Спорт
Нашата селекција покажа цврста и квалитетна игра, но среќата не беше на наша страна
Македонската А репрезентација одигра 0-0 против Романија во натпреварот одигран на Националната арена „Тодор Проески“ во рамки на 6. коло од квалификациите за Светското првенство 2022 година.
Со девет освоени бодови, два помалку од второпласираната Ерменија и бод помалку од Романија, нашата најдобра репрезентација ги задржува шансите за второто место во групата.
Во првото полувреме, Македонија имаше контрола на играта, постојано вршевме пресинг на половината на противникот и доминиравме во поседот на топка (59-41), но за жал не успеавме да ја погодиме романската мрежа.
Дарко Чурлинов и Тихомир Костадинов во почетните 20-на минути беа во свои шанси да го загрозат голманот Ница, но не успеаја.
Во 22. минута, Сореску ја имаше најдобрата прилика за романците, но Димитриевски прекрасно интервенираше и спречи погодок во нашата мрежа.
Елиф Елмас во 34. минута беше во добра позиција да донесе наша предност, но неговиот удар го одбрани Ница, голманот на Романија.
Во второто полувреме, Македонија прва се закани кон противничкиот гол. Во 48. минута, Енис Барди шутираше од слободен удар, но блокираа гостинските фудбалери.
Во 51. минута, Елиф Елмас одлично мина двајца романски фудбалери во шеснаесетникот, шутираше откосо, но одбрани Ница.
Разван Марин во 72. минута од далечина шутираше во рамки на нашиот гол, Димитриевски ја одби топката, а Кордеа од идеална шанса за наша среќа не погоди по одбиената топка.
Во следните неколку минути, Јаховиќ и Барди, исто така се обидоа од дваесетина метри, но внимателен беше голманот на Романија.
До крајот од натпреварот, двете селекции одиграа внимателно, двајцата селектори направија вкупно осум замени, но немаше вистинска шанса.
Македонската репрезентација го освои првиот бод во шестиот квалификациски натпревар во дуелите против Романија.
МАКЕДОНИЈА: 1. Столе Димитриевски, 6. Висар Муслиу, 14. Дарко Велковски (64` Кире Ристевски), 8. Езѓан Алиоски, 13. Стефан Ристовски (78` Александар Трајковски), 20. Стефан Спировски, 10. Енис Барди (90` Стефан Ашковски), 7. Елиф Елмас, 21. Тихомир Костадинов, 11. Дарко Чурлинов (78` Бобан Николов), 19. Милан Ристовски (65` Адис Јаховиќ); Селектор: Благоја Милевски.
РОМАНИЈА: Ница, Ратиу, Кирикеш, Неделсеару, Камора, Станчу, Неделку (63` Марин), Цицадлау, Ман, Марковиќ (63` Кордеа), Сореску (74` Марин); Селектор: Мирел Радои.
Спорт
(ФОТО) ФФМ и ДСУ за рехабилитација и образование „Св. Наум Охридски“ втор пат по ред организираа инклузивен фудбалски турнир
На тренинг центарот „Петар Милошевски”, втора година по ред Фудбалската федерација на Македонија во соработка со ДСУ за рехабилитација и образование „Св. Наум Охридски“, организираше инклузивен фудбалски турнир со цел заеднички да испратиме порака дека е важен пристапот и вклученоста на лицата со попреченост на спортските терени.
-ООУ „Марко Цепенков“ – Скопје со една женска екипа
-ООУ „Димитар Миладинов“ – Скопје со машка екипа
– ДСУ „Искра“ – Штип со една машка и една женска екипа
– ДСУ „ Св. Наум Охридски“ – Скопје со две машки екипи и една женска екипа
– ОУРЦ „Маца Овчарова“ – Велес со една машка екипа
Mенаџерот на секторот „Поддршка” во рамките на Фудбалската федерација на Македонија, Горанчо Костовски, заедно со претставникот на училиштето „Св. Наум Охридски“, Станислав Мирчевски го отворија денешниот турнир и им додели симболични награди и признанија на учесниците.
„Почитувани фудбалери и почитувани присутни,особено ми е драго што веќе втора година ФФМ го поддржува фудбалскиот проект на училиштето Свети Наум Охридски и по втор пат сме покровители на Инклузивниот фудбалски турнир. Со овој проект се покажува дека фудбалот покрај спортскиот и натпреварувачкиот дел, служи и како интегративна алатка која го обогатува животот на нашите фудбалери.Ви посакувам да се гледаме почесто.” – за медиумите, преку ФФМА изјави Горанчо Костовски.
Официјална фотогалерија од ФФМ, од самиот настан:
Спорт
Младата женска фудбалска репрезентација учествува на турнир во БиХ ќе одиграат мечеви со Словенија, Украина и домаќинот БиХ
Младата женска репрезентација на Македонија до 16 години во периодот од 16 до 24 април учествува на меѓународниот Уефа развоен турнир што се одржува во Босна и Херцеговина, така што нашите млади фудбалерки ќе одиграат три натпревари, а за противници ќе ги имаат селекциите на Словенија, Украина и домаќинот БиХ.
Првиот натпревар го играме против домаќинот на турнирот, селекцијата на БиХ. Во втората пресметка ќе се соочиме со Украина. Во последното коло играме против селекцијата на Словенија.
Селекторот на репрезентацијата на Македонија до 16 години Катерина Милеска, за развојниот турнир, се одлучи да ги повика следните фудбалерки:
ГОЛМАНИ:
Теа Сапунџиев Истатов
Евгенија Вењановска Скопје
ОДБРАНА:
Арба Мерко Ас Јунајтед
Јована Јованоска Цевитана
Андреа Коловска Љуботен
Искра Смилевска Скопје
Михаела Марковска Топ Гол
Теодора Јоновска Топ Гол
Ема Нановска Истатов
Лина Луканова Ас Јунајтед
СРЕДЕН РЕД:
Леонтина Пржолева Тиверија
Теона Галабовска Тиверија
Ева Величковска Љуботен
Блехана Алиевска Топ Гол
Теодора Настова Скопје
НАПАД:
Настасја Накова Скопје
Розита Пецева Тиверија
Уна Јосевска Скопје
Меланија Грозданова Скопје
Ана Марија Цветкова Лангус, Холандија
Спорт
Кралскиот клуб по „пенал рулетот“ обезбеди полуфинале, Начо: „Магична ноќ, за ова се живее“
По 3:3 дома и 1:1 во Манчестер, Кралскиот клуб играше продолженија со Сити на „Етихад“, но бидејќи и по 120 минути немаше победник, решија пенали, а Реал победи со 4:3. Така Реал успеа да ја продолжи одличната серија и по шести пат успеа да се избори за победа во нокаут фазата против бранителот на титулата.
Начо Фернандеш брилијантно го чуваше најопасниот играч на Сити, Ерлинг Халанд.
– „Страдавме многу затоа што многу те притискаа, но ние сме Реал и се бориме до крај, најважно е што сме во полуфинале. Не сме навикнати на притисок, обично сме тие што го туркаат противникот, сепак, и покажавме на другата страна, дека знаеме да се браниме спектакуларно, тој средно-низок блок ни направи неверојатна работа“, смета дефанзивецот на Реал.
Халанд едноставно немаше решенија во дуелите со него.
– „Бевме добри во дефанзива, исто така и на индивидуален план. Ова се магични ноќи, само од се станувам посилен, ова е она за што сонувавте како дете. Лошо ја започнавме сезоната, но свртевме сè, овој тим е неверојатно горд што сè уште сум во борба“. По нив следува Ел Класико. Мора да го славиме ова, а од утре размислуваме само за Ел Класико и се што не очекува во лигата“, заклучи Нацо.
Извор: b92.net
-
Хороскоп1 ден
Хороскоп за четврток (18 април)
-
Хороскоп10 часа
Хороскоп за петок (19 април)
-
Кичево18 часа
ОУ Д-р „Владимир Полежиноски“ од Кичево оваа недела ќе биде домаќин на гости од Романија и Полска, додека утре ќе се одржи „Safe Spot Festival“
-
Кичево15 часа
(ФОТО) Министерот за внатрешни работи Тошковски денес го посети ОВР Кичево, ПО Осломеј и Зајас
-
Хроника20 часа
Вчера во кумановско се случила тешка сообраќајна несреќа, жител од Куманово се здобил со тешки телесни повреди костатирани во комплексот клиники „Мајка Тереза“ во Скопје.
-
Магазин2 дена
Социјалната мрежа X воведува претплата за нови корисници
-
Спорт1 ден
Кралскиот клуб по „пенал рулетот“ обезбеди полуфинале, Начо: „Магична ноќ, за ова се живее“
-
Магазин2 дена
Кинескиот одговор на ChatGPT достигна 200 милиони корисници