Кичево
(ФОТО) На среќата и нема крај, г-ѓа Милица од Кичево на 93 години се избори со Ковид-19, благодарност до сите медицински лица..

И не е се така сиво, денеска од Ковид центарот на Општата Болница – Кичево беше испишана најстарата пациентка г-ѓа Милица Илијоска родена 1927 година, на свои 93 години се избори со опасниот Ковид-19. Доказ за почитување на лекарства, нега и борба за живот, доведе до најсреќниот момент во нејзиниот живот – да се врати конечно дома, здрава и жива.
Преку нашиот сервис ги пренесуваме сите позитивности и благодарности од нејзината ќерка и внука до целиот медицински персонал, почнувајќи од Д-р Станко Трпески, сите доктори, медицински сестри, негуватели до хигиеничарки за здравствената нега и заштита која била пружена за време на нејзината хоспитализација.
Да си помогнеме и да ги пофалиме медицинските лица кои биле и ќе бидат први на удар, без разлика дали станува збор за пандемија или други случувања, затоа што еден ден по пат на природа сите ќе завршиме некогаш таму, покасно или подоцна. Инфраструктурно се надоградува, но ведрината и позитивната енергија на медицинскиот персонал е друга работа, затоа и од наше лично име бидејќи бевме и ние сведоци на прекрасен персонал д-р Маја, д-р Љупче и останатите медицински лица кои исто така покажаа голема професионалност во гинеколошкото одделение, како и одделот за брза помош, јавно упатуваме благодарност!
Со ❤️ и почит.
Кичево
Исполнети од радоста од Христовото Воскресение „Велигден“ бидете дел на Светол Источен Петок – „Балаклија“ во Манастир Пречиста кичевска – Христос Воскресе!

Исполнети со радоста од славното Христово Воскресение, во овие светли денови ја предвкусуваме вечната радост кон која се стремиме, живеејќи во светлината на Пасхата. Во оваа Воскресна пролет, кога сè околу нас се облекува во бел цветен украс, ни претстои празнување на споменот на Живоносниот Источник на Пресвета Богородица – нашата Царица Небесна.
По тој повод, на 25 април (петок), во нашата света обител Манастир Пресвета Богородица Пречиста ќе се одржи Пасхално богослужбено торжество со следниот распоред:
08:00 – Утрена богослужба
08:30 – Пречек на Владиката
09:00 – Архиерејска Литургија проследена со торжествена литија до местото „Господинец“
На богослуженијата, за наша голема радост ќе претстои нашиот возљубен старец, Епископот Антаниски г. Партениј, кој ќе го излее својот благослов врз сите присутни. Особена чест ни е и присуството на монашките заедници од Бигорската, Рајчичката и Кнежинската обител.
Преку нашиот медиум, секако проследени и од нас ги покануваме сите оние што сакаат заедно со нас да ја споделат оваа пасхална радост во молитвено единство.
Христос Воскресе!
Кичево
На „Пресека“ према Охрид вчера се случила нова сообраќајка, учесниците се здобиле со тешки телесни повреди

На 21.04.2025 во 15.30 часот, на магистралниот пат Кичево-Охрид, кај планинскиот превој „Пресека“, се случила сообраќајна несреќа помеѓу патничко моторно возило „киа“ со скопски регистарски ознаки, управувано од К.Ф.К.Л.(53) од Франција и „шкода“ со кумановски регистарски ознаки, управувано од А.К.(42) од Куманово.
Во несреќата, возачот на возило „киа“ и сопатничката К.К.А.Е. (19) од Франција се здобиле со тешки телесни повреди, додека возачот на возилото „шкода“ и сопатниците С.К.(36) и две малолетни лица, сите од Куманово, се здобиле со телесни повреди, констатирани во болницата „Св.Еразмо“ во Охрид.
Увид на местото на несреќата извршила екипа од ОВР Кичево, информира портпаролот на СВР Охрид, Стефан Димоски.
Кичево
(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници

И оваа господова 2025 година Православните Христијани од речиси сите страни на градот вчера дојдоа во градскиот храм Св.Петар и Павле – Кичево каде присуствуваа на полноќните богослужби по повод христијанскиот празник „Воскресение Христово – Велигден“.
– На наше огромно задоволство оваа година дворот на храмот заштитник на град Кичево беше целосно претесен за сите верници каде традиционално се собраа на соопштување на радосната вест „Христос Воскресна“, од страна на свештениците.
Радост и среќа будат најмладите кои чествуваат и ја негуваат верата, укажувајќи ни уште еднаш за важноста на овој ден и најголем празник!
Ви прилог официјална галерија преку нашиот објектив на Јован Ангелески
Христос воскресна!
-
Кичево1 ден
На „Пресека“ према Охрид вчера се случила нова сообраќајка, учесниците се здобиле со тешки телесни повреди
-
Хороскоп21 час
Хороскоп за среда (23 април)
-
Хороскоп2 дена
Хороскоп за вторник (22 април)
-
Магазин1 ден
В сабота на сцена традиционалниот Велигденски концерт на КУД „Рацин“
-
Култура2 дена
(ФОТО+ВИДЕО) Во Бигорскиот Манастир и оваа година величествена прослава за Воскресение Христово – Света Пасха
-
Култура1 ден
(ВИДЕО) Бигорски Манастир објави видео полно воскресенска радост
-
Македонија1 ден
МВР: 2252 сообраќајни прекршоци во празничниот викенд, 1018 за брзо возење
-
Македонија1 ден
МВР апелира граѓаните да бидат внимателни и да не отвораат сомнителни пораки