Спорт
Нашата најсилна фудбалска репрезентација на Македонија го „потопи“ Гибралтар, Милевски задоволен од своите момчиња!

Македонската А репрезентација славеше убедлива победа од 4:0 во меч против Гибралтар од 4.коло во Лигата на нации. Фудбалерите на Благоја Милевски одиграа одлично посебно во првиот дел, за само 27. минути, од 4. до 31.минута постигнавме четири голови, започна Барди, продолжи Миовски со два гола, заврши Чурлинов.
Македонија поведе со фантастичниот гол на Енис Барди во 3.минута по велемајсторски слободен удар. Шутираше од 25. метри, прво топката се одби од десната статива на Гибралтар, за да заврши во мрежата.
Само неколку минути подоцна Миовски ја погоди пречката, а тоа како да беше наговестрување за двата гола што тој ги постигна во првиот дел, деби голови. Прво прекрасно со глава го испрати центаршутот на Барди во 15.минута, а потоа во 17.минута од непосредна близина најдобро се снајде за убедливи 3:0.
И покрај тоа што имаме убедливо водство, следуваа нови шанси, супер акции, имвме барем уште 4-5 големи шанси за уште поубедливо водство. А постигнавме само едени тоа на Чурлинов во 31.минута откако Барди и Тодоровски му сервираа идеална ситуација.
Второто полувреме го започнавмесо Етеми, Димоски и Фазлагиќ, ова за нив беше деби настап за Арепрезентацијата на Македонија. Подоцна во игра влезе и Гроздановски, деби настап и за него.
Ние продолживме со напади, но немаше шанси и голови како во првото полувреме. На крај Валон Етеми со фантастичен шут ја погоди стативата.
МАКЕДОНИЈА – ГИБРАЛТАР 4:0 (4:0)
Национална Арена „Тодор Проески“ во Скопје. Гледачи: 3.000. Судија: Думитру Мунтеан (МОЛ). Стрелци: Барди 4.,Миовски 15., 17., Чурлинов 31. (МАК). Ж. Картони: Николов (МАК), Лопес, Серџант, Џ. Чиполина (ГИБ).
МАКЕДОНИЈА: Шишковски, Тодороски, Зајков, Серафимов, К. Ристевски, Барди (46. Фазлагиќ), Николов, Елмас (79. Грозданоски), Алиоски (46. Етеми), Чурлинов (46. Димоски), Миовски (64. Дор, Бабунски).
Селектор: Благоја Милевски.
ГИБРАЛТАР: Банда, Лопес, Оливеро, Анесли, Р. Чиполина (60. Серџант), Брито (60/ Џ. Чиполина), Касчијаро (49. Стиш), Вајсман, Валарино (74. Џоли), Ториља (46.Ронан), Вокер.
Селектор: Хулио Рибас.
Спорт
Нејмар потпиша нов договор, сепак останува дома

Нејмар сепак реши да остане во Сантос уште шест месеци. Повиците од европските клубови ги остави зад себе, а љубовта кон клубот каде што започна неговата кариера повторно го поврза со Сантос, 12 години по неговото заминување.
Некаде во минатото се сметаше за наследник на Роналдо и Меси, но серијата повреди ја спречија таа приказна. И покрај сè, Нејмар останува еден од најдобрите фудбалери на оваа деценија, иако многумина ќе се запрашаат дали целосно ги исполни големите очекувања. Тој е единствениот фудбалер во 21. век кој се најде меѓу првите 10 за Златната топка додека играл во бразилска лига – и сега се врати таму каде што сè започна, барем до крајот на оваа година.
Откако го напушти ПСЖ во 2023 и замина во Ал Хилал, неговото време таму беше скратено поради сериозни повреди – настапи само трипати. Сега, во Сантос, повторно се чини дека ја враќа љубовта кон играта, но и понатаму се соочува со предизвици околу формата и физичката подготвеност.
Сепак, тој има амбиција да го засили својот настап и да остане здрав, со цел да игра за Бразил на Светското првенство следната година. До тогаш, неговото патување продолжува во Сантос – барем до Нова Година.
Спорт
Бенфика приреди вистинска сензација, Баерн беше поразен, но со втората позиција продолжува понатаму

Бенфика приреди вистинска сензација на Светското клупско првенство, совладувајќи го Баерн Минхен со минимални 1-0 во Шарлот и обезбедувајќи го првото место во групата Ц.
Заедно со нив, и германскиот тим се пласираше во следната фаза, додека Бока Јуниорс и Оукленд го завршија своето учество во оваа група. Стрелецот на победничкиот гол за португалскиот клуб беше Андреас Сјелдеруп, кој погоди по одлична контранападна акција во 13-тата минута.
Во меѓувреме, натпреварот меѓу Бока и Оукленд во Нешвил заврши нерешено 1:1, но беше прекинат во 54-тата минута поради предупредување за можна бура.
Спорт
Мбапе итно хоспитализиран, клубот ја соопшти причината зошто „голгетерот“ не беше во план против Ал Хилал

Реал Мадрид во моментов се наоѓа во САД каде што учествува на Светското клупско првенство. На првиот натпревар против Ал Хилал, кој заврши 1:1, Килијан Мбапе не настапи.
Клубот објави дека причината за неговото отсуство се здравствени проблеми.
Kylian Mbappé has been diagnosed with acute gastroenteritis and has been hospitalized for various tests and treatment, Real Madrid announced. pic.twitter.com/Eq4wGwU988
— ESPN FC (@ESPNFC) June 19, 2025
– „Нашиот фудбалер Килијан Мбапе има акутен гастроентеритис и е хоспитализиран за дополнителни прегледи и терапија“, стои во официјалното соопштение на Реал Мадрид.
Откако пристигна во САД, Мбапе учествуваше само на два тренинга и не беше дел од поголемиот дел од активностите на тимот. Следниот натпревар на Реал е закажан за недела навечер против Пачука, но останува неизвесно дали францускиот напаѓач ќе биде спремен да настапи.
-
Хороскоп2 дена
Хороскоп за вторник (24 јуни)
-
Хороскоп16 часа
Хороскоп за среда (24 јуни)
-
Магазин1 ден
Најбрз домашен сладолед со само една состојка
-
Магазин1 ден
Летен десерт со само две состојки – готов за 5 минути!
-
Автомобили1 ден
Toyota го претстави првиот електрифициран Land Cruiser во Европа
-
Спорт15 часа
Бенфика приреди вистинска сензација, Баерн беше поразен, но со втората позиција продолжува понатаму
-
На денешен ден15 часа
Времеплов: На денешен ден – 25 јуни
-
Lifestyle4 часа
Дали навистина треба да се плашиме од семките од лубеница? Еве што се случува кога ќе ги проголтате