Вечерва 14 јануари, во прекрасен амбиент на големата сала на НУЦК „Кочо Рацин“ се одржа долгоочекуваниот трет „Новогодишно-Божикен“ концерт на традиционални празнични каланди во град Кичево.

На наша голема радост и радост на кичевчани, овој свечен настан со своето присуство го збогатија нашиот Старец и Епископ г. Партениј, гостин беше, Митрополит Крушевско-Демирхисарски, г. Јован, Архимандрит Доситеј Бигорски, Архимадрит Кирил Бигорски и останатите, монахињите од Манастирите Пречиста, Кнежино и Рајчица, како и монасите од Бигорски Манастир.

– Преку нашиот медиум се користи таа прилика јавно да се истакне благодарност за присуството и поддршката до сите чинители, добронамерници, соработници, општинската локална самоуправа на град Кичево, како и до директорот на НЦУК „Кочо Рацин“ г-дин Мазлам Османи за можноста за реализација на овој празничен настан.

Сите почести и за учесниците за одличната музичка мелост на „Чалгии Мерак“, дел од оркестарот на Филхармонија, како и кичевскиот Хор Митрополит „Козма Пречистански“, но и за актерите кои за прв пат на сцената ја одиграа детската претстава „Божиќна авантура во градот на снегулките”, адаптирана од страна на искусниот драматург г-ѓа Билјана Крајчевска, а според истоименото книжевно дело на г-ѓа Марија Ангеловска Дангева. Претставата беше во режија на г-дин Владо Дојчиновски и г-дин Никица Јанковски, а е изведена од нашите најмлади и најмили: Нина, Марија и Матеј. 

Ние како и секоја година, заедно со Digital Centar Media и Димитар Павлески тука сме да дадеме максимална медиумска, како и видео/фото поддршка.

Проследете ги најубавите моменти од настанот преку нашиот фото објектив во продолжение..

Ви посакуваме среќен и благословен Божиќ и Новата 2024 година да Ви биде исполнета со љубов, радост, мир и среќа.