Временска прогноза
Од овој четврток па сѐ до недела екстремно топол бран ќе ја зафати Македонија, додека УВ индексот ќе биде 9
![](https://porta.mk/wp-content/uploads/2018/08/9.8.soncanje-senka1.jpg)
Под влијание на екстремно топла, сува и стабилна воздушна маса со потекло од северните предели на Африка, од четврток до недела во Македонија времето ќе биде сончево, екстремно топло и суво со мала локална облачност. Температурите насекаде во Македонија ќе надминуваат 30 степени, а во поголем дел тие ќе се искачуваат до околу 35 степени, додека во Скопската котлина, во централните и во југоисточните предели температурата локално ќе се искачи до околу 40, 41 степен.
За време на овој екстремно топол бран, од Сахара над нашата територија и понатаму ќе биде присутна прашина и песок па така и атмосферата нема да биде во целост чиста, а времето ќе биде многу мачно и спарно. Токму поради ова температурите ќе се чувствуваат како да се многу повисоки од реално измерените.
Почитувани, во пресрет на екстремно топлиот бран од Африка, апелираме без потреба да не се излегува во најтоплиот дел од денот, односно од 11 до 17 часот, но и да се пие повеќе течности. Ув индексот во следните денови ќе има екстремно висока вредност 9, за порта.мк пишува Славчо Попоски
Временска прогноза
Од утре по свежо, пред нас стабилен викенд без врнежи од дожд со температури до 30 степени, ова се метео вестите..
![](https://porta.mk/wp-content/uploads/2018/04/makedonija-vo-oblaci-sonce-i-veter-184631-900x600.jpg)
Променливо, но посвежо време ќе имаме и утре. На места локална појава на повремен пороен дожд и грмежи, но сепак условите за силно невреме за среќа позначително ќе се намалат. Услови за повремен пороен дожд и поретки грмежи ќе има во Скопје. Што се однесува до температурите тие утре ќе се искачуваат во интервалот од 23 до 30 степени. Во Скопје максималната дневна температура утре ќе се искачи до околу 30 степени.
За време на викендот во Македонија ќе имаме краткотрајно стабилизирање на времето, што значи не очекува сончев и топол викенд со максимални дневни температури кој ќе се искачуваат во интервалот од 30 до 38 степени, во Скопје до околу 35 степени.
Од почетокот на следната седмица не очекува нова позначителна дестабилизација на времето и ново невреме, како и позначително опаѓање на температурите, пишува Славчо Попоски
Временска прогноза
Славчо Попоски повторно апелира за нови временски непогоди во Македонија, за следните часови и вечерва – ова се деталите
![](https://porta.mk/wp-content/uploads/2022/09/dozd_p0rtamk.jpg)
Територијата на Македонија продолжува да биде под влијание на циклонската активност која е со центар над Средоземјето. Во вакви околности денес попладне и во вечерните часови во поголем дел од Македонија ќе има развој на нестабилна облачност проследена со пороен дожд, грмежи и со засилен ветер.
Локално и на повеќе места повторно процесите ќе бидат застапени во форма на силно невреме, проследено со обилен пороен дожд за кратко време кој би можел да предизвика локални поројни поплавувања, силен ветер, силни грмежи и електрични празнења како и со појава на крупен град. Вакво силно невреме особено се очекува во западната половина од државава, како и во северните предели. Услови за ново посилно невреме ќе има и во делови од Скопската котлина.
Апелираме во случај на појава на силно невреме и на електрични празнења да не се претстојува на отворен простор и под осамени дрвја, исто така во случај на појава на крупен град автомобилите да се заштитат.
Инаку продолжуваат високите температури во Македонија, па така максимумот на истите ќе се искачува во интервалот од 30 до 38 степени, во Скопје до околу 35 степени, за Порта.мк пишува Славчо Попоски
Временска прогноза
Попоски: Силно невреме му се заканува на Балканскиот полуостров, односно БиХ, соседна Србија и Хрватска
![](https://porta.mk/wp-content/uploads/2023/06/dozd_oblaci-scaled.jpg)
Атмосферата е премногу загреана и тоа поради повеќе дневното присуство на екстремно топлиот бран од Африка, од друга страна продорот на значително посвеж воздух од Атлантикот преку западна и северозападна европа, потоа преку централна европа и Алпскиот регион ќе предизвика формирање на секундарен висински циклон над Средоземјето.
Во ваква ситуација, утре 22,06.2024 во попладневните часови во источна Хрватска, северните и источните предели на Босна и Хрцеговина, како и западна и централна Србија ќе бидат на удар на локални силни временски непогоди, кои дури би можеле да бидат опасни и по човечкиот живот. Овие временски непогоди ќе се задржат и во недела, како и во почетокот на следната седмица, но со тоа што ќе ги има многу повеќе и на повеќе места на Балканот, вклучувајќи ја и нашата Македонија.
Од појави ќе има, обилни поројни врнежи од дожд, силни грмежи и електрични празнења, бурен ветер, како и со појава на крупен град. Да напоменеме дека можни се и штети, како и локални поројни поплавувања.
Апелираме, граѓаните во овие предели , секако и нашите граѓани кои се таму да бидат крајно внимателни, и во случај на појава на силно невреме и на силни електрични пранзења да не претстојуваат на отворен простор и под осамени дрвја, а автомобилите во случај на појава на крупен град исто така да се заштитат. Во ваква ситуација, можно е формирање и на Суперќелијски облаци во одредени места од споменатите области, пишува Славчо Попоски
-
Хороскоп1 ден
Хороскоп за четврток (27 јуни)
-
Кичево18 часа
„Турнир во мал фудбал“ с.Вранештица – Кичево, традиција, спорт, дружење и одличен амбиент. Од денес официјално започнува пријавувањето на екипите, биди дел!
-
Хороскоп7 часа
Хороскоп за петок (28 јуни)
-
Кичево14 часа
(ФОТО+ВИДЕО) Предмалку ТППЕ Кичево изгаси пожар кон кичевско Раштани, опожарена беше сува трева
-
Временска прогноза9 часа
Од утре по свежо, пред нас стабилен викенд без врнежи од дожд со температури до 30 степени, ова се метео вестите..
-
Скопје2 дена
Ја уценувал девојката доколку не му даде пари ќе објави компромитирачки видеа
-
Магазин2 дена
SpaceX започнува со продажба на Mini Starlink
-
Lifestyle18 часа
Зошто сонот е суштински за вашето здравје: науката зад спиењето