Репрезентацијата на Македонија на почетокот на јуни го започнува циклусот на натпревари за новото издание од Лига на нации за сезоната 2022/2023.

Нашата најдобра селекција предводена од Благоја Милевски се наоѓа во групата Ц каде што силите ќе ги одмери со репрезентациите на Бугарија, Грузија и Гибралтар.

Првиот меч го играме на 2. јуни на гостински терен против репрезентацијата на Бугарија, на Хувефарма Арена во Разград.

2. јуни 2022. Бугарија – Македонија 

5. јуни 2022. Гибралтар – Македонија 

9. јуни 2022. Македонија – Грузија 

12. јуни 2022. Македонија – Гибралтар 

23. септември 2022. Грузија – Македонија 

26. септември 2022. Македонија – Бугарија 

Нашите фудбалери на 24. март ќе гостуваат во Италија во баражот за пласман на Светското првенство 2022 во Катар.

Што се однесува до денешната седница на Управниот одбор на Фудбалската федерација на Македонија беа донесени следните одлуки:

– У.О. на ФФМ го усвои дневниот ред за Редовното годишно Собрание на Фудбалската федерација на Македонија кое ќе се одржи на 12. март 2022 година во Скопје;

– У.О. на ФФМ ги утврди и усвои извештаите на органите и телата на федерацијата;

– У.О. на ФФМ ги усвои измените на Правилникот за судии и судење. Возрасната граница на судиите кои можат да бидат предложени на меѓународна листа на ФИФА судии е 47 години;

– У.О. на ФФМ ги усвои измените на пропозициите за Куп натпреварувањето во женска конкуренција; 

– У.О. на ФФМ ги усвои измените на Правилникот за регистрација, статус и трансфер на фудбалери;

– У.О. на ФФМ ги усвои измените на одлуката за тренинг компензација од 2011 година;

– У.О. на ФФМ ги усвои пропозициите за натпреварување во Детски лиги на ФФМ и назначи национални координатори за Детска лига; 

– У.О. на ФФМ донесе одлука за продолжување на проектот “Фудбал во училишта” во кои ќе бидат опфатени најмногу 100 основни училишта со учество на околу 5000 деца;

– У.О. на ФФМ го усвои предлогот за започнување реализација на проект за “Училишен фудбал за девојчиња”, (ученички 9-10 год.) кои ќе се одвива во училишта во најмногу 16 градови (каде што има женски фудбалски клубови) кои ќе опфатат 22-24 основни училишта со учество на 400-450 ученички од 4-то и 5-то одделение.