Временска прогноза
Од понеделник месец септември ќе наликува на месец ноември, со тоа што на многу места ќе има обилни врнежи од дожд и пад на температурите – ова се деталите..
Големата промена на времето во текот на следната седмица на Балканот му е загарантирана, а со оваа промена доаѓа и крајот на долгото тропско лето. Оваа голема промена на времето која ја очекуваме уште од понеделник (9.9.2024), ќе донесе и опасност од големи поплави на повеќе места низ регионот.
Станува збор за циклонски систем кој ќе биде со центар некаде над Средоземјето и истиот полека ќе се преместува према Јадранот. Во ваква ситуација на многу места ќе има доста обилни врнежи од дожд, проследени со грмежи, силен ветер како и локална појава на силно невреме, а можна е и појава на град.
Екстремно количество на воден талог во текот на следната седмица очекуваме да падне во Алпскиот Регион, потоа долж обалата на Јадранот како и на северен Јадран, во поголем дел од Хрватска, северот и северозападот на Босна и Херцеговина, како и во Црна Гора и Албанија. Во овие делови очекувме локално да наврне и над 200 литри дожд на м/2, локално и над 250/300 литри дожд на м/2.
Апелираме нашите граѓани кои се наоѓаат во овие области, но и оние кои планираат одмор некаде во регионот, во никој случај тоа да не го прават во текот на следната седмица, и да не патуваат на овие места, и тоа поради очекуваните големи поплави. Температурите драстично ќе паднат и тие ќе бидат далеку потпросечни за месец септември, и повеќе ќе наликуваат како за ноември, од колку за септември месец.
Значително количество на воден талог во текот на следната седмица се очекува и во Македонија, на повеќе места ќе наврне над 30 литри дожд на м/2, локално и над 50 литри дожд на м/2, со што и во Македонија се можни локални поројни поплавувања. Температурите драстично ќе паднат и кај нас, особено во вториот дел од следната седмица.
Секако, доколку пак ја одберете дестинацијата за одмор соседна Грција, и таму очекуваме доста обилни врнежи во текот на следната седмица и голем пад на температурите. И во оваа соседна држава не се исклучува можноста од локални поројни поплавувања, што значи нема да ви биде во прилог да одете на одмор и во оваа соседна наша држава, за нашиот медиум изјави истакнатиот метеоролог Славчо Попоски
Временска прогноза
Оваа седмица продолжува периодот на под просечни температури за септември со чести врнежи од дожд и грмежи
Циклонската активност која не зафати уште од изминатата седмица, продолжува и во текот на оваа, и истата ќе условува да имаме чести повремени локални врнежи од дожд и тие локално ќе бидат поројни и проследени со грмежи како и со засилување на ветерот. И во Скопскиот регион во текот на оваа седмица продолжува променливото време со повремени врнежи од дожд, во делови од котлината тие повремено ќе бидат поројни и со услови за појава на грмежи, како и со засилување на ветерот.
Што се однесува до температурите, тие остануваат невообичаено ниски за месец септември, па така наутро на многу места ќе се спуштаат и под 10 степени, понекаде и под 5 степени, а особено на високите планински места температурата очекуваме да се спушти и до околу нулата, со што е можна и појава на првиот мраз за оваа сезона. Преку ден исто така останува свежо со максимални дневни температури кои ќе се искачуваат во интервалот од 16 до 24 степени. Во Скопје наутро температурата ќе се спушта во интервалот помеѓу 9 и 14 степени, додека максималната дневна температура ќе се искачува во интервалот помеѓу 21 и 24 степени.
Да напоменам дека ладниот и влажен бран кој изминатата ноќ ја зафати Македонија, го донесе првиот снег за оваа сезона и на високите предели на Шар Планина, претходно снег падна и на Пелистер, за Порта.мк пишува Славчо Попоски
Временска прогноза
Викендов големо заладување на времето, ќе дува силен ветер, а ќе имаме и дожд
Добро утро почитнувани читатели. За време на овој викенд, и тоа особено од утре (недела), и тоа поради продор на многу поладен воздух од север, ни следува дополнително заладување на времето, а сето ова ќе биде проследено и со повремени локални врнежи од дожд со променлив интензитет.
Денес (сабота) повремено ќе дува силен ветер од југозападен правец (повремено и локално со брзина од над 70 км/час), додека утре (недела) повремено ќе дува засилен ветер од северен и од северозападен правец.
И во Скопскиот регион за време на овој викенд ќе има појава на повремен локален дожд. Денес (сабота) повремено ќе дува засилен југозападен, а утре (недела) северозападен ветер.
Поради падот на температурите на воздухот, не се исклучува можноста на највисоките планински врвови во Македонија (над 2000 м.н.в) да провее и првиот снег за оваа сезона.
Што се однесува до температурите, тие ќе бидат далеку под просекот за месец септември, особено од утре (недела), кога максималните дневни температури на воздухот ќе се искачуваат во интервалот само од 14 до 23 степени.
Во текот на утрешното неделно утро пак минималните температури ќе се спуштаат во интервалот од 4 до 13 степени, пишува Славчо Попоски
Временска прогноза
Од утре нашиот регион влегува во нов подолг период на променливо време со чести врнежи од дожд
По краткотрајната стабилизација на времето која ја имаме, веќе од утре (петок) влегуваме во нов подолг период на променливо време со чести врнежи, додека поради продор на многу поладен воздух од север, температурите дополнително ќе опаднат и ќе бидат невообичаено ниски за овој период од годината.
Утре (петок) од запад ќе се прошират нови врнежи од дожд, локално поројни и проследени со грмежи како и со засилен ветер. Локално се можни поинтензивни атмосферски процеси во форма на невреме. Утре (петок), како и во сабота ќе дува повремено засилен ветер од јужен и од југозападен правец (повремено и локално со брзина од над 70 км/час).
Во сабота и во недела ќе има појава на повремен локален дожд, додека во текот на следната седмица и тоа под влијание на серија влажни воздушни бранови повремено ќе имаме пообилни врнежи од дожд. Поради падот на температурите, за време на викендот, како и во текот на следната седмица, не се исклучува можноста на највисоките планински места (над 2000 м.н.в) да има провејување и на првите снегулки за оваа сезона.
И во Скопскиот регион утре (петок) се очекуваат нови врнежи од дожд, а ќе дува и засилен јужен ветер. Во делови од котлината врнежите ќе бидат поројни со услови за појава на грмежи. Во сабота и недела во делови од котлината ќе има услови за краткотраен дожд, а во текот на следната седмица повремено ќе има пообилни врнежи од дожд.
Што се однесува до температурите, тие наутро, но и преку ден ќе бидат невообичаено ниски за овој дел од годината. Наутро на многу места тие ќе се спуштаат под 10 степени, понекаде и под 5 степени, а особено на повисоките и на високите планински места тие ќе се спуштаат и до околу, па дури и под нулата. Не се исклучува можноста за време на викендот, како и во текот на следната седмица во Македонија да се појави и првиот утрински мраз за оваа сезона, особено на високите и на планинските места.
Максималните дневни температури пак , од викендов, па и во текот на следната седмица ќе се искачуваат во интервалот претежно од 15 до 23 степени, пишува Славчо Попоски
-
Хороскоп2 дена
Хороскоп за недела (15 септември)
-
Хороскоп15 часа
Хороскоп за понеделник (16 септември)
-
Кичево20 часа
Кичевското планинарско друштво „Ендорфин“ со марш во чест на првото училиште по македонски јазик во с.Подвис
-
Македонија58 минути
Од ноќеска солидно намалување на цените на сите нафтени деривати
-
Автомобили1 ден
Fiat е принуден да го прекине производството на моделот 500e
-
Магазин1 ден
Најновите модели на iPhone 16 се полнат побрзо преку кабел
-
Спорт2 дена
Ѓоковиќ: „Моментално ми се важни грен слемовите и репрезентацијата, Торино не е приоритет“
-
Магазин1 ден
Нов модел со вештачка интелигенција може да размислува како луѓе