По последните ажурирања на „Windows“, многу корисници наводно почнале да се жалат дека функцијата за препознавање лице – „Windows Hello“ – не функционира добро во темни услови. Проблемите започнале од април годинава, кога многумина забележале дека системот не го препознава нивното лице доколку нема доволно светлина.

Иако првично се мислеше дека станува збор за софтверска грешка, подоцнежни информации покажаа дека „Microsoft“ намерно го променил начинот на кој работи „Windows Hello“, со цел да ја подобри безбедноста. Со ажурирањето KB5055523, системот сега бара камерата јасно да го „види“ лицето на корисникот, што значи дека при темна околина, препознавањето не е можно.

Порано, „Windows Hello“ користеше инфрацрвена технологија за „3D скенирање“, што овозможуваше работа и при слаба осветленост. Но, „Microsoft“ открил дека постојат потенцијални безбедносни ризици – иако сè уште не се забележани вистински напади. Поради тоа, компанијата решила да ја намали функционалноста на системот за препознавање лице како превентивна мерка.

Сè уште не е познато дали „Microsoft“ повторно ќе ја активира старата функционалност кога ќе се реши безбедносниот проблем. Во меѓувреме, некои корисници откриле начин да го вратат препознавањето во темно, така што ја оневозможуваат стандардната веб-камера преку „Device Manager“ во „Windows 11.“

Извор: benchmark.rs

ОВЕН

Не сте осамени, имате на кого да се потпрете и се обидувате да најдете најдобар можен начин да се вклучите во работата која за вас може да биде многу профитабилна. Имате проблем со некои Близнаци и не можете да најдете заеднички јазик со некоја Водолија. Трепението ќе ви биде повеќе од потребно.

БИК

Нема место за паника, ќе успеете да ги решите сите проблеми. Добрите односи со соработниците се исклучително важни за проектите, бидејќи сами ништо нема да постигнете. Се чувствувате одлично во друштво на некоја Риба, па затоа поминете повеќе време заедно.

БЛИЗНАЦИ

Некои пријатели ќе ве повикаат на заедничко патување, а вие ќе се двоумите. Не се откажувајте од можностите кои ви се нудат, можно е да ви се отворат нови врати за започнување на сопствен бизнис. Досадата лекувајте ја во друштво на саканите. Постапките од минатото ќе ве натераат повторно да размислите за вашите постапки.

РАК

Некој проблем од минатото ќе започне да ви ја разнишува сегашноста која едвај ја одржувате во нормално ниво. Можно е вашиот партнер да ве напушти поради ветените нешта кои никогаш не ги направивте. Имате проблем и со пријателите кои ве сметаат за несериозни. Некоја Девица ќе ви понуди помош, прифатете ја веднаш.

ЛАВ

Ќе се обидете да воспоставите контакт со некои лица кои на вас ви биле многу драги. Ви претстои добра соработка со некој Стрелец или Близнаци. Ќе се залагате за некои важни нешта, можеби нема да успеете, но не се разочарувајте во иднина ќе постојат уште шанси.

ДЕВИЦА

Нека не ве загрижува досегашната неповолна финансиска состојба затоа што таа почнува да се подобрува. Вашето здравје е повеќе од добро. Проблемите во љубовта ќе ви го одвлечат вниманието и ќе ви го одземат времето за извршување на бизнис обврските.

ВАГА

Иако се чувствувате добро во друштво со личноста која ги поттикнуа вашите амбиции, сепак прекумерното залагање можно е да ви пречи. Можни се некои поволни вести од некој кој живее и работи во странство. Ќе ви биде потребен некаков совет од некој Лав.

ШКОРПИЈА

Оптеретени сте со незавршените работи и она што се случило а не знаете како да го решите. Се плашите од загуба на контролата во ситуацијата во која можно е да загубите некој поради однесувањето. Можен е некаков договор со Стрелец или Риби.

СТРЕЛЕЦ

За да го поминете денот онака како што сакате потребно е да се вклучите во некои интересни проекти во кои ќе ви биде потребен странски јазик. Без оглед дали станува збор за краток или долг проект сепак работете максимално на него. Постои можност за голем профит.

ЈАРЕЦ

Премногу сте упорни иако помалку сте и несигурни и се обидувате на сите можни начини да му го наметнете на некој Бик вашиот план за заеднички проект. Бидете малку трпеливи во контактите со борбените знаци, особено со Бикот. Добро се чувствувате во друштво на лице кое е подеднакво амбициозно како и вие.

ВОДОЛИЈА

Еден од подобрите денови, особено за оние кои се подготвени за се да се договорат со соработниците и оние кои се како створени за разни деловни можности, вклучувајќи ја тука и можноста за премин на некое ново работно место или преземање на некои нови обврски. Добро се сложувате со некој Стрелец и со некој Рак кои во се ве поддржуваат.

РИБИ

Мечтаете за голем успех и поинаква работа од онаа која во моментов ја имате. Ова би можело да биде пријатен ден за вас. Енергијата на Марс и Меркур ве прави нервозни и нетрпеливи. Вашата амбиција е во прв план, не се согласувате со лица кој сакаат да доминираат во друштвото.

Тајванските власти за меѓународна трговија ги вклучија кинеските компании „Huawei“ и „SMIC“, заедно со нивни подружници, на својата листа на „стратешки високотехнолошки стоковни субјекти“. Ова значи дека компаниите од Тајван мора да добијат посебни дозволи пред да можат да извезуваат производи до фирми на оваа листа.

И „Huawei“ и „SMIC“ веќе се под рестрикции и на црната листа на САД, поради строгите американски контроли врз извозот на напредни чипови. Тајванската одлука најверојатно има за цел да ги засили постојните ограничувања и да затвори правни празнини во регулативата, според независниот технолошки аналитичар Реј Ванг. Тој предупредува дека новите мерки може да доведат до построги казни за идни прекршувања.

Најголемиот производител на чипови во Тајван, TSMC, веќе ги следи американските забрани, но минатата година беше вклучен во спор кога во еден AI уред од Huawei беше пронајден чип направен од TSMC. Поради ова, американското Министерство за трговија побара TSMC да ги блокира кинеските компании од пристап до чипови поврзани со вештачка интелигенција. Се наведува дека TSMC би можел да се соочи со казна од една милијарда долари.

Huawei во меѓувреме работи на развој на сопствени чипови за вештачка интелигенција како алтернатива на оние од Nvidia, но напредокот е ограничен поради извозните контроли и недоволно развиената домашна индустрија за чипови. Сепак, според Пол Триол од консултантската фирма DGA-Albright Stonebridge Group, Huawei успеал да набави милиони графички чипови од TSMC пред да бидат воведени строги забрани.

Инаку, чипот е мало парче силикон кое содржи сложени електронски кола што овозможуваат обработка на податоци – суштински дел од секој современ процесор.

Извор: taipeitimes.com