Временска прогноза
Нестабилно време со топли периоди и краткотрајни дождови

Во следните неколку денови, вклучувајќи го и викендот во Македонија ќе имаме ЗНАЧИТЕЛНО ПОТОПЛО време, и тоа поради продор на уште потопла воздушна маса од југ. Температурите насекаде ќе надминуваат 15 степени, на повеќе места истите ќе се искачуваат и до околу 20 степени, а во централните и во југоисточните предели и до околу 23, 24 степени.
Времето и понатаму ќе биде променливо, во претпладневните часови со повеќе сончеви периоди, додека од пладневните часови ќе има појава на повремени локални врнежи од дожд. Локално врнежите ќе бидат ПОРОЈНИ и проследени со појава на грмежи, засилување на ветерот, а има услови и за ретка појава на суградица и на град. Особено во вечерните и ноќните часови во западните и северозападните планински и највисоки врвови можна е појава и на КРАТКОТРАЈНИ ВРНЕЖИ ОД СНЕГ.
Во Скопје и околината исто така времето ќе биде променливо со повеќе сончеви периоди во претпладневните часови. Од пладневните часови ќе има услови за повремен локален дожд, ретки грмежи и засилување на ветерот во зоната на нестабилноста. Температурата ќе се искачува во интервалот помеѓу 17 и 19 степени.
Автор: Славчо Попоски
Временска прогноза
Попоски овјави метео прогноза за 1- мај

За 1-ви мај, метео анализа која сите вас ве интерезира, ќе имаме многу постабилна атмосфера за разлика од сега, а ќе биде и потопло со повисоки температури на воздухот. Времето ќе биде сончево со појава на умерена локална облачност, но ќе биде ветровито и покрај тоа што ќе биде топло, односно, ќе дува умерен до засилен ветер од северен и од североисточен правец.
Сепак, во попладневните часови можна е ретка појава на краткотраен пороен дожд со ретки грмежи, но ова и не би било нешто сериозно, што значи може да си го планирате празникот за на отворен простор и за правење скара на отворено.
Инаку, температурите за 1-ви мај ќе се искачуваат во интервалот од 19 до 26 степени, утрово истакна Славчо Попоски.
Временска прогноза
Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23 април) па се до самиот крај на оваа недела времето ќе биде променливо облачно со честа појава на повремени врнежи од дожд, проследени со појава на грмежи.
Локално Атмосферските процеси ќе бидат поинтензивни и во форма на невреме, проследено со обилен пороен дожд за кратко време кој може да услови локални поплавувања, силен ветер, електрични празнења и со појава на град. Токму поради ова апелирам на поголема внимателност.
И во Скопје и околината следува период на многу променливо време со повремен дожд. Во делови од колтината ќе биде нестабилно облачно со пороен дожд, грмежи, засилен ветер и со услови за појава на невреме.
Што се однесува до температурите, тие до крајот на оваа работна недела ќе бидат без поголеми промени во однос на оние кои ги имаме сега, а постепено опаѓање на истите ќе има за време на викендот.
За време на овој нестабилно – влажен период локално во нашата Република Македонија ќе наврне значително количество на воден талог (над 35 литри дожд), пренесува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
-
Кичево2 дена
(ФОТО) „Атва Маркети“ во Кичево отвори нова пекара со највкусниот асортиман на бели пецива
-
Кичево2 дена
ОВР Кичево во текот на вчерашниот ден со полни раце работа!
-
Хороскоп1 ден
Хороскоп за недела (27 април)
-
Временска прогноза2 дена
Попоски овјави метео прогноза за 1- мај
-
Хороскоп8 часа
Хороскоп за понеделник (28 април)
-
Кичево20 часа
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“
-
Македонија2 дена
(ФОТО) СВР Охрид со кампања за заштита на граѓаните и туристите од кражби
-
Спорт11 часа
ФФМ со експресно соопштение ја извести јавноста во врска со случајот ФК Гостивар