Занимливости
Неколку трикови успешно покажани за откажување на пушењето цигари

Борбата со откажувањето од цигарите, денеска е една од најприсутните во полето на здравјето. За да им излезат во пресрет на пушачите кои сакаат да престанат, различни производители нудат фластери, електронски цигари, лекови, мастики. Но, на крајот повторно сè останува на вас.
Доктор Арун Кумар долги години им помага на пушачите да се откажат од цигарите. Тој вели дека прво мора да утврдите каков пушач сте, односно во кои ситуации посегнувате по цигарите. Ако утврдите зошто, односно ја процените причината, ќе најдете и начин како да престанете.
Праксата на Кумар покажа дека физичката активност ја намалува потребата за никотин. Тоа не значи да трчате маратон, но обична прошетка може многу да ви помогне. Главно треба да знаете дека пушењето е анти-стрес навика. Ги смирува луѓето. Затоа и треба да најдете помалку штетна алтернатива за да се ослободите од стресот, како што е медитирање, јога и масажа.
Еве кои трикови можете да ги искористите во битката со цигарите:
– Џвакајте цимет. Ја убива желбата за никотин.
– Солената храна ја убива желбата за цигара. Ако немате чипс при рака, ставете малку сол на врвот на јазикот.
– Кога ќе добиете желба за цигара јадете ореви, лешници, бадеми или суво овошје.
– Секогаш имајте мастики во себе.
– Ако пред да запалите цигара испиете малку млеко или изедете целер или морков, нема да уживате во цигарата затоа што ќе имате горчлив вкус во устата.
– Витаминот Ц ви е најголемиот сојузник во битката со цигарите. Затоа консумирајте лимони, портокали, црвена пиперка.
/denar
Занимливости
Во најголемиот рудник за јаглен во Полска, истражувачи откриле остатоци од крокодил стар околу 17 милиони години

Истражувачи откриле остатоци од древен крокодил стар околу 17 милиони години во најголемиот рудник за јаглен во Полска, Белхатов. Се работи за изумрен вид што припаѓал на семејството гавијали – блиски роднини на денешните крокодили и алигатори – кој живеел во миоценската епоха.
– Најдени биле фосили од череп, заби, скелет и фрагмент од кожна обвивка наречена остеодерм. Овој мал фосилен дел, со дијаметар од само 30 мм, бил откриен во јуни 2023 година во седименти на дното од езеро во рудникот. Иако првично изгледал како обично парче коска, деталната анализа покажала дека станува збор за дел од кожа од крокодил.
Europe's oldest known zoo animal, Marta the alligator, will celebrate her 95th birthday in Poland tomorrow.
Marta, who first arrived at Płock Zoo in 1960, has outlived the typical lifespan of her species by decades https://t.co/pYTj6ug9LY
— Notes from Poland 🇵🇱 (@notesfrompoland) May 16, 2025
Според научниците, остатоците припаѓаат на видот диплоцинодон – изумрен вид влекач. Интересно е што ова е најсеверната точка на која досега се пронајдени фосили од крокодили од миоценот, иако има и постари откритија од периодот на креда, како на пример во Шведска.
Миоценот бил период со топла и влажна клима, што овозможило развој на богата флора и фауна. Крокодилите од тоа време можеле да пораснат и до шест метри, додека помалите, кои живееле во слатки води, достигнувале должина од три метри.
Szczątki krokodyla sprzed 17 mln lat odnaleziono na terenie kopalni „#Bełchatów”. #naukahttps://t.co/8CUDdfS4Ob pic.twitter.com/EIcGs2vnb6
— Dzieje.pl (@dziejepl) May 25, 2025
Фосилот сега е сочуван во Музејот на Геолошкиот факултет при Универзитетот во Варшава, а резултатите од истражувањето се објавени во научното списание Acta Palaeontologica Polonica, пренесува notesfrompoland.com
Занимливости
„Honda“ неодамна го одбележа 500 милионитиот произведен мотоцикл, јубилејниот мотор беше моделот „Activa“

Хонда неодамна го одбележа значајниот успех од 500 милиони произведени мотоцикли и скутери. Јубилејната машина беше скутерот „Activa“, кој излезе од нивната фабрика во Индија.
Производството на мотоцикли започна во 1949 година со моделот „Dream D-Type“ во Јапонија, само една година по основањето на компанијата. Хонда уште од почеток ја имала визијата да се прошири надвор од границите на својата татковина. Првиот нивни производствен погон надвор од Јапонија беше отворен во 1963 година во Белгија.
Со текот на годините, компанијата бележеше континуиран раст. Во 1997 година достигна 100 милиони произведени мотоцикли, а само девет години подоцна веќе имаше 200 милиони. До 2014 година, таа бројка порасна на 300 милиони, а во 2019 достигна 400 милиони возила.
– Во 2018 година, за првпат годишното производство ја надмина границата од 20 милиони единици. Хонда влезе во историјата со легендарни модели како Honda „Cub“ – најпродаваниот мотоцикл во светот, како и „CB 750 Four“ и „Gold Wing“, кој е единствениот мотоцикл со вградена воздушна перница како стандард.
Денес, Хонда произведува повеќе од 20 милиони возила годишно, располага со 37 фабрики ширум светот – од Кенија до Перу, и има мрежа од над 30.000 официјални дилери на глобално ниво, пренесуваат од гигантот за јавноста.
Извор: global.honda
Занимливости
Дали сте се запрашале што е разликата помеѓу телевизорите „QLed“ и „OLed“, звучи слично но сепак се различни

Ако сте во потрага по нов телевизор, сигурно сте се запрашале за оваа работа поради големиот избор и разни технички поими. Меѓу нив најчесто се спомнуваат „QLED“ и „OLED“, два вида технологии кои иако звучат слично, работат на сосема различен начин.
Што значат овие термини?
-
OLED значи „органска диода што емитува светлина“. Кај OLED, секој пиксел сам по себе свети или се гаси, што овозможува совршена црна боја и бесконечен контраст.
-
QLED (термин што го користи Samsung) значи „Quantum Dot LED“. Тоа е всушност напредна верзија на LCD телевизор, каде што се користи слој од квантни точки за подобри бои, но сепак е потребно LED позадинско осветлување.
Како функционираат?
-
OLED технологијата користи „емисивни“ пиксели – тие сами ја создаваат светлината.
-
QLED се потпира на надворешен извор на светлина кој ја осветлува екранот преку неколку слоеви.
Квантните точки кај QLED се мали честички кои светат со специфична боја кога ќе бидат осветлени, а тоа помага сликата да биде поостра и поразновидна во боите.
Кој ги произведува?
Samsung е лидер во QLED технологијата и нуди многу модели во 4K и 8K резолуција. Но и TCL, Amazon и други компании имаат свои QLED телевизори.
LG е водечки производител на OLED телевизори, но и Sony, Sharp, а од неодамна и Samsung нудат OLED модели. Всушност, сите OLED панели што ги гледате на пазарот се произведени од LG или Samsung.
Samsung од 2022 година прави и свои QD-OLED панели, кои ја комбинираат OLED основата со квантни точки за подобра осветленост и боја.
Споредба: OLED vs QLED
1. Контраст и црна боја:
OLED победи без конкуренција. Пикселите можат целосно да се исклучат, па црната боја е вистински црна, не сивкаста како кај QLED. Кај QLED, светлината од позадината често „протекува“, па белите објекти може да имаат ореол околу нив.
2. Осветленост:
QLED телевизорите се посветли, што е важно во простории со многу светлина. Но, OLED иако е послаб по светлина, благодарение на контрастот сè уште нуди подобар HDR ефект.
3. Гледање од страна:
OLED ги задржува боите и контрастот без разлика од каде го гледате екранот. QLED може да изгуби на квалитет при аголен поглед.
4. Резолуција и боја:
И двете технологии поддржуваат 4K и 8K. Нема голема разлика во обработката на бојата, иако QD-OLED дава мала предност во боите.
5. Големина и цена:
QLED телевизорите се поевтини и достапни во повеќе големини – од 32 до 98 инчи.
OLED телевизорите се поскапи, особено во големи димензии (над 65 инчи), и обично ги има од 42 до 97 инчи.
-
Хроника2 дена
При изведување градежни работи на автопат Кичево-Охрид од дрвена платформа паднал работник, жител на Кина
-
Хороскоп1 ден
Хороскоп за четврток (5 јуни)
-
Временска прогноза2 дена
Попоски апелира за локална дестабилизација со пороен дожд, ова се информациите
-
Кичево9 часа
(ФОТО) ТППЕ Кичево: Се гаси дива депонија зад „Стара централа“
-
Хороскоп6 часа
Хороскоп за петок (6 јуни)
-
Спорт1 ден
ФФМ на дечињата кои учествуваа во финалниот турнир во „Детската лига“ ќе им овозможи бесплатно да го следат мечот Македонија-Белгија од трибините на „Тодор Проески“
-
Македонија12 часа
На граница кај бугарин во возило пронајдени биле електрошок и солзавец, бил веднаш лишен од слобода
-
Скопје20 часа
За еден ден во Скопје изречени 180 мерки во областа на сообраќајот