Следете не

Занимливости

Нова студија: Светот ќе изгуби две третини од глечерите до 2100 година поради глобалното затоплување

Објавено пред

на

Глечерите во светот се намалуваат и исчезнуваат побрзо отколку што мислеа научниците, а новата студија во списанието Science предвидува дека дури две третини од глечерите целосно ќе се стопат до крајот на векот.

Технички, доколку човештвото го намали својот придонес во глобалното затоплување и ги исполни меѓународно поставените цели, можно е да исчезнат помалку од половина од глечерите, но тоа е малку веројатно, според научниците.

Во подеднакво неверојатно, најлошото сценарио, доколку климата во светот се загрее уште неколку степени, дури 83 отсто од сите светски глечери може да исчезнат до 2100 година, според авторите на студијата.

За време на работата на студијата, беа испитани сите копнени глечери во светот, од кои има 215.000 на континентите, не сметајќи ги оние на Гренланд и Антарктикот. Затоа ова е посеопфатна студија од сите претходни.

Користејќи модели на различни нивоа на затоплување, научниците користеа компјутерски симулации за да пресметаат колку глечери ќе исчезнат, колку мраз ќе се стопи и колку тоа ќе придонесе за зголемување на нивото на морето.

Светот сега е на пат за пораст на температурата за 2,7 степени Целзиусови од прединдустриското време, што до 2100 година значи губење на 32 отсто од светската глечерска маса, или 48,5 трилиони метрички тони мраз, како и целосно исчезнување на 68 проценти од глечерите. Тоа би додало 115 милиметри на порастот на нивото на морињата и океаните, кои веќе се зголемуваат поради топењето на ледените плочи и потоплата вода, вели водечкиот автор на студијата Дејвид Роунс, глациолог и професор по инженерство на Универзитетот Карнеги Мелон.

Проектираната загуба на мраз до 2100 година се движи од 38,7 трилиони метрички тони до 64,4 трилиони метрички тони, во зависност од тоа колку Земјата се загрева и колку јаглен, нафта и гас се согоруваат.

Студијата пресмета дека сето тоа топење мраз насекаде би додало некаде од 90 милиметри – во најдобар случај, до 166 милиметри во најлош случај – на глобалното ниво на морињата, до 14 отсто повеќе од претходните проекции.

Тоа 166 милиметри покачување на нивото на морето од топењето на глечерите би значело дека повеќе од 10 милиони луѓе ширум светот би живееле на копно под линијата на висока плима. Порастот на нивото на морето во 20 век поради климатските промени бил помал од тоа.

Но, губењето на глечерите значи и намалени залихи на вода за голем дел од светската популација, поголем ризик од поплави и губење на историски места покриени со мраз од Алјаска до Алпите, дури и во близина на базниот камп на Монт Еверест.

Глечерите се клучни за човечкиот живот во повеќето делови на светот, рече заменик-главниот научник на Националниот центар за снег и мраз Твила Мун, бидејќи „глечерите обезбедуваат вода за пиење, земјоделство, хидроенергија и други работи кои го поддржуваат животот на милијарди луѓе. ”

/021

Занимливости

Во најголемиот рудник за јаглен во Полска, истражувачи откриле остатоци од крокодил стар околу 17 милиони години

Објавено пред

на

ФОТО: Juliana e Mariana Amorim @ Unsplash.com

Истражувачи откриле остатоци од древен крокодил стар околу 17 милиони години во најголемиот рудник за јаглен во Полска, Белхатов. Се работи за изумрен вид што припаѓал на семејството гавијали – блиски роднини на денешните крокодили и алигатори – кој живеел во миоценската епоха.

– Најдени биле фосили од череп, заби, скелет и фрагмент од кожна обвивка наречена остеодерм. Овој мал фосилен дел, со дијаметар од само 30 мм, бил откриен во јуни 2023 година во седименти на дното од езеро во рудникот. Иако првично изгледал како обично парче коска, деталната анализа покажала дека станува збор за дел од кожа од крокодил.

Според научниците, остатоците припаѓаат на видот диплоцинодон – изумрен вид влекач. Интересно е што ова е најсеверната точка на која досега се пронајдени фосили од крокодили од миоценот, иако има и постари откритија од периодот на креда, како на пример во Шведска.

Миоценот бил период со топла и влажна клима, што овозможило развој на богата флора и фауна. Крокодилите од тоа време можеле да пораснат и до шест метри, додека помалите, кои живееле во слатки води, достигнувале должина од три метри.

Фосилот сега е сочуван во Музејот на Геолошкиот факултет при Универзитетот во Варшава, а резултатите од истражувањето се објавени во научното списание Acta Palaeontologica Polonica, пренесува notesfrompoland.com

Прочитај повеќе...

Занимливости

„Honda“ неодамна го одбележа 500 милионитиот произведен мотоцикл, јубилејниот мотор беше моделот „Activa“

Објавено пред

на

ФОТО: Unsplash.com / Maarten van den Heuvel

Хонда неодамна го одбележа значајниот успех од 500 милиони произведени мотоцикли и скутери. Јубилејната машина беше скутерот „Activa“, кој излезе од нивната фабрика во Индија.

Производството на мотоцикли започна во 1949 година со моделот „Dream D-Type“ во Јапонија, само една година по основањето на компанијата. Хонда уште од почеток ја имала визијата да се прошири надвор од границите на својата татковина. Првиот нивни производствен погон надвор од Јапонија беше отворен во 1963 година во Белгија.

Со текот на годините, компанијата бележеше континуиран раст. Во 1997 година достигна 100 милиони произведени мотоцикли, а само девет години подоцна веќе имаше 200 милиони. До 2014 година, таа бројка порасна на 300 милиони, а во 2019 достигна 400 милиони возила.

– Во 2018 година, за првпат годишното производство ја надмина границата од 20 милиони единици. Хонда влезе во историјата со легендарни модели како Honda „Cub“ – најпродаваниот мотоцикл во светот, како и „CB 750 Four“ и „Gold Wing“, кој е единствениот мотоцикл со вградена воздушна перница како стандард.

Денес, Хонда произведува повеќе од 20 милиони возила годишно, располага со 37 фабрики ширум светот – од Кенија до Перу, и има мрежа од над 30.000 официјални дилери на глобално ниво, пренесуваат од гигантот за јавноста.

Извор: global.honda

Прочитај повеќе...

Занимливости

Дали сте се запрашале што е разликата помеѓу телевизорите „QLed“ и „OLed“, звучи слично но сепак се различни

Објавено пред

на

ФОТО: Unsplash.com / Kevin Woblick

Ако сте во потрага по нов телевизор, сигурно сте се запрашале за оваа работа поради големиот избор и разни технички поими. Меѓу нив најчесто се спомнуваат „QLED“ и „OLED“, два вида технологии кои иако звучат слично, работат на сосема различен начин.

Што значат овие термини?

  • OLED значи „органска диода што емитува светлина“. Кај OLED, секој пиксел сам по себе свети или се гаси, што овозможува совршена црна боја и бесконечен контраст.

  • QLED (термин што го користи Samsung) значи „Quantum Dot LED“. Тоа е всушност напредна верзија на LCD телевизор, каде што се користи слој од квантни точки за подобри бои, но сепак е потребно LED позадинско осветлување.

Како функционираат?

  • OLED технологијата користи „емисивни“ пиксели – тие сами ја создаваат светлината.

  • QLED се потпира на надворешен извор на светлина кој ја осветлува екранот преку неколку слоеви.

Квантните точки кај QLED се мали честички кои светат со специфична боја кога ќе бидат осветлени, а тоа помага сликата да биде поостра и поразновидна во боите.

Кој ги произведува?

Samsung е лидер во QLED технологијата и нуди многу модели во 4K и 8K резолуција. Но и TCL, Amazon и други компании имаат свои QLED телевизори.

LG е водечки производител на OLED телевизори, но и Sony, Sharp, а од неодамна и Samsung нудат OLED модели. Всушност, сите OLED панели што ги гледате на пазарот се произведени од LG или Samsung.

Samsung од 2022 година прави и свои QD-OLED панели, кои ја комбинираат OLED основата со квантни точки за подобра осветленост и боја.


Споредба: OLED vs QLED

1. Контраст и црна боја:
OLED победи без конкуренција. Пикселите можат целосно да се исклучат, па црната боја е вистински црна, не сивкаста како кај QLED. Кај QLED, светлината од позадината често „протекува“, па белите објекти може да имаат ореол околу нив.

2. Осветленост:
QLED телевизорите се посветли, што е важно во простории со многу светлина. Но, OLED иако е послаб по светлина, благодарение на контрастот сè уште нуди подобар HDR ефект.

3. Гледање од страна:
OLED ги задржува боите и контрастот без разлика од каде го гледате екранот. QLED може да изгуби на квалитет при аголен поглед.

4. Резолуција и боја:
И двете технологии поддржуваат 4K и 8K. Нема голема разлика во обработката на бојата, иако QD-OLED дава мала предност во боите.

5. Големина и цена:
QLED телевизорите се поевтини и достапни во повеќе големини – од 32 до 98 инчи.
OLED телевизорите се поскапи, особено во големи димензии (над 65 инчи), и обично ги има од 42 до 97 инчи.

Прочитај повеќе...

Facebook

Последни објави

На денешен ден11 часа

Времеплов: На денешен ден – 25 јуни

На денешен ден 25 јуни, хронолошки подредени значајни настани што се случиле низ различни години и делови на светот. Еве краток...

Спорт11 часа

Бенфика приреди вистинска сензација, Баерн беше поразен, но со втората позиција продолжува понатаму

Бенфика приреди вистинска сензација на Светското клупско првенство, совладувајќи го Баерн Минхен со минимални 1-0 во Шарлот и обезбедувајќи го...

Хороскоп12 часа

Хороскоп за среда (24 јуни)

ОВЕН Оние од вас кои планираат пократко патување денес можеби ќе бидат задоволни, особено ако се работи за семејна посета....

Магазин24 часа

Најбрз домашен сладолед со само една состојка

Верувале или не, за овој вкусен и кремаст сладолед потребна ви е само една состојка – банана. Ова е одличен...

Магазин24 часа

Летен десерт со само две состојки – готов за 5 минути!

Ако барате нешто брзо, лесно и освежително за време на горештините, овој мус од малина во чаша е совршен избор....

Автомобили24 часа

Toyota го претстави првиот електрифициран Land Cruiser во Европа

Кон крајот на 2024 година, Toyota ја освежи понудата на својот легендарен SUV модел, а сега пристигнува и хибридната верзија...

Хороскоп2 дена

Хороскоп за вторник (24 јуни)

ОВЕН Може да очекувате полека, чекор по чекор, успех на деловно поле. Може да се надевате на средба со личноста...

Македонија2 дена

Ново поскапување на сите горива од ноќеска, ова е новата цена за литар

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит, во однос на малопродажните цени утврдени...

Временска прогноза2 дена

Попоски: Од денес па натаму висок УВ индекс и температури до 40°C

Територијата на нашата Република Македонија од денес (понеделник 23 јуни па се до петок 27 јуни) ќе биде под влијание...

Хороскоп3 дена

Хороскоп за понеделник (23 јуни)

ОВЕН Целото ваше внимание е насочено кон некој семеен проблем. Денес ќе се случи конечната кулминација на сето тоа а...

НАЈЧИТАНИ