Денес времето во Македонија ќе биде сончево и понатаму натпросечно топло со умерена облачност. Ќе дува умерен, повремено на некои места засилен ветер од западен и од југозападен правец. Попладне ќе има услови за ретка појава на краткотраен дожд и грмежи. Температурите ќе се искачуваат во интервалот од 28 до 37 степени.

Во Скопје и околината времето ќе биде сончево и топло со умерена облачност. Ќе дува умерен, повремено засилен ветер од западен и од југозападен правец. Максималната температура ќе се искачи до околу 34 степени.

Потоа за време на викендот ќе има појава на локална нестабилност, проследена со пороен дожд, грмежи и услови за ретка појава на град. Ќе дува умерен, повремено засилен ветер од западен и од југозападен правец. Температурите, особено во северните предели ќе бележат тенденција на мало опаѓање и ќе се искачуваат во интервалот од 25 до 36 степени, а УВ ИНДЕКСОТ и понатаму ќе има умерено висока вредност и ќе изнесува коефициент (6).

Услови за локална нестабилност за време на викендот ќе има и во Скопскиот регион, а температурите ќе се искачуваат во интервалот од 28 до 30 степени. Потоа во почетокот од следната недела времето повторно ќе биде претежно стабилно и суво.

Да напоменеме дека поради силното југозападно воздушно струење, од денес кај нас во атмосферата ќе биде присутна прашина и песок од Сахара, со што и времето ќе биде релативно мачно и спарно.

Инфо: Славчо Попоски

Топлотен бран од југ и значително повисоки температури од просечните ќе ја одбележи новата седмица која што ни претстои. Температурите во текот на оваа седмица, повремено ќе бидат дури и за околу десет степени повисоки од нормалните за овој период од годината.

Времето ќе биде сончево, повремено со мала до умерена локална облачност, што значи дека ГОЛЕМАТА СУША продолжува и во текот на оваа седмица. Ќе дува и слаб до умерен ветер, претежно од северен правец.

Минималните температури во текот на следните денови ќе се спуштаат во интервалот од 7 до 16 степени, додека максималните ќе се искачуваат во интервалот од 27 до 35 степени. Во скопскиот регион, во текот на следните денови температурите исто така ќе бидат над просекот и ќе се искачуваат во интервалот од 30 до 33 степени.

– Со оглед на тоа дека и понатаму продолжуваат вистинските летни температури, следните денови и со ЗГОЛЕМЕН ИНТЕНЗИТЕТ – ви препорачуваме МАКСИМАЛНО да ги искористете за прошетки, и секако за одмори (кој може да земе од своето работно место) и плажирање во нашите прекрасни езера.

УВ индексот и понатаму ќе има УМЕРЕНО ВИСОКА вредност (коефициент 6).

Пишува: Славчо Попоски / Метеоаларм
Фото: Pixabay

Во следните часови, облачноста од запад и југозапад ќе се зголемува и особено во јужните и југозападните предели ќе има услови за краткотраен локален слаб дожд.

Што се однесува до времето за новата недела која што ни започнува од понеделник, како што најавиме нашата територија ќе биде зафатена од ЗНАЧИТЕЛНО ПОТОПЛА воздушна маса од југ, и истата ќе услови ЗНАЧИТЕЛЕН ПОРАСТ на температурите на воздухот.

Времето ќе биде сончево, повремено со мала до умерена локална облачност а ќе дува и слаб до умерен ветер од северен и од североисточен правец. Температурите ќе се искачуваат во интервалот од 26 до 33 степени, додека во најтоплите предели истите се очекува да се искачат до околу 35 степени.

За време на овој топол бран и период, во Скопје и околината максималните температури ќе се искачуваат во интервалот од 28 до 31 степен.

НАПОМЕНА: Температурите на воздухот кој се очекуваат од понеделник па натаму, ќе бидат НАД ПОВЕЌЕ ГОДИШНИОТ просек. Што значи дека ќе биде натпросечно топло. Барем одсега гледано, позначителен пад на температурите на воздухот се очекува дури од следниот викенд.

УВ ИНДЕКСОТ во следните денови ќе има умерено висока вредност (коефициент 6)

/Славчо Попоски