Следете не

Спорт

ФФМ денес одржува редовно генерално собрание, каде свое обраќање имаа претставници на УЕФА кои ја пофалија досегашната работа и залагање за фудбалскиот развој

Објавено пред

на

©ФФМ

Фудбалската федерација на Македонија го одржува своето Редовно генерално Собрание. На Собранието пред присутните 58 од вкупно делегати, свое обраќање имаше претставникот на УЕФА, Јозеф Климент – советник за Национални асоцијации на УЕФА.

Одржувањето на цврста врска помеѓу фудбалот од грасрут и елитните натпреварувања e во срцето на новата шестгодишна стратегија на УЕФА, „Обединети за успех“. Со оваа стратегија УЕФА има за цел да го продолжи растот на фудбалот на нашиот континент со тоа што ќе обезбеди различност и вклученост на сите нивоа. Убедени сме дека приоритетите од новата стратегија ќе ја водат нашата убава игра во понатамошен раст и развој во Европа и ќе ги зачуваат принципите на спортски дух и еднакви можности во сите 55 асоцијации членки на УЕФА“.

„ФФМ е една од нив и искрено можам да кажам, една од најбрзо развојните национални асоцијации. Оваа година е многу посебна година бидејќи ја славите 30-годишнината откако станавте член на фудбалското семејство на ФИФА и УЕФА. 

Оттогаш, многу работи се сменија и на картата на вашата земја се појавија многу нови и реконструирани стадиони и терени. Многу сум среќен што, исто така, благодарение на средствата од програмата Хет-Трик на УЕФА, фудбалската инфраструктура во вашата земја постојано се подобрува што создава добри услови за подготовка не само за вашите национални тимови, туку и за започнување нови грасрут проекти за зголемување на учеството на момчињата и девојчињата и за поттикнување на талентирани елитни младински играчи кои се уште една стратешка цел на вашата федерација. 

На теренот, овој процес ги донесе своите плодови кога вашите национални тимови до 17 и до 19 години стигнаа до елитните рунди на натпреварувањата на УЕФА, тимот до 21 година го имаше своето деби во финалето на Европското првенство до 21 година во 2017 година и конечно кулминираше со националниот А тим кој обезбеди прво големо учество на финалниот турнир на УЕФА ЕУРО 2020 година.

Благодарение на сите овие достигнувања, ФФМ стана добро препознаена и почитувана од УЕФА. Би сакал да ви честитам за ова и во исто време да ви посакам се најдобро и многу ентузијазам за вашите понатамошни активности во развојот на фудбалот во вашата земја. 

И запомнете, УЕФА е секогаш покрај вас подготвена да помогне и со нетрпение ја очекуваме нашата соработка во иднина“. 

Исто така, регионалениот координатор на ФИФА за европските членки на Светската асоцијација, Мариот Гават се обрати пред присутните и го истакна следново:

Во 1994 година, Фудбалската федерација на Македонија се приклучи на ФИФА како членка. Оваа година славиме триесет години од соработката меѓу нашите две институции. 30 години пријателство, 30 години одлична соработка, соработка за која сум сигурна дека ќе продолжи да расте и во иднина. Користејќи ја оваа прилика, би сакал да подвлечам дека одличните односи на сите нивоа навистина се рефлектираат меѓу нашите раководства за развој на фудбалот во вашата прекрасна земја“.

„Уверени сме дека заедничката работа ќе има позитивно влијание за да го подигнеме фудбалот на повисоко ниво. Што се однесува до развојот на фудбалот, ФИФА е многу горда на бројните заеднички проекти што ги реализира со ФФМ во рамките на програмата ФИФА Форвард. Посебно сме задоволни што гледаме дека финансирањето на ФИФА е ефикасно насочено кон клучната компонента на фудбалскиот развој – инфраструктурата. Надградбата на капацитетите на тренинг центарот „Петар Милошевски“, вклучувајќи ги новите рефлектори и обновувањето на теренот, како и сместувањето за младинските академии на ФФМ, се јасен доказ за долгорочна визија и посветеност за негување таленти. Минатата година, ФИФА го започна третиот циклус на ФИФА Форвард, со што се зголемуваат средствата достапни за секоја асоцијација-членка од шест на осум милиони долари по циклус. Затоа, со нетрпение очекуваме да работиме рака под рака со ФФМ за да продолжиме да ги ставаме овие средства достапни за важни проекти за развој на фудбалот низ Македонија“.

Од спортски аспект, ви посакувам се најдобро во квалификациитена УЕФА за жени за ЕУРО 2025 против Молдавија на 31, мај и Летонија во јули. Се најдобро за вашата машка репрезентација, која ќе се соочи со Фарски Острови и Ерменија во Лига на нации во септември. За целата работа и силната соработка што ја споменав претходно, дозволете ми да ви се заблагодарам што рамо до рамо работевте заедно со нас во ФИФА и заедно се залагате за развојот на женскиот и машкиот фудбал насекаде и за сите“, за јавноста известуваат од Фудбалската федерација на Македонија.

Свој говор имаше и претседателот на ФФМ, г-дин Муамед Сејдини, кој го истакна следново:

Ова за нас, како раководство на Фудбалската федерација на Македонија не е нов почеток, но веројатно е еден од најкомплексните периоди од работата во федерацијата. Одново да им помогнеме на другите да ја видат Фудбалската федерација на Македонија на начин на кој што ја гледаме ние. Модерна и прогресивна.

Се сметам за посветена личност, а односот кон сите обврски во изминатата година даваат  оцена и приказ за мојата работа, но и работата на целата федерација.

Сметам дека многу работи во нашата Фудбалска федерација функционираат доста добро, но знам дека има и работи што можеме да ги подобриме. Секако, за јавноста успехот на најдобрата репрезентација е мерило за успех и на федерацијата, но тоа сепак не е единствената обврска за нас. Затоа целта е да бидеме успешни и во другите сегменти за кои ФФМ треба да се грижи, да посветува време и внимание, да обезбедува и распределува средства и се разбира во активностите и проектите  да бидат вклучени сите фудбалски региони во државата.

Развојот на инфраструктуата треба да се шири и надвор од Скопје. Токму затоа инвестираме во терени во Дојран, Илинден, Липково, Тетово, Куманово и Радовиш,  изградба и реконструкција  на соблекувални во Илинден, Липково, Драчево, Свети Николе, Кравари, Велес, Демир Капија, Добридол, Куманово, Кичево и Кочани.

Сите ние во фудбалот сме долги години и на сите нас ни е јасно дека само резултатот може да ги донесе навивачите на стадион. Успехот на терен го зголемува интересот и го враќа угледот на репрезентацијата. Заслужни за тоа се фудбалерите и стручниот штаб. Наша обврска е да им ги обезбедиме сите услови и сигурен сум дека е така. Но, наше е и да се стремиме кон добри резултати, посебно во Лига на нации во група во која објективно сме фаворити. Убеден сум дека истото го мислат и селекторот и стручниот штаб во А селекцијата.

Во рамки на федерацијата, знаете и сите вие, стремежот е секој оддел да има своја автономија. Почнувајќи од натпреварувачката комисија, младинските сектори или Комисијата за женски фудбал, па се до Судиската организација. Тоа значи и поголема одговорност за сите нив. Сите тие сметам дека професионално ја вршат својата работа и поради тоа  Федерацијата е  брана за сите евентуални удари кон нив.

Она на што особено сум горд се пријателствата и контактите што ги имаме во Европа и Светот. Имаме исклучителен однос со претседателот на УЕФА, Александар Чеферин и со останати влијателни луѓе од УЕФА и ФИФА. Тие знаат дека во ФФМ имаат сигурен партнер за сите идни проекти. Тоа е од взаемна корист. Во година во која одбележуваме три децении од членството во УЕФА, не можевме ниту да сонуваме подобар однос со Европската фудбалска асоцијација.

Тука сме и со кренати глави стоиме пред вас претставувајќи го извештајот за постигнатите резултати согласно планираното. Работиме со континуитет и ќе продолжиме да инвестираме пред се во инфраструктурата. Лигата е интересна и неизвесна, а вложувањата во младинскиот и женскиот фудбал се најголеми во историјата. Извештајот што го имате пред вас најдобро го покажува обемот на активности и проекти на Фубдалската федерација на Македонија.

Од се срце им благодарам на сите вработени во ФФМ, на Вас, делегатите на Собранието и членовите на Управниот одбор, на клубовите, тренерите, фудбалерите, судиите и целиот фудбалски персонал за придонесот во развојот на македонскиот фудбал. За мене, вашиот квалитет и работа ја надминува реалната рамка на државата. Она што заеднички го правиме е над сите очекувања. Потврда за тоа е видеото во кое ги гледаме најголемите инвестиции на ФФМ во изминатиот период. Штип, Велес. Охрид, Чаир, Битола, Чепчиште, Скопје.

Уште еднаш благодарност до сите вас што ја прифаќате основната улога и функција на фудбалот. Да не зближува. Нас луѓето и нациите“.

Спорт

(ФОТО) Антонио Сталески од „ФК Кичево“ прогласен за „играч на турнирот“ во Швајцарија каде за ФК АП. „Брера Струмица“ кичевчани донесоа шампионски пехар!

Објавено пред

на

©porta.mk

Од рубриката спорт ја имаме таа чест да споделиме една ексклузивна вест со јавноста дека децата од генерацијата 2009 на ФК Академија Пандев „Брера Струмица“ под раководната палка на тренерот Васко Тодоров го освоија меѓународниот турнир „Трофео Локарно“ во Локарно Швајцарија, каде учествуваа изминатите три дена, додека генерацијата 2011-та се закити со третото место.

Фокусот нашиот медиум го става на шампионската генерација 2009 која го освои првото место каде одиграа одлично во целиот турнир, а во оваа генерација боите на ФК АП. „Брера Струмица“ ги бранеа нашите деца од „ФК Кичево“, Антонио Сталески, Стефан Војчески и Андреј Петрески.

На престижниот турнир кичевчаните имаа свој голем придонес во шампионскиот пехар кој отпатува за Струмица. Имено Антонио Сталески беше прогласен за најдобар играч на турнирот со постигнати вкупно 9 голови и 7 асистенции, веднаш по него беше Војчески Стефан со прекрасно прикажана игра, 5 голови и неколку асистенции, а со своја доминантност беше и Андреј Петрески, нашиот играч за врска кој го имаше на секаде по теренот.

Стефан Војчески (лево), Андреј Петрески (средина), Антонио Сталески (десно)

Стефан Војчески (лево), Андреј Петрески (средина), Антонио Сталески (десно)

Во финалето домаќинот Локарно беше совладан со 2:0, а победоносните два гола се дело на Сталески за голема радост на своите врсници.

„ФК Кичево“ преку нашиот медиум кој е практично дел од клубот се заблагодарува до управата на ФК АП. „Брера Струмица“ за дадената доверба, посебна благодарност исто така до г-дин Борче Постолов кој се грижеше за нашите момчиња и ги прифати како свои, во текот на целата организациона седмица. Се надеваме дека ова е почеток на една блескава соработка помеѓу нашиот клуб и реномираниот ФК АП. „Брера Струмица“, предводен од најдобриот фудбалер на сите времиња Горан Пандев, истакна Игор Николаевски, тренер на „ФК Кичево

ФОТО: ФК АП. „Брера Струмица“

ФОТО: ФК АП. „Брера Струмица“

Прочитај повеќе...

Спорт

31-во финале во фудбалскиот Куп на Македонија, Тиквеш и Воска Спорт во битка за својот прв трофеј, истакнат и баражот на натпревари за пополнување на Прва и Втора МФЛ

Објавено пред

на

©porta.mk

Влезници за натпреварот може да се купат по цена од 200 денари преку продажната мрежа на МКТickets. Во среда од 19:00 часот на Националната арена „Тодор Проески“ во Скопје, екипите на Тиквеш и Воска Спорт ќе се соочат во 31-то финале во Купот на Македонија.

За првпат на финалниот натпревар се пласираа екипи кои досега никогаш не се нашле во меч за титула и за првпат, Тиквеш и Воска Спорт преку овој натпревар ќе имаат шанса да излезат во Европа, односно во квалификациите за Лигата на конференции.

Финалето на Купот на Македонија е нешто посебно, битката за пехарот несомнено е дека ќе биде спектакл. Тиквеш и Воска Спорт апсолутно заслужено се најдоа во финалето. Со своите настапи во досегашниот дел од ова натпреварување покажаа најмногу, ги минаа сите пречки, покажаа квалитет и сега ќе бијат битка за пехарот, но и за пласман во Европа.

Патот до финалето во Купот на Македонија:

ТИКВЕШ

1/16 ФИНАЛЕ: АРСИМИ – ТИКВЕШ 1:2

1/8 ФИНАЛЕ: ПЕЛИСТЕР – ТИКВЕШ 0:1

1/4 ФИНАЛЕ: ТИКВЕШ – БРЕРА 1:1 (6:5П)

1/2 ФИНАЛЕ: ШКУПИ – ТИКВЕШ 0:0, 0:0 (3:5П)

ВОСКА СПОРТ

1/16 ФИНАЛЕ: КАРБИНЦИ – ВОСКА СПОРТ 0:10

1/8 ФИНАЛЕ: ВОСКА СПОРТ – СТРУГА ТЛ 0:0 (4:1П)

1/4 ФИНАЛЕ: БРЕГАЛНИЦА – ВОСКА СПОРТ 0:1

1/2 ФИНАЛЕ: ВОСКА СПОРТ – МАКЕДОНИЈА ЃП 2:0, 1:2

Историјата покажува дека во финалните мечеви нема фаворити и нема аутсајдери. Тоа се тие 90 или 120 минути, па и пенал – серии во кои треба да го покажеш тоа најмногу што го знаеш, нема поправен, нема реприза, нема втора шанса. Историјата, поточно традицијата кажува кога станува збор за финалињата во Купот на Македонија дека на последните шест средби или четири во низа, се изведувале пенал – серии.

Ова ќе биде 31. финале во Купот, а се започна во сега веќе далечната 1993 година кога на, тогаш, Градски, пред 20.000 гледачи Вардар со 1:0 со голот на Савов во 86.минута го победи Пелистер и се радуваше на првиот трофеј. Следуваа 30 финални мечеви,имаше спектакли како оној во 2003 кога Цементарница во блескаво финале, по 4:4, победи на пенали. Потоа имашеи супер интересни завршницикако во 2006 кога Ивановски му го донесе пехарот на тимот од Ѓорче, секако ќе го паметиме оној гол на С. Пандев во 2009 година во 90.минута за 1:1 меѓу Работнички и Македонија ЃП. Не смее да се заборави ниту финалето во 2000 година кога среде Прилеп, тогаш Слога Ј со неверојатни 6:0 славеше над Победа. Интересно, на последните шест средби дури петпати или четири во низа, пеналите го решавале победникот. Во 2020 година поради Ковидот не се одигра финалето, а сите сме во очекување на дуелот меѓу Тиквеши Воска, екипи од кои се очекуваквалитетно и интересно финале.

Влезници за натпреварот може да се купат по цена од 200 денари преку продажната мрежа на МКТickets.

Во Кавадарци поддржувачите на Тиквеш можат да купат билети во Street Café, додека поддржувачите на Воска, билетите во Охрид може да ги набават во Т.А. Вис Пој. На денот на натпреварот, билети може да се купат и на билетарата на Националната арена „Тодор Проески“.

Исто така во „Куќа на фудбалот“ беа одредени и паровите за пополнување на Прва и Втора МФЛ за натпреварувачка сезона 2024/25.

ФК ВАРДАРСКИ – ФК КОРАБИ (25.05.2024, 17:00 часот, стадион „Борис Трајковски“, Маџари);

ФК ПОБЕДА Прилеп – ЗГ ФК КУМАНОВО (25.05.2024, 17:00 часот, стадион „Ѓорче Петров, Скопје);

ФК ВЛАЗЕРИМИ Ј 1977 – ФК БОРЕЦ 1919 (25.05.2024, 17:00 часот, стадион „Петар Милошевски“, Битола);

Бараж натпревар за пополнување на Прва МФЛ:

ФК ВАРДАР – ФК ДЕТОНИТ Плачковица (26.05.2024, 17:00 часот, стадион „Благој Истатов, Струмица);

Се игра еден натпревар. Во случај на нерешен резултат, веднаш се пристапува кон изведување пенали, известуваат од Фудбалската федерација на Македонија.

Прочитај повеќе...

Спорт

74 конгрес на ФИФА во Бангкок: Светското првенство за жени во 2027 да се одржи во Бразил, како најважна точна на дневниот ред

Објавено пред

на

©ФФМ

На 74. Конгрес на Светската фудбалска организација, ФИФА беше донесена одлука Светското првенство за жени во 2027 година да се одржи во Бразил. Изборот на домаќин на Светското првенство за жени беше најважната точка на дневниот ред на Конгресот на ФИФА што се одржа во Бангкок.

Земјите членки на ФИФА одлучија домаќинот да му го доделат на Бразил, кој со 119 гласа победи пред кандидатурата на Белгија, Германија и Холандија кои добија поддршка од 78 земји. Десеттото издание на женското светско првенство за првпат ќе се одржи во Јужна Америка, а титулата светски првак ќе ја брани репрезентацијата на Шпанија.

Конгресот го усвои и годишниот извештај за 2023 година, предлог-буџетот за 2025 година и измените на Статутот на ФИФА.

– „ФИФА го финансира фудбалот ширум светот. Приходите што ги генерираме не одат за одреден број клубови, туку одат во сите 211 земји членки. Нашата мисија е да го развиваме фудбалот ширум светот, бидејќи 70 отсто од земјите членки не би имале доволен приход без придонес на ФИФА“, истакна претседателот на ФИФА, Џани Инфантино.

Делегацијата на Фудалската федерација на Македонија ја предводеше претседателот Муамед Сејдини, потпретседателот Лазар Ракиџиев и генералниот секретар Наталиа Божиновска Илиевска.

https://www.youtube.com/watch?v=1fucSuUI1lY

Прочитај повеќе...

Facebook

Последни објави

Хороскоп2 часа

Хороскоп за вторник (21 мај)

ОВЕН Денот е идеален за решавање на сите незавршени работи како и за дискусии поврзани со финансиски проблеми со личност...

Македонија3 часа

Пред нас уште еден споен викенд, доаѓа Денот на сесловенските просветители Св.Кирил и Методиј, ова се останатите неработни денови до крај на годината

Овој петок, односно 24 мај – е Денот на сесловенските просветители св. Кирил и Методиј, неработен ден за сите граѓани...

Спорт10 часа

(ФОТО) Антонио Сталески од „ФК Кичево“ прогласен за „играч на турнирот“ во Швајцарија каде за ФК АП. „Брера Струмица“ кичевчани донесоа шампионски пехар!

Од рубриката спорт ја имаме таа чест да споделиме една ексклузивна вест со јавноста дека децата од генерацијата 2009 на...

Спорт11 часа

31-во финале во фудбалскиот Куп на Македонија, Тиквеш и Воска Спорт во битка за својот прв трофеј, истакнат и баражот на натпревари за пополнување на Прва и Втора МФЛ

Влезници за натпреварот може да се купат по цена од 200 денари преку продажната мрежа на МКТickets. Во среда од...

Македонија12 часа

Од ноќеска сите нафтени деривати со намалена цена, ова се новите малопродажни цени

Малопродажната цена на бензинот ЕУРОСУПЕР БС-95, се намалува за 1,50 ден/лит, во однос на малопродажната цена утврдени со одлуката за...

Магазин12 часа

Голем редизајн на Google Maps сега се тестира на Android

Големиот редизајн на Google Maps од февруари сега почна повторно да се појавува на некои телефони со Android, со нови...

Магазин12 часа

Ѕирнете во новиот iPad Pro (ВИДЕО)

Се појави видео кое ни дава подобар поглед на компонентите што ги содржи најновиот 13-инчен iPad Pro. Каналот на YouTube,...

Магазин12 часа

Колку често треба да ги исклучуваме нашите мобилни телефони?

Колку често треба целосно да го исклучувате мобилниот телефон? Овој проблем не е само за заштеда на батеријата. Исто така,...

Временска прогноза12 часа

Летото 2023 најжешко во последните два милениума

Годините на дрвјата потврдуваат дека поминаа 2.000 години откако на северната хемисфера имаше потопло лето од минатата година. Од времето...

Магазин12 часа

Се сеќавате ли на познатиот winamp? Еве како ќе изгледа најновата верзија на плеерот кој го обожававме

Популарниот плеер добива нова верзија, а во неговото создавање ќе помогнат програмерите со отворен код. Winamp објави дека го отвора...

НАЈЧИТАНИ