На 17.08.2025 во 15:25 часот, полициски службеници од ОВР Кичево ја лишиле од слобода Џ.З.(46) од кичевското село Стрелци. При контрола во патниот сообраќај на улицата „Магистрален пат“ во Кичево, полициските службеници сопреле патничко возило „мерцедес“ со австриски национални ознаки, при што констатирале дека таа го управува возилото со брзина од 107 километри на час на место каде со сообраќаен знак има ограничување на брзината од 50 километри на час.

Против неа ќе биде поднесена кривична пријава по член 297-а од Кривичниот законик – „безобѕирно управување со моторно возило“, известува за јавноста Министерството за внатрешни работи

Предмалку од извори на терен дознаваме дека формиран е поголем сообраќаен метеж поради случена сообраќајка на превој „Стража“, во непосредна близина на бензинската пумпа „Лукоил“

Учесници во сообраќајката биле пмв. „Голф“ и мотор.

На терен се забележани медицински екипи на Општа Болница – Кичево и Полициски службеници при ОВР Кичево.

Дополнителни информации за здравјето на учесниците немаме.

Обновено инфо: Две медицински возила се забележани према Скопје

Повеќе детали очекуваме во текот на утрешниот ден од СВР Охрид.

Со радост ве известуваме дека за прв пат во Македонија, манастирот Богородица Пречиста, познат по својата долга и развиена сточарска дејност, се погрижи жителите на градот Кичево и околината да имаат можност да набавуваат свежо, органско кравјо млеко, директно од манастирската фарма. Повеќегодишното искуство во сточарството и млекарството на жителите во манастирот, донесе голем раст во поглед на модернизацијата и зајакнувањето на земјоделските задруги, меѓу кои една се наоѓа токму над градот Кичево, на 1000 м. надморска височина, „Крнино“.

Официјално со работа стартува во сабота 16 август со почеток од 12:00ч.

Грантот за поддршка на земјоделскиот сектор финансиран од ЕУ од ИПА 2019 програмата, додели на земјоделската задруга млекомат и молзилиште. Тоа придонесе за одличен резултат во поглед на хигиената, односно за врвен квалитет.

Како што не известуваат за нашиот медиум официјалните лица, млекото е достапно преку современ млекомат, кој овозможува да го добиете производот секогаш свеж, со зачувани природни хранливи својства, кои се особено важни за човековото здравје. На овој начин, секој може брзо и лесно да ужива во вкусот на вистинското, непастеризирано млеко, без додатоци и конзерванси.

– Млекоматот се наоѓа во центарот на градот, односно во непосредна близина на стариот објект на Општина Кичево или сегашно седиште на ЈП Комуналец и работи постојано.

Секој што ќе посака има можност да проба од овој еликсир за здравјето и сам да се послужи во секое време во текот на целото деноноќие. Одбраниот производ и неговата количина е во релација со потребната сума која купувачот сам ја внесува во млекоматот. Во исто време, млекоматот нуди можност да се одбере калап и од манастирското органско сирење.

Се’ што треба да се направи е да се одбере посакуваната шифра на производот, да се плати износот, а потоа, заедно со најблиските, да се ужива во вкусот на манастирското кравјо сирење, стои во официјалното известување за јавноста.

Ние веќе одиме да ги вкусиме млечните производи, а вие?