Американски научници открија дека на жените им е потребен сон повеќе од мажите. Студијата покажа дека на жените им треба повеќе сон за да функционираат нормално во текот на денот. Оваа вест мажите би можеле да ја дочекаат како доказ за некаков вид на нивна супериорност.

Причината како што наведуваат за ваквата состојба е што на женскиот мозок му треба повеќе време да се опорави – затоа што во текот на денот извршува посложени задачи од машкиот мозок.

Тим од универзитетот „Дјук“ открива дека жените на кои хронично им недостасува квалитетен сон, честопати страдаат од депресија и вознемиреност. За разлика од нив, на мажите на кои им е скратен сонот не ги покажуваат овие симптоми.

/denar

Непријатниот утрински здив е многу честа појава, а неговите предизвикувачи се бројни. Причина може да биде лошата исхрана, проблеми со желудникот, расипан заб и сл. Но, тоа може да биде и хронично воспаление на синусите, воспаление на слузокожата кое предизвикува зголемена секреција на слуз во носот.

Слузта преку ноќта се спушта низ грлото и таму се таложи, бидејќи во ноќта не кашламе и не го отстрануваме тој талог на било кој начин, тој почнува да се разградува, што предизвикува непријатен мирис.

Гастроезофагеалниот рефлукс, или враќањето на киселините и храната од желудникот во хранопроводот исто така можат да предизвика непијатен утрински здив.

Доколку спаѓате во групата на лица кои јадат доцна, а имате ослабен желудечен свинктер, содржината од желудникот во текот на ноќта ќе се префрли во хранопроводот, а неговиот непријатен мирис ќе се почувствува и надвор.

Од таа причина, најдобро би било да не јадете најмалку 3 часа пред спиење, секој ден без исклучоци, советува, д-р Ерих Војт.

/денар.мк

Тим кинески истражувачи откри хиерархиски механизам со кој пајакот ги плете нишките на својата мрежа, што се очекува да биде корисно за производство на вештачки влакна инспирирани од пајакови мрежи.

Централната нишка на пајаковата мрежа е свилениот конец, кој има добри механички својства и бионички потенцијал за примена, но количината на природна пајакова свила е ограничена.

Како што пренесува Ксинхуа, многу истражувачи го проучуваат процесот на лачење и синтеза на централната свилена нишка кај пајаците со надеж дека ќе можат да направат вештачка синтеза.

Истражувачите од Универзитетот во Југозападна Кина се првите кои претставија геном на ниво на хромозом за пајакот Joro (Trichonephila clavate), кој има шарено тело и плете голема златна мрежа, идентификувајќи 37.607 гени за кодирање на протеини.

Главната ампуларна жлезда (млечна жлезда), изворот на свилената нишка, се состои од опашка, кесичка и издолжен канал. Истражувачите пронајдоа хиерархиска биосинтеза на супстанции како што се спидроини (главните протеини во свилената мрежа), органски киселини и липиди во различни делови на млечната жлезда.

Истражувачите ги објавија своите наоди во списанието „Nature Communications“ наведувајќи дека студијата обезбедила теоретска основа за проучување на потеклото и еволуцијата на пајаците, свилените нишки и развојот на вештачки влакна инспирирани од пајажината.

/informer