Временска прогноза
Од утре повторно потопла облека, можна е и појава на локално невреме – Ова се најновите метео вести…

Ова попладне особено во централните и во источните предели од Македонија, како и во Скопскиот регион е нестабилно со локална појава на пороен дожд, грмежи и засилен ветер. Локално е можна и појава на НЕВРЕМЕ.
Под влијание на влажна и СТУДЕНА воздушна маса од север, од утре па се до крајот на оваа недела времето во Македонија ќе биде променливо облачно со повремени врнежи од дожд. Локално врнежите ќе бидат ПОИНТЕНЗИВНИ и овие денови се очекува да наврне ЗНАЧИТЕЛНО количество на воден талог (над 30 л/м2).
Ќе дува умерен, повремено и локално засилен ветер од југоисточен правец.
Во Скопје и околината исто така следуваат почести врнежи од дожд и ЗНАЧИТЕЛНО ПОНИСКИ температури.
Температурите од утре па натаму ќе бидат МНОГУ ПОНИСКИ за разлика од денешните, и истите ќе бидат ЗНАЧИТЕЛНО под просекот за месец мај и ќе се искачуваат во интервалот од 10 до 16, 17 степени во најтоплите југоисточни предели. Наутро и во ноќните часови температурите на многу места ќе паѓаат под 10 степени.
На планините во регионот со овој студен бран повторно се очекува СНЕГ, за нашиот портал пишува Славчо Попоски.
Временска прогноза
Попоски овјави метео прогноза за 1- мај

За 1-ви мај, метео анализа која сите вас ве интерезира, ќе имаме многу постабилна атмосфера за разлика од сега, а ќе биде и потопло со повисоки температури на воздухот. Времето ќе биде сончево со појава на умерена локална облачност, но ќе биде ветровито и покрај тоа што ќе биде топло, односно, ќе дува умерен до засилен ветер од северен и од североисточен правец.
Сепак, во попладневните часови можна е ретка појава на краткотраен пороен дожд со ретки грмежи, но ова и не би било нешто сериозно, што значи може да си го планирате празникот за на отворен простор и за правење скара на отворено.
Инаку, температурите за 1-ви мај ќе се искачуваат во интервалот од 19 до 26 степени, утрово истакна Славчо Попоски.
Временска прогноза
Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23 април) па се до самиот крај на оваа недела времето ќе биде променливо облачно со честа појава на повремени врнежи од дожд, проследени со појава на грмежи.
Локално Атмосферските процеси ќе бидат поинтензивни и во форма на невреме, проследено со обилен пороен дожд за кратко време кој може да услови локални поплавувања, силен ветер, електрични празнења и со појава на град. Токму поради ова апелирам на поголема внимателност.
И во Скопје и околината следува период на многу променливо време со повремен дожд. Во делови од колтината ќе биде нестабилно облачно со пороен дожд, грмежи, засилен ветер и со услови за појава на невреме.
Што се однесува до температурите, тие до крајот на оваа работна недела ќе бидат без поголеми промени во однос на оние кои ги имаме сега, а постепено опаѓање на истите ќе има за време на викендот.
За време на овој нестабилно – влажен период локално во нашата Република Македонија ќе наврне значително количество на воден талог (над 35 литри дожд), пренесува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
-
Кичево2 дена
ОВР Кичево во текот на вчерашниот ден со полни раце работа!
-
Хороскоп2 дена
Хороскоп за недела (27 април)
-
Хороскоп12 часа
Хороскоп за понеделник (28 април)
-
Кичево24 часа
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“
-
Спорт15 часа
ФФМ со експресно соопштение ја извести јавноста во врска со случајот ФК Гостивар
-
Здравје и убавина18 часа
Мувлата на овошјата може да доведе до несакани последици по здравјето на човекот
-
Скопје14 часа
СВР Скопје изрече 96 санкции, 41 од нив биле за возење со брзина поголема од дозволената