Временска прогноза
Од утре вечер и сабота можно формирање снежна покривка во западните делови, како и планинскиот превој „Стража“

До утре времето во Македонија ќе се задржи стабилно, суво и сончево, но сепак полека облачноста ќе се зголемува, утре вечер и во текот на ноќта кон сабота, како и самиот ден, и тоа особено во западните предели, ќе има врнежи од дожд. Поради продор на постудена воздушна маса од север ќе започне да дува засилен ветер од северен и од североисточен правец. Токму поради ова на планините над 1200 м.н.в во западните предели, ќе има и повремени врнежи од снег и се очекува формирање на снежна покривка. Според надморската височина превој „Стража“ е прв и најблиску каде што се можни провејувања на снег, така што апелираме за значително поголемо внимание.
Од недела па натаму повторно следува период на претежно стабилно и суво време. Температурите до петок ќе се искачуваат во интервалот од 14 до 20 степени, додека за време на викендот истите ќе бележат тенденција на значителен пад и максималните дневни температури на воздухот ќе се искачуваат во интервалот од 7 до 15 степени.
Во Скопје и околината до петок времето ќе се задржи стабилно и суво, додека во текот на ноќта петок кон сабота ќе има услови за повремени врнежи од дожд кога ќе дува и засилен ветер од северен правец. Температурата ќе се искачува до околу 17 степени, за Еспресо истакна метеопрогнозерот Попоски и напоменува дека до петок по одделни котлини и речни долини во утринските и ноќните часови ќе има појава на магла и на ниска облачност.
Временска прогноза
Еве какво време не очекува викендот пред нас

Под влијание на нов ладен и влажен воздушен бран од север, поврзан со циклонската активност која ќе биде со центар над Средоземјето, во петок попладне и навечер најпрвин врнежите ќе бидат од дожд и локално ќе бидат пообилни, особено во сабота.
Како што напоменав, поради продор на ладен воздушен бран од север, во сабота на 21 Декември ќе дува засилен ветер од северен правец, па така на повисоките места и на планините ќе има врнежи од снег, каде на планините постојаната снежна покривка ќе се зголеми, а снежна покривка ќе се формира и на повисоките места.
Исто така, во сабота на 21 Декември, поради споменатиот продор на значително поладен воздух од север, повремени врнежи од снег ќе има и во повеќе пониски места (градови), особено во северните и во западните предели, па токму во споменатите места можно е формирање на помала снежна покривка.
Во Скопје и околината за време на овој ладен и влажен бран од север, ќе има врнежи од дожд, а во сабота на 21 Декември на околните планини ќе има врнежи од снег каде ќе се формира снежна покривка. Услови за послаби врнежи од снег ќе има и во повисоките предели од котлината, а не се исклучува можноста по некоја снегулка да се појави и во делови од пониските предели од котлината. Сето ова исто така и во Скопскиот регион ќе биде проследено со засилен ветер од северен правец.
Температурите во сабота значително ќе опаднат и преку денот ќе се искачуваат во интервалот само од 0 до 8 степени, во Скопје и околината таа ќе се искачи до околу 4 степени, информира Славчо Попоски
Временска прогноза
Засилен ветер и снег е новата метео анализа за викендот кој ни доаѓа

Во петок на 20 декември попладне, преку ноќта кон сабота и во сабота 21 декември територијата на Македонија ќе биде зафатена од нов ладен и влажен воздушен бран од север, и истиот е поврзан и со циклонска активност со центар над Средоземјето.
Во ваква ситуација ќе има нови пообилни врнежи од дожд, а на планините и на повисоките места до околу, па и под 1000 метри, а во сабота понекаде и во пониските места, особено во западните и во северните предели ќе има врнежи од снег. На планините ќе дојде до зголемување на постојаната снежна покривка, а снежна покривка ќе се формира и во повисоките места.
Помала снежна покривка можно е во сабота на 21 декември да се формира и во некои од градовите особено на западот и на северот од Македонија.
Што се однесува до Скопје и околината, исто така тие денови ќе има врнежи од дожд, а особено во сабота поради продор на ладен воздух од север, на околните планини ќе има врнежи од снег, а услови за повремен послаб снег ќе има и во повисоките предели од котлината. Не се исклучува можноста ретка појава на провејување на снег да се појави и во пониските предели од котлината.
Во сабота повремено ќе дува засилен ветер од северен правец кој ќе предизвика температурите значително да опаднат и максималните дневни температури ќе се искачуваат во интервалот само од 1 до 8 степени. Во Скопје до околу 4 степени, информира Славчо Попоски
Временска прогноза
Влажен студен бран се ближи кон наша територија, ќе имаме нови врнежи од дожд утре и снег на планинските превои

Под влијание на влажна и студена воздушна маса од север, за време на овој викенд во Македонија ќе имаме нови врнежи од дожд кои ќе бидат пообилни денес (сабота) попладне и тоа во западните предели (локално од 15 до 20 литри воден талог на метар квадратен). На планините ќе има врнежи од снег, каде постојаната снежна покривка ќе се зголеми.
Поради понатамошното заладување на времето, во недела попладне и навечер повремен снег ќе има и на повисоките места, особено во западните и во северните предели од Македонија, со надморска височина од, па и под 1000 метри. Не се исклучува можноста во споменатите предели слабо провејување на снег да има понекаде и во пониските места (градовите).
Утре (недела) попладне и навечер, како и во понеделник повремено ќе дува засилен ветер од северен правец (над 60 км/час).
Што се однесува до Скопскиот регион, ќе имаме слично време овој викенд, односно се очекуваат повремени врнежи од дожд, а особено во недела на околните планини, а доцна попладнето и вечерта и во повисоките предели од котлината ќе има услови за слаби врнежи од снег, кога повремено ќе дува и засилен ветер од северен правец.
Што се однесува до температурите, тие за време на овој викенд ќе бележат тенцендија на пад и ќе се искачуваат во интервалот од 4 до 10 степени, меѓутоа во недела навечер и ноќта кон понеделник, како и во понеделник наутро дополнително ќе опаднат и до понеделник наутро ќе се спуштаат во интервалот од -6 до 0 степени, додека на високите и на планинските места тие се очекува да се спуштат до околу, па и под -10 степени.
Значително постуден ден ќе биде понеделник 16 Декември, кога максималните дневни температури во Македонија ќе се искачуваат во интервалот од -1 до 7 степени.
Апелирам доколку овој викенд се движите кон планинските превои, поради тоа што се очекуваат нови врнежи од снег, возачите да бидат крајно внимателни како управуваат со своите возила, односно да возат со намалена брзина, истакна Славчо Попоски
-
Хороскоп1 ден
Хороскоп за среда (18 декември)
-
Кичево2 дена
Кичево се спрема за најубавите празнични денови од годината, плоштадот ќе биде украсен со најубавата „Витлеемската Пештера“ и огромна елка со многу подароци и лампиони
-
Кичево1 ден
Соопштение од кичевската црква Св.Петар и Павле по повод благословување и осветување на славските колачи за големиот ден Св.Николај Мирликијски
-
Кичево12 часа
Дедо Мраз пристигна во Кичево, на голема радост на најмилите
-
Хороскоп5 часа
Хороскоп за четврток (19 декември)
-
Временска прогноза1 ден
Еве какво време не очекува викендот пред нас
-
Автомобили1 ден
По нивното автомобилско стратешко партнерство, дали производителите на автомобили „Honda“ и „Nissan“ ќе се спојат?
-
Култура10 часа
Пред нас е големиот празник Св.Никола, светоцот заштитник на децата, сиромашните и работниците, за многу години најчестата слава во македонските домови!