Lifestyle
Направете шампон од мед и уживајте во здрава и бујна коса

Во светот на природната убавина, медот се издвојува како клучна состојка за нега на косата. Неговите навлажнувачки својства го прават совршена алтернатива на традиционалните хемиски шампони.
Медот, кој обично го поврзуваме со сладок додаток за чај, сега станува сè попопуларен во нега на косата. Наместо хемиски шампони кои нудат брзи резултати, се повеќе луѓе се свртуваат кон едноставната и ефикасна алтернатива – медот. Благодарение на своите неверојатни својства, медот се претвори во вистинска ѕвезда во рутината за „чиста убавина“, идеален за секој кој сака природен и здрав пристап кон негата на косата.
Мед – повеќе од сладок додаток за чај
Медот не само што е вкусен и здрав за организмот, туку е познат и по своите лековити својства, кои датираат уште од античките цивилизации. Тој помага да се смири воспалението, ја ублажува кашлицата и го забрзува зараснувањето на раните. Во последниве години, неговата употреба во козметиката и негата на косата стана популарна.
Шампоните на база на мед ги освоиле срцата на многу љубители на природна нега поради нивните навлажнувачки, смирувачки и регенеративни својства. Без хемикалии, медот ја прави косата поздрава, похидрирана и сјајна – на сосема природен начин.
Како да направите шампон од мед?
Подготовката на шампон од мед е исклучително едноставна. Се што ви треба се две состојки: мед и вода. Вие може да ја прилагодите количината на вода, во зависност од тоа каква текстура сакате да има шампонот. Процесот е брз и лесен.
Рецепт:
- Во помал сад, измешајте 3 лажички мед со 100 мл млака или ладна вода.
- Добивате благ, течен шампон кој можете веднаш да го употребите.
- Ако сакате погуст шампон, намалете ја количината на вода и користете сооднос од 3 лажички мед на 3 лажички вода.
- Нанесете го шампонот на влажна коса, нежно масирајте го во скалпот и распоредете го по целата должина на косата. Потоа, исплакнете темелно со млака вода за да ги отстраните сите траги од мед. За дополнителна нега, можете да го користите вашиот редовен регенератор или да ја исплакнете косата со мешавина од вода и јаболков оцет за дополнителен сјај.
Зошто медот е добар за косата?
Медот е познат по својата способност да ја задржи влагата во косата, спречувајќи сувост и давајќи природен сјај. Тој функционира како магнет за влага, па е особено корисен за сува и оштетена коса.
Покрај тоа, медот е идеален за сув скалп и првут, бидејќи неговото хидратантно дејство ги смирува иритациите, правејќи ја косата и кожата поздрави. Ако имате чешање или суво скалп, медот може да помогне во ублажување на овие непријатни симптоми.
Медот исто така го стимулира растот на косата. Неговите регенеративни својства ги обновуваат оштетените влакна, зајакнувајќи ги од коренот и спречувајќи ги да се скршат. Исто така, има природно антисептично дејство, што помага во намалувањето на инфекциите на скалпот и во одржувањето на здравјето на косата на долг рок.
Природен мирис кој трае
Друг плус на користењето мед во негата на косата е тоа што по миењето косата задржува пријатен, природен мирис. Без синтетички мириси кои се наоѓаат во комерцијалните шампони, вашата коса ќе мириса свежо и чисто – без потреба од дополнителни производи.
Медот како универзална опција за сите типови коса
Без разлика дали имате кадрава, права, тенка или густа коса, медот е безбеден и ефикасен за сите типови коса. Поради тоа што не содржи парабени, сулфати и други штетни хемикалии, може да се користи без разлика на типот на косата. Ако сакате природна алтернатива на шампоните кои нудат моментални резултати, медот е совршен избор.
Извор: 24Sata
Lifestyle
Најефикасниот начин за отстранување на мувла од ѕидовите, според експертите

Мувлата е чест проблем во домовите, особено во текот на зимата кога во просториите се собира кондензација и влага. Таа најчесто се појавува како темни дамки на ѕидовите, а ако не се реагира навреме, може да предизвика оштетувања и здравствени проблеми. Еве кои се најдобрите начини за ефикасно и трајно отстранување на мувлата, според советите на експертите за чистење.
Зошто се појавува мувлата?
Мувлата најчесто се јавува поради зголемена влажност, недоволна вентилација или продор на вода. Кога воздухот во домот е влажен и нема доволно циркулација, на ѕидовите се создава идеална средина за раст на мувла. Затоа е важно, покрај чистењето, да се најде и реши изворот на влагата.
Бел оцет – природно решение
Еден од најдобрите и најевтините начини за отстранување на мувла е употребата на бел оцет. Тој има природни антисептички својства и ефективно ги уништува спорите на мувлата.
Како се користи:
Измешајте еден дел бел оцет со еден дел вода во шише со распрскувач. Испрскајте ја погодената површина и оставете да делува околу еден час. Потоа избришете со влажна крпа. За поупорни дамки, може да се користи и неразреден оцет.
Многу експерти предупредуваат дека белилото често се користи погрешно, бидејќи го отстранува само горниот слој на мувлата, без да ги уништи спорите во длабочината на ѕидот.
Сода бикарбона – природен антисептик
Содата бикарбона е уште едно безбедно и ефикасно средство. Таа делува како благ антисептик и ја намалува влажноста на површината.
Како се користи:
Измешајте три лажици сода бикарбона со половина литар вода, нанесете на мувлосаната површина, оставете да делува 15 минути, а потоа избришете со сува крпа.
Специјализирани спрејови против мувла
На пазарот постојат и спрејови специјално наменети за уништување на мувла и габи. Тие содржат активни состојки кои продираат во порозните површини и ги уништуваат спорите во коренот.
Како се користат:
Нанесете го спрејот на засегнатото место, оставете неколку минути да делува и избришете со чиста крпа. Секогаш носете ракавици и проветрете ја просторијата додека го користите производот.
Белило – внимателно користење
Белилото може да биде корисно на плочки, фуги и други цврсти површини каде што мувлата се појавува често, но не се препорачува за обоени ѕидови.
Како се користи:
Направете раствор од еден дел белило и четири дела вода. Со мека крпа избришете ја површината и потоа исушете ја темелно. Внимавајте, бидејќи белилото може да го обезбои ѕидот и да остави траги.
Како да се спречи повторно појавување на мувла
Откако ќе ја исчистите мувлата, важно е да спречите повторна појава. Експертите нагласуваат дека вентилацијата и сувиот воздух се клучни.
Совети за превенција:
-
Редовно проветрувајте ја секоја просторија, особено после туширање или готвење.
-
Користете вентилатори или одвлажнувачи на воздух.
-
Поправете ги сите протекувања на кровот или водоводот.
-
Одржувајте стабилна температура во домот за да се намали кондензацијата.
-
Избришете ја кондензацијата од прозорците и ѕидовите кога ќе се појави.
Со следење на овие едноставни совети, можете трајно да ја отстраните мувлата и да го зачувате вашиот дом чист, здрав и пријатен за живеење.
Клучот за успех: откријте ја причината за влагата, подобрете ја вентилацијата и редовно одржувајте го домот.
Извор: Danas
Lifestyle
За само 10 минути, вашите фуги ќе блеснат како нови: трик што ја враќа белината без многу трошок

Со текот на времето, фугите меѓу плочките потемнуваат, стануваат валкани и тешко се чистат. Наместо да користите силни средства како белило, постои едноставен и евтин начин со кој ќе ги направите повторно бели – и тоа за само десет минути.
Што ви е потребно:
-
Малку хидроген (се купува во аптека – безбеден е за користење во домаќинство)
-
Сода бикарбона
-
Стара четка за заби или мека четка
-
Крпа и топла вода
Постапка:
-
Прво, пребришете ги плочките со влажна крпа за да ја омекнете нечистотијата.
-
Во мала чаша, измешајте две лажици сода бикарбона со малку хидроген – колку да се добие густа паста.
-
Со четката нанесете ја смесата директно врз фугите и оставете да стои околу 10 минути.
-
Потоа, со кружни движења, истријте ги фугите. Ќе забележите како нечистотијата се отстранува веднаш.
-
На крај, исплакнете со топла вода и пребришете со сува крпа.
По само неколку минути, вашите фуги ќе изгледаат бели и чисти како нови, без непријатен мирис и без скапи средства за чистење.
Овој природен метод е безбеден, ефтин и ефикасен, а хидрогенот што го користите е ист оној што често се користи за дезинфекција на рани — значи нема никаква опасност при употреба.
Пробајте го овој домашен трик – ќе ве изненади колку брзо ќе се исчисти купатилото, а фугите повторно ќе заблескаат како првиот ден!
Извор: B92
Lifestyle
5 причини да јадете тиква: Ако сакате да ослабете, подгответе ја вака

Тиквата е една од најздравите есенски намирници, богата со хранливи состојки и корисна за целото тело. Сè што треба да направите е да ја вклучите почесто во вашето мени – варена, печена, во чорби или дури и како десерт.
Многумина ја обожаваат есента токму поради тиквата. Освен што е вкусна и декоративна, таа има и бројни лековити својства кои придонесуваат за подобро здравје и виталност. Еве пет причини зошто треба редовно да ја јадете:
1. Помага во одржување на телесната тежина
Сто грама тиква содржи помалку од 30 калории и над 90% вода, што ја прави совршена диетална храна. Редовната консумација ја намалува количината на лош холестерол во крвта и помага при контролирање на апетитот.
2. Ја зајакнува имунитетот и го штити видот
Портокаловата боја на тиквата доаѓа од бета-каротенот, антиоксиданс кој го зајакнува имунолошкиот систем и ги штити очите. Тиквата, исто така, содржи витамини Ц, Е и К, како и калиум, калциум и железо – комбинација која го зацврстува организмот и ја зголемува отпорноста на настинки.
3. Го подобрува варењето на храната
Благодарение на високата содржина на растителни влакна, тиквата го поттикнува варењето и го смирува дигестивниот систем. Пектинот и целулозата помагаат при запек и воспаление на дебелото црево, што ја прави идеална намирница за чувствителен желудник.
4. Го штити здравјето на простатата
Маслото од семки од тиква е богато со есенцијални масни киселини и има благотворно дејство врз здравјето на простатата. Редовното консумирање може да помогне во спречување на воспалителни процеси и да делува превентивно против појава на канцерогени промени.
5. Грицкајте семки за подобро расположение
Семките од тиква се вистински природен еликсир. Тие го намалуваат стресот и анксиозноста, го подобруваат расположението и помагаат во регулирање на шеќерот во крвта. Богати се со цинк и здрави незаситени масти, кои ја зголемуваат чувствителноста на телото на инсулин и придонесуваат за здрави коски.
Само 30 грама семки од тиква содржат околу 5 грама протеини – идеални за луѓе што сакаат да останат сити подолго време и да одржат здрава исхрана.
Извор: Kurir
-
Хороскоп2 дена
Хороскоп за среда (22 октомври)
-
Хороскоп24 часа
Хороскоп за четврток (23 октомври)
-
Lifestyle1 ден
Најефикасниот начин за отстранување на мувла од ѕидовите, според експертите
-
Временска прогноза11 часа
Периодот пред нас со нови врнежи деновиве и силен ветер до 70 км/час
-
Магазин1 ден
Крем супа од печурки – вкусен и лесен рецепт за топол оброк
-
Магазин1 ден
OpenAI влегува во војната на прелистувачите: ChatGPT Atlas ја носи вештачката интелигенција директно на интернет
-
Магазин1 ден
WhatsApp воведува нова мерка против спам: ограничување на бројот на пораки
-
Македонија21 час
Денеска е 23-ти октомври, ден на Македонската Револуционерна Организација