Од вечерва, па за време на викендот, Џеновски циклон ќе донесе снег во Алспкиот регион и страшно невреме на Балканот, но овој пад невремето нема да ја одмине нашата држава, односно невремето ќе ја зафати и нашата Македонија.

Од ова страшно невреме од вечерва, а особено од утре па за време на викендот на многу места во целиот регион се очекуваат интензивни врнежи од дожд, поројни поплави, силни грмежи, бурен ветер, како и појава на град, кој локално би можел да биде и крупен. Од невремето ќе биде зафатен и Јадранот.

Да напоменеме дека повторно постои опасност од појава на торнадо.

Ова невреме кај нас ќе пристигне во сабота попладне и во вечерните часови и на повеќе места ќе услови интензивен пороен дожд, силни грмежи, бурен ветер, како и појава на град , кој локално би можел да биде крупен.

Поради очекуваното силно невреме, препорачуваме граѓаните да бидат крајно внимателни.

Од недела очекуваме и позначителен пад на температурите (за околу 10 степени, понекаде и тоа особено во северните предели и за повеќе од 10 степени). Сето ова ќе биде поради продорот на значително посвеж воздух од север, а ќе дува и засилен ветер од северен правец.

НАПОМЕНА: За време на овој бран на врнежи и на невреме, локално ќе наврне значително количество на воден талог за релативно кратко време (над 25 л/м2). Постои опасност од локални поројни поплави!  Во регионот локално ќе наврнат дури и повеќе од 80 л/м2 воден талог.

Инаку опасноста од поплави и од чести врнежи, како и од временски непогоди ќе ја има се до крајот на ова лето, но и во есенските месеци. Можни се нови Суперќелиски облаци и временски непогоди, истакна Славчо Попоски