Временска прогноза
Од понеделник сув студ со доста ниски утрински температури – Ова се деталите

Во текот на следната седмица, и тоа почнувајќи од понеделник (3 февруари) па се до крајот на седмицата ќе бидеме под влијание на значително поладна, но сува воздушна маса од североистокот и од истокот на Европа. Истата ќе услови значително пониски температури на воздухот, особено во утринските часови кога тие насекаде ќе се спуштаат под нулата.
Во делови од Македонија, особено во Пелагониско, Беровскиот регион, како и на планинските места и на Скијачките центри температурите наутро ќе се спуштаат и до околу -10 степени, локално и под -10 степени. Преку денот пак тие на повеќе места нема да надминуваат 5 степени, односно тие ќе се искачуваат во интервалот од 3 до 9/10 степени. На планинските места, како и на Скијачките центри ќе биде значително поладно.
Со овој ладен продор, повремено ќе дува засилен ветер од северен и од североисточен правец, кој се очекува значително да го прочисти воздухот низ котлините кои се многу загадени во моментов, секако, вклучувајќи ја и Скопската котлина.
Само да напоменам, дека само во понеделник (3 февруари) ќе има локални послаби врнежи од дожд и снег на планините со надморска височина од над 1500/1600 метри надморска височина, информира Славчо Попоски
Временска прогноза
Доаѓа прилив на Африкански бран кој ги носи посакуваните летни температури

Сепак, според последните метеоролошки информации почнувајќи од викендов, особено од недела (1 јуни) во Македонија ќе започне приливот на топол воздух со потекло од Африка. Во ваква ситуација температурите значително ќе бидат во пораст, што значи дека, конечно може да очекуваме летни температури на воздухот.
Инаку, за време на викендот, односно во сабота и недела (31 мај/1 јуни) времето во Македнија ќе биде сончево со мала до умерена облачност а ќе дува и слаб до умерен ветер од северен правец. Ќе има услови и за ретка појава на краткотраен дожд со ретки грмежи.
И во Скопје и околината, за време на викендот ќе започне порастот на температурите на воздухот, а времето ќе биде претежно стабилно, суво и сончево со мала облачност и со слаб до умерен ветер од северен правец.
Температурите, како што погоре напоменав, особено од недела (1 јуни) ќе бидат летни и во значителен пораст и ќе се искачуваат во интервалот од 20 до 28 степени.
Во Скопје и околината температурата за време на викендот ќе се искачи до околу 27 степени, информира Славчо Попоски.
Временска прогноза
Од утре нов бран на врнежи од дожд, проследен со северен ветер

Во текот на оваа работна седмица повремено ќе дува засилен ветер од северен и од северозападен правец кој ќе биде најизразен во Повардарието (повремено и локално со брзина од над 60/70 км/час).
Времето ќе биде променливо облачно со сончеви периоди, од утре (вторник 27 мај) па во деновите потоа ќе има локална појава на нестабилност, проследена со пороен дожд, грмежи и засилен ветер.
И во Скопје и околината повремено ќе дува засилен ветер од северен и од северозападен правец (во делови од котлината повремено со брзина од над 60 км/час). Времето ќе биде променливо облачно со сончеви периоди.
– Од утре (вторник 27 мај) па во деновите потоа во делови од котлината ќе има услови за нестабилност, проследена со пороен дожд, грмежи и засилен ветер.
Што се однесува до температурите, тие остануваат со потпросечни вредности за крајот на месец и мај, и тие преку ден ќе се искачуваат во интервалот од 18 до 25 степени.
Наутро и понатаму исто така останува релативно свежо со минимални температури кои ќе се спуштаат во интервалот од 5 до 12 степени, додека на високите и планинските места тие повремено ќе се спуштаат и под 5 степени, рано утрово истакна Славчо Попоски
– Инаку денес на метеоролошката карта може да забележиме дека утрово температурите на повеќе места се близу 0 степени, а на повисоките места, односно во Лазарополе бележиме и минусна негативна температура од -1 степен. Имаме и појава на слаб мраз утринава.
Временска прогноза
Затоплување нема ни под разно! Невообичаен период за последната седмица од мај месец!

Под влијание на ладен и влажен воздушен бран од север и од североисток, денешниот ден (недела 25 мај) во Република Македонија ќе биде многу ладен и дождлив насекаде, Локално, особено во јужните и во источните предели врнежите ќе бидат обилни (во овие предели ќе наврнат нови над 20/30 литри дожд на метар квадратен).
Поради падот на температурте, на планините со надморска височина од над 1600/1700 метри ќе има повремени врнежи од снег, со што можно е формирање на помала снежна покривка.
И во Скопје и околината денешниот ден (недела 25 мај) ќе биде дождлив и ладен.
Ќе дува умерен, повремено засилен ветер од северен правец, најизразен во Повардарието каде повремено и локално ќе достигнува брзина од над 60 км/час.
Температурите ќе бидат значително потпросечни за овој период од годината и тие ќе се искачуваат во интервалот само од 10 до 18 степени. Во Скопје температурата денес (недела 25 мај) ќе се искачи само до околу 15 степени.
Потпросечните температури на воздухот ќе се задржат и во периодот од (понеделник 26 мај, до недела 1 јуни). Понеделник (26 мај) ќе биде претежно стабилен и сув ден, додека ново дестабилизирање на атмосферата и нови врнежи ни следуваат веќе од вторник (27 мај), предмалку за Порта.мк извести Славчо Попоски
-
Хороскоп2 дена
Хороскоп за вторник (27 мај)
-
Хороскоп23 часа
Хороскоп за среда (28 мај)
-
Временска прогноза16 часа
Доаѓа прилив на Африкански бран кој ги носи посакуваните летни температури
-
Македонија1 ден
Скопјанец „летал“ со автомобилот во пробиштипско, на место каде е дозволено 40, тој управувал со брзина од 101 км/ч
-
Занимливости1 ден
Во најголемиот рудник за јаглен во Полска, истражувачи откриле остатоци од крокодил стар околу 17 милиони години
-
Свет1 ден
Ноќеска во Грција регистриран земјотрес со јачина од 5 степени според Рихтеровата скала
-
Македонија4 часа
Директорот на БЈБ Јанев во посета на СВР Охрид, ОВР Струга, ПО во с.Велешта и ПС за ГП аеродром „Св.Апостол Павле“
-
Македонија11 часа
На старица од Прилеп и украле златно ланче, експресно биле фатени од Полицијата