му наштети на вашето здравје
-
Lifestyle2 дена
Појадувајте здраво во канцеларија: брз рецепт за 5 минути
-
Временска прогноза3 часа
Попоски предмалку истакна важни информации околу временската состојба