Lifestyle
Никогаш нема да ослабете ако ги имате овие пет навики

Без разлика дали размислувате за слабеење или веќе сте почнале со процесот, одредени навики може значително да го попречат вашиот успех. Слабеењето бара напорна работа, посветеност и силна мотивација, но исто така и исклучување на навики кои може да го успорат вашиот напредок.
Личната фитнес инструкторка Викторија Брејди, за порталот Eat This, Not That, наведува пет навики кои многумина од нас ги имаат и кои негативно влијаат на постигнување на посакуваните резултати. Ако ги имате овие навики, можеби ќе ви биде тешко да ослабете.
1. Често јадете или грицкате без контрола
Безумното грицкање е сигурен начин да го успорите слабеењето бидејќи со него често не го контролирате внесот на калории, што води до прејадување.
„Без разлика дали храната е здрава или не, премногу од сè може да има негативен ефект врз телото. Важно е да ги контролирате порциите за да го следите внесот на калории и да го минимизирате прејадувањето“, објаснува Брејди.
2. Прескокнувате оброци
„Прескокнувањето на оброците го става телото во режим на преживување, што го тера да задржи калории за да заштеди енергија,“ истакнува Брејди. Ова често доведува до лоши избори на храна, како посета на ресторан за брза храна, бидејќи е најбрзата опција за оброк.
3. Ги „пиете“ калориите
Пијалоците, како овошен сок или чаша вино, можат да бидат полни со скриени калории. „Многумина не сфаќаат колку калории содржат пијалоците, а шеќерот го прави вкусот попривлечен. Прекумерниот внес на шеќер не само што може да доведе до зголемување на телесната тежина, туку и да го забави метаболизмот, особено при консумирање на алкохол,“ објаснува таа.
4. Недостаток на сон
Недоволното спиење негативно влијае на слабеењето. „Кога телото не добива доволно одмор, нарушената хормонална рамнотежа го зголемува апетитот и телото гравитира кон калорична храна и јаглехидрати,“ вели Брејди. Доволниот сон и деновите за одмор се неопходни за да се избегне преоптоварување и ризик од повреди.
5. Дадете приоритет на вежбањето пред диетата
Иако вежбањето е важен дел од слабеењето, мора да постои рамнотежа помеѓу вежбањето и здравата исхрана. „80/20 правилото вели дека слабеењето зависи 80% од исхраната и 20% од вежбањето,“ истакнува Брејди. Без разлика колку долго вежбате, лошата исхрана не може да се надомести со вежбање, бидејќи преку вежбање согорувате само мал процент од внесените калории.
Lifestyle
Домашни тортиљи со само две главни состојки

Меко, вкусно и едноставно тесто што ќе ви стане омилено
Доколку сакате брз и евтин домашен оброк, а притоа да не користите квасец – овие домашни тортиљи се одличен избор. Ќе ве изненадат со својата мекост и вкус, а се подготвуваат со состојки кои сигурно веќе ги имате дома.
Потребни состојки:
-
300 г брашно
-
Половина лажичка сол
-
Половина лажичка шеќер
-
5 лажици масло
-
200 мл топла вода
Подготовка:
-
Во сад измешајте ги брашното, солта, шеќерот, маслото и водата.
-
Замесете меко и еластично тесто.
-
Префрлете го тестото на набрашнета површина и месете уште 2–3 минути.
-
Покријте го со крпа и оставете да одмори 15 минути.
-
Поделете го тестото на 6 еднакви топчиња.
-
Секое топче расукајте го во тенка кружна форма (слично на палачинка).
-
Загрејте тава со дебело дно (без масло).
-
Печете ги тортиљите по 30–60 секунди од секоја страна, сè додека не се појават златни флеки.
-
Штом се испечат, ставајте ги една врз друга и покријте ги со чиста влажна крпа – така ќе останат меки и флексибилни.
Совет:
Полнете ги по вкус – со свеж зеленчук, месо, сирење или дури и нешто благо. Може да се замрзнат и загреваат по потреба.
Извор: Alo
Lifestyle
Кога е најдобро да го јадете првиот оброк ако сакате да ослабете

Сакате да ослабете, но не знаете кога е вистинското време за првиот оброк во денот? Според лекарите и најновите истражувања, одговорот е прилично едноставен: најдобро е да појадувате во рок од еден до два часа по будењето.
Интернетот е преполн со контрадикторни совети – некои велат да го прескокнете појадокот заради повремен пост, други препорачуваат три класични оброци, а има и такви што се колнат во пет мали оброци дневно. Но, едно е сигурно: времето кога јадете има поголемо влијание отколку што мислите.
Зошто е важен појадокот?
Д-р Ришел Л. Корадо, експерт за интерна медицина и дебелина, вели дека не е важно само што јадеме, туку и кога. Според неа, најдобро е да се внесе првиот оброк во првите два часа по будењето – тогаш телото излегува од ноќниот пост и има најголема потреба од енергија.
Слично мислење има и д-р Раџ Дасгупта, кој додава дека појадокот во раните часови помага да се стабилизира шеќерот во крвта, ги поддржува хормоналните ритми и ви дава јасен ум и фокус за остатокот од денот.
Што велат истражувањата?
Науката не заостанува зад овие тврдења. Студија од 2023 година покажала дека јадењето до 8:30 наутро е најдобро за метаболизмот. Причината? Телото тогаш е најчувствително на инсулин, што значи дека поуспешно ги обработува јаглехидратите и калориите.
Друга студија открила дека внесувањето калории рано во денот не само што го подобрува чувството на ситост, туку и ја поддржува загубата на тежина.
Но… не важи истото за сите
Иако има силни аргументи за појадување наутро, експертите предупредуваат: нема универзално правило. Некому му одговара појадок веднаш по станување, друг можеби подобро се чувствува ако јаде подоцна. Најважно е да го слушате сопственото тело и да го прилагодите времето на оброци според вашите навики, цели и животен стил.
Извор: Nezavisne
Lifestyle
Лимонот е најздравото овошје во светот – тврдат научниците

Кога размислуваме за најздраво овошје на светот, најчесто помислуваме на скапи и егзотични плодови како авокадо, гуава или боровинки. Но, едно ново истражување покажува сосема спротивно – вистинскиот „хранлив крал“ можеби веќе се наоѓа во вашата кујна.
Истражувачи од Универзитетот Вилијам Патерсон во Њу Џерси направиле анализа на 41 различно овошје. Тие ги рангирале според нивната хранлива густина – односно, колку есенцијални хранливи материи овошјето нуди по калорија.
На врвот на оваа елитна листа се најде токму лимонот – едно од најдостапните, но често потценети овошја.
Зошто баш лимонот?
• Богат е со витамин Ц – клучен за силен имунитет
• Содржи антиоксиданси што го штитат телото од стрес, загадување и замор
• Помага при настинки, кожни осипи и дигестивни проблеми
• Поддржува детоксикација на црниот дроб и помага при варење
• Содржи калиум – важен за стабилен крвен притисок
• Има флавоноиди кои го штитат срцето
• Нуди растителни влакна кои ја подобруваат дигестијата и го контролираат холестеролот
• Ниската содржина на шеќер го прави погоден и за лица со висок шеќер во крвта
Ова мало, жолто овошје е навистина „суперхрана“ со голема моќ во мала доза. Без скапи инвестиции, без модни трендови – само класично, старо, добро и моќно овошје што со право се искачи на самиот врв на листата.
Ако барате едноставен начин да го подобрите вашето здравје, само додајте парче лимон во вашата чаша вода – и направивте голем чекор напред.
Извор: B92
-
Хроника2 дена
ЖАЛНА ВЕСТ: Душко Чифлиганец ја загуби битката за својот живот откако настрада во фатална сообраќајна незгода на мотоциклистичка трка во Чешка
-
Кичево21 час
Викендов во Кичево СВР Охрид и ОВР Кичево реализираа „Соседска патрола“
-
Хороскоп2 дена
Хороскоп за недела (4 август)
-
Кичево16 часа
(ФОТО) Во с. Челопеци кичевско изгаснат бил избувнат пожар на стрниште речиси до живеалишта
-
Македонија20 часа
Предмалку земјотрес регистриран во западна Македонија, кај Тетово
-
Македонија2 дена
СВР Охрид истакна детали за приведувањето на српскиот пејач
-
Хороскоп13 часа
Хороскоп за вторник (5 август)
-
Македонија1 ден
Кичево, 122 година од битката на „Ѓурѓејца“, 4-ти август 1903 година, симбол на храброст и пожртвуваност