Денес на 50 годишна возраст почина познатиот американски рапер „DMX“, откако беше задржан на апарати една седмица. Тој претрпе срцев удар минатата недела по наводно предозирање, како што потврди неговиот адвокат Мареј Ричман.

Иако во неделата можеше да дише самостојно, тој ја загуби битката денес

Почивај во мир!

Rest In Peace to a cultural icon. There are no words that can mend the loss the hip-hop community felt today 🕊 #RIPDMX pic.twitter.com/IJdXqfwMJO

— T.I. (@Tip) April 9, 2021

ФОТО: nme

Во Бразил, границата од 4.000 смртни случаи од коронавирус за еден ден беше надмината за прв пат, со пријавени 4.195 смртни случаи во последните 24 часа, според новиот биланс на Министерството за здравство.

Како што соопшти Министерството во текот на претходната ноќ, досега вкупно 336.947 лица починале од ковид, а Бразил, со повеќе од 210 милиони жители, е втор во светот, по САД, по бројот на смртни случаи како резултат на вирус.

Бразил е исто така втор во светот по бројот на заразени, со повеќе од 13 милиони потврдени случаи на инфекција, 86.979 во последните 24 часа.

Пандемијата се чини дека целосно излезе од контрола во таа најголема латиноамериканска земја, каде црните рекорди паѓаат од ден на ден во последните неколку недели.

Досега, во Бразил евидентирани повеќе од 13 милиони случаи на коронавирус, соопшти Министерството за здравство. Околу 66.570 луѓе починаа од ковид-19 во март, што е двојно повеќе отколку што покажа претходниот месечен црн рекорд.

За само шест дена во април, биле забележани повеќе од 15.000 смртни случаи, во просек по 2.757 на ден.

Болниците се преполни, луѓето умираат додека чекаат на лекување во некои градови, а здравствениот систем е пред колапс во многу области, пренесува Би-Би-Си. Претседателот Жаир Болсонаро продолжува да се спротивставува на какви било мерки на заклучување за да се спречи ширењето на инфекцијата, според Би-Би-Си. Тој верува дека штетата врз економијата ќе биде полоша од последиците од самиот вирус и се обиде да укине некои од ограничувањата наметнати од локалните власти во судовите.

Повеќе од 662 илјади новоинфицирани луѓе со Ковид-19 се регистрирани во светот, вкупно 129,9 милиони од почетокот на пандемијата, објавено е во последниот билтен на Светската здравствена организација (СЗО).

Вкупниот број на мртви е зголемен за 24 часа од последниот извештај на СЗО за уште 11.300 и изнесува вкупно над 2,83 милиони од почетокот на пандемијата, пренесува Ројтерс.

Во Европа, повеќе од 37 проценти од новозаболените лица се регистрирани во последните 24 часа, односно над 251 илјади, во Северна и Јужна Америка 241 илјади, а во Југоисточна Азија скоро 102 илјади.

Индивидуално по земја, најмногу потврдени случаи од почетокот на пандемијата се регистрирани во САД – 30,2 милиони, потоа во Бразил 12,84 милиони, во Индија 12,3 милиони, во Франција 4,6 милиони, во Русија 4,5 милиони, во Велика Британија 4,3 милиони, Италија 3,6 милиони, Турција 3,4 милиони, Шпанија 3,2 милиони, Германија 2,8 милиони, во Колумбија 2,417 милиони и во Полска 2,415 милиони, според СЗО.